ସାଲେପୁର କୁଆଁପାଳ ରୋଡ଼ରେ ଥିବା ଏକ ସୁନା ଗହଣା ଦୋକାନ ଉପରେ ଆଜି କଟକ ଜି ଏସ ଟି ଏନଫୋର୍ସମେଣ୍ଟ ବିଭାଗ ପକ୍ଷରୁ ଚଢ଼ାଉ କରାଜାଇଥିବା ଜଣାଯାଇଛି। ଏହି ଚଢ଼ାଉ ଫଳରେ ସାଲେପୁର ଅଞ୍ଚଳରେ ଥିବା ଅନ୍ୟ ଗହଣା ବ୍ୟବସାୟୀଙ୍କ ମଧ୍ୟରେ କୋକୁଆ ଭୟ ସୁଷ୍ଟି ହୋଇଛି ।ଅଧିକାଶ ବ୍ୟବସାୟୀ ନିଜ ନିଜର ଗହଣା ଦୋକାନ ବନ୍ଦ କରି ଘରକୁ ଚମ୍ପଟ ମାରିଥିବା ଦେଖିବାକୁ ମିଳିଛି । ଖବରରୁ ପ୍ରକାଶ ଯେ ସାଲେପୁର ବ୍ଲକ କୁସମ୍ବି ଗ୍ରାମର କୈଳାସ ଚନ୍ଦ୍ର ସାହୁ ସାଲେପୁର କୂଆପାଳ ରୋଡ଼ରେ ବଳରାମ ଜୁଏଲାରୀ ନାମକ ଏକ ଗହଣା ଦୋକାନ କର ଜି ଏସ ଟି କର ଦେବାରେ ଠକୁଥିବା ନେଇ ଅଭିଯୋଗ ହୋଇଥିଲା।ଆଜି ଜିଏସ ଟି ବିଭାଗ ପକ୍ଷରୁ ଏକ ସାତଜଣିଆ ଟିମ୍ ଗହଣା ଦୋକାନ ଘର ଓ ବ୍ୟାଙ୍କରେ ଦୋକାନି ମାଲିକଙ୍କ ନାମରେ ଥିବା ଲକରକୁ ଯାଞ୍ଚ କରିବା ସହ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଥିବା ତଦନ୍ତକାରୀ ଅଧିକାରୀ ତଥା ଡେପୁଟି କମିଶନର ଆଶିଷ କୁମାର ସାହୁ ପ୍ରକାଶ କରିଛନ୍ତି।କଟକ ଜି ଏସ ଟି ବିଭାଗ ପକ୍ଷରୁ ଏହି ଚଢ଼ାଉକୁ ନେଇ ସାଲେପୁର ଅଞ୍ଚଳର ବ୍ୟବସାୟୀଙ୍କ ମଧ୍ୟରେ କୋକୁଆ ଭୟ ସୁଷ୍ଟି ହୋଇଛି। ପ୍ରକାଶ ଯେ ଏହି ଚଢ଼ଇ ସକାଳ ଏଗାରଟା ଠାରୁ ସନ୍ଧ୍ୟା ସାତଟା ପର୍ଯ୍ୟନ୍ତ ଚାଲିଥିବା ଦେଖିବାକୁ ମିଳିଥିଲା।
