ଜମନକିରା 22/03/22 : ସମ୍ବଲପୁର ଜିଲ୍ଲା ଜମନକିରା ଥାନା ଟିକବା ପଂଚାୟତ ଅନ୍ତର୍ଗତ ରାଙ୍କୀବାହାଲ ଗ୍ରାମର ସୁମନ୍ତ ନାଏକ (୫୦) ଙ୍କ ବିଦ୍ୟୁତ ଆଘାତରେ ମୃତ୍ୟୁ ଘଟିଛି l ଖବର ରୁ ପ୍ରକାଶ ଯେ ସୁମନ୍ତ ପେଶାରେ ଜଣେ ବଢ଼େଇ ଥିଲେ l ଆଜି ସନ୍ଧ୍ୟା ସମୟରେ ବୈଦୁତିକ ଯନ୍ତ୍ର ସାହାଯ୍ୟରେ କାମ କରୁଥିବାବେଳେ ତାଙ୍କୁ ଆଘାତ ଲାଗିଥିଲା l ଗ୍ରାମର କେତେକ ଯୁବକ ତାଙ୍କୁ ଫାଶୀମାଲ ସ୍ୱାସ୍ଥ୍ୟ କେନ୍ଦ୍ର କୁ ନେଇଥିଲେ l
ଡାକ୍ତର ତାଙ୍କୁ ମୃତ୍ୟୁ ଘୋଷଣା କରି ଜମନକିରା ପୋଲିସ କୁ ଖବର ଦେଇଥିଲେ l ଜମନକିରା ପୋଲିସ ଘଟଣାର ତଦନ୍ତ କରୁଛି l ଆସନ୍ତା କାଲି ଶବ ବ୍ୟବଛେଦ ପାଇଁ କୁଚିଣ୍ଡା ସ୍ଥାନାନ୍ତରିତ କରାଯିବ ବୋଲି ଜଣା ପଡିଛି l ଏଠାରେ ପ୍ରକାଶ ଯୋଗ୍ୟ ଯେ, ସୁମନ୍ତଙ୍କ ସ୍ତ୍ରୀ ସହ ଦୁଇ ଶିଶୁ ସନ୍ତାନ ଅଛନ୍ତି l ଏବେ ପରିବାର ତାଙ୍କ ମୃତ୍ୟୁକୁ ନେଇ ଭାଙ୍ଗି ପଡିଛନ୍ତି l
