ଶିବ ପୁରାଣ ସହିଁତା ଅନୁସାରେ ମହାଦେବ ଦେହଧାରି ମାନଙ୍କର ମନସ୍କାମନା ପୂର୍ଣ୍ଣ କରିବା ପାଇଁ “ଓଃ ନମଃ ଶିବାୟ”ସ୍ତୁତି ପ୍ରତିପାଦନ କରିଛନ୍ତି । ଏହା ବିଶ୍ଵ ଆରମ୍ଭର ୬ଟି ଅକ୍ଷର ମନ୍ତ୍ର ସମ୍ପୂର୍ଣ୍ଣ ଶକ୍ତି ଓ ଜ୍ଞାନର ମଞ୍ଜି ଅଟେ । ଯେପରି ବରଗଛ ମଞ୍ଜିରେ ଗୋଟିଏ ମହାନ୍ ବୃକ୍ଷ ଲୁଚି ରହିଛି , ସେହିଭଳି ଭାବରେ ଅତ୍ୟନ୍ତ ଖୁଦ୍ର ହୋଇଥିଲେ ମଧ୍ୟ ଏହି ମହାନ୍ ମନ୍ତ୍ର ଅର୍ଥରେ ପରିପୂର୍ଣ୍ଣ ଅଟେ । ଓଃ ଏହି ଗୋଟିଏ ଅକ୍ଷରରେ ସର୍ବବ୍ୟାପୀ ପ୍ରଭୁ ମହାଦେବ ପ୍ରତିଷ୍ଠିତ ଅଛନ୍ତି । ଏହା ଏକ ସୁକ୍ମ ଅକ୍ଷର ହୋଇଥିଲେ ମଧ୍ୟ ଏହା ଶିବଙ୍କର ଶକ୍ତିକୁ ପ୍ରଭାବିତ କରି ନମଃ ଶିବାୟକୁ ଶକ୍ତିଶାଳୀ କରିଛି । ଯେବେଠୁ ପୃଥିବୀ ଆରମ୍ଭ ହେଲାଣି ସେହି ଅନାଦି କାଳରୁ ମହାଦେବଙ୍କର ଏହି ଓଃ ନମଃ ଶିବାୟ ମନ୍ତ୍ରର ଶକ୍ତି ସୃଷ୍ଟିରେ ବିରାଜ ମାନ କରି ଆସୁଛି ।
* ଯଦି ଭଗଵାନ ବିଶ୍ଵନାଥ ନଥାନ୍ତେ ତେବେ ଏହି ବ୍ରହ୍ମାଣ୍ଡ ଅନ୍ଧକାର ମୟ ହୋଇଯାଇ ଥାଆନ୍ତା ,କାରଣ ପ୍ରକୃତି ଜଡ ଅଟେ ଓ ଜୀବାତ୍ମା ଅଜ୍ଞାନୀ । ଏହାର ଅର୍ଥ ଏହାକୁ ଆଲୋକିତ କରି ଥାଆନ୍ତି ପରମତ୍ମା। ଯେଭଳି ରୋଗୀ ବଇଦ ବିନା ସୁଖରୁ ବଞ୍ଚିତ ହୋଇ କଷ୍ଟ ଭୋଗ କରିଥାଏ ,ସେହିଭଳି ମହାଦେବଙ୍କ ବିନା ସଂସାରରେ କଷ୍ଟ ଲାଗି ରହିଥାଏ ।
* ଭଗଵାନ ଶିବ ଆଦି ମଧ୍ୟ ଓ ଅନ୍ତରୁ ରହିତ ଅଟନ୍ତି ସ୍ୱଭାବରେ ନିର୍ମଳ ଅଟନ୍ତି । ସେ ସର୍ବବ୍ୟକ୍ତ ପରିପୂର୍ଣ୍ଣ ଅଟନ୍ତି। ସେଥିପାଇଁ ତାଙ୍କୁ ଶିବ କୁହାଯାଏ। ଓଃ ନମଃ ଶିବାୟ ଏହି ପଞ୍ଚାକ୍ଷର ମନ୍ତ୍ର ସବୁଠୁ ବ୍ରହ୍ମାଣ୍ଡରେ ଶକ୍ତିଶାଳୀ ଅଟେ ।
* ଏହି ମନ୍ତ୍ରରୁ ଜଣା ପଡ଼ିଛି ଯେ ସର୍ବଜ୍ଞ,ପରିପୂର୍ଣ୍ଣ ଓ ସ୍ୱଭାବରେ ମହାଦେବ ନିର୍ମଳ ଅଟନ୍ତି । ବିଦ୍ୱାନ ପୁରୁଷ ମାନଙ୍କୁ ଆବଶ୍ୟକ ଯେ ସେମାନେ ଈଶ୍ବରଙ୍କ ବଚନକୁ ଶ୍ରଦ୍ଧା କରିବା ଉଚିତ୍ ।
* ବିଶ୍ୱରେ ରହିଥିବା ୩୩ କୋଟି ଦେବତାଙ୍କ ମଧ୍ୟରେ ମହାଦେବଙ୍କର ବିଶେଷ ସ୍ଥାନ ରହିଛି । ଯେଉଁ ବ୍ୟକ୍ତିର ହୃଦୟରେ ସବୁବେଳେ ଓଃ ନମଃ ଶିବାୟ ମନ୍ତ୍ର ରହିଛି ସେ କେଉଁଠାରେ ହେଲେବି ପରାଜିତ ହେବ ନାହିଁ । କାରଣ ଏହି ଗୋଟିଏ ମନ୍ତ୍ର ବିପଦ ,ଭୟ ,ରୋଗ ଓ ବ୍ୟାଧିକୁ ଦୂରେଇ ଦେଇଥାଏ , ଜୀବନରେ ସନ୍ତୋଷ ,ଶିକ୍ଷା ,ଭକ୍ତି ,ସଫଳତା ଏବଂ ସୁଖ ଲାଭ କରାଇଥାଏ । ଏହି ମନ୍ତ୍ର ଅନାଦି ଓ ବ୍ରହ୍ମାଣ୍ଡର ମୁଖ୍ୟ ମନ୍ତ୍ର ଅଟେ ।
