ସାକ୍ଷୀଗୋପାଳ : ପୁରୀ ଜିଲ୍ଲାପାଳ ବଲବନ୍ତ ସିଂ ଆଜି ସାକ୍ଷୀଗୋପାଳ ଡାକ୍ତରଖାନା ପରିଦର୍ଶନରେ ଆସିଥିଲେ. ରୋଗୀ ମାନଙ୍କ ମଧ୍ୟରେ ସାମାଜିକ ଦୂରତା ଓ ମାସ୍କ ପିନ୍ଧିବା ଉପରେ ଗୁରୁତ୍ତ୍ୱାରୋପ କରିଥିଲେ. ଏଥି ସହିତ ଆନୁସଙ୍ଗିକ ସ୍ୱାସ୍ଥ୍ୟ ସେବା ସମ୍ପର୍କରେ ପଚାରି ବୁଝିଥିଲେ. ପୁରୀ ପୁରୀ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ସୁଜାତା ମିଶ୍ର, ସାକ୍ଷୀଗୋପାଳ ଡାକ୍ତରଖାନାର ଭାରପ୍ରାପ୍ତ ଚିକିତ୍ସାଧିକାରୀ ଡାକ୍ତର ବିଶ୍ୱଜିତ ମିଶ୍ର ଓ ବି ଡି ଓ ସରୋଜ କୁମାର ଦତ୍ତଙ୍କ ସମେତ ଅନ୍ୟ ଅଧିକାରୀ ମାନେ ଉପସ୍ଥିତ ଥିଲେ.
ନୂତନ ତହସିଲଦାର
ସତ୍ୟବାଦୀ ତହସିଲରେ ନୂତନ ତହସିଲଦାର ମନୋଜ ନାୟକ ଆଜି କାର୍ଯ୍ୟରେ ଯୋଗ ଦେଇଛନ୍ତି. ପୂର୍ବତନ ତହସିଲଦାର କସ୍ତୁରୀ ପ୍ରଧାନଙ୍କ ଠାରୁ ତହସିଲଦାର ଶ୍ରୀଯୁକ୍ତ ନାୟକ ଦାୟିତ୍ୱ ଗ୍ରହଣ କରିଛନ୍ତି.
ବିଦ୍ୟୁତ ତାର ଉପରୁ ନଡ଼ିଆ ଗଛ କଟାଗଲା
ଆଜି ଅପରାହ୍ନରେ ପ୍ରବଳ ବର୍ଷା ଫଳରେ ସ୍ଥାନୀୟ ନୂଆ ସୋମେଶ୍ୱର ପୁର ଗ୍ରାମ ମଝିରେ ନଡ଼ିଆ ଗଛ ଭାଙ୍ଗିପଡ଼ି ବିଦ୍ୟୁତ ତାର ଉପରେ ପଡି ଯାଇଥିଲା. ସାକ୍ଷୀଗୋପାଳରୁ ଦମକଳ ଯାଇଥିଲା. ଆଗ୍ନିକ ମାନେ ନଡ଼ିଆ ଗଛଟିକୁ କାଟି ବିଦ୍ୟୁତ ତାର ଉପରୁ ବାହାର କରିଥିଲେ. ଏହି ସମୟରେ ବିଦ୍ୟୁତ ସରବରାହ ବନ୍ଦ ରହିଥିଲା.
