ରାୟଗଡା,୨୨ ।୪ : ଉକ୍ରଳ ଆଲୁମିନା କଂପାନୀ ତରଫରୁ ଓମେନ୍ସ ଅର୍ଗାନାଇଜେସନ ଫର ରୁରାଲ ଡେଭଲପମେଂଟ (ୱାର୍ଡ) ସହିତ ସହଭାଗିତାରେ ୟୁଏଆଇଏଲ ଗ୍ରାମର ୪୨ଜଣ ମହିଳାଙ୍କୁ ସ୍ଥାୟୀ ଜୀବିକା ଉପାର୍ଜନ ସୁଯୋଗ ଯୋଗାଇଦେବାକୁ ‘ସୂର୍ଯେ୍ୟାଦୟ’ ନାମରେଏକ ନର୍ସରୀ ବିକାଶ କାମ ଆରମ୍ଭ କରାଯାଇଛି । ସମସ୍ତ ୪୨ଜଣ ମହିଳାଙ୍କୁ ଖଣି ପୁନଃଭରଣା ଓ ଚାରରୋପଣ କାର୍ଯ୍ୟକ୍ରମର ଅଂଶବିଶେଷ ଭାବରେ ନର୍ସରୀ ବିକାଶ ଉପରେ କୁଶଳତା ତାଲିମ ପ୍ରଦାନ କରାଯିବ । ୟୁଏଆଇଏଲର କମୁ୍ୟନିଟି ରିଲେସନ୍ସ ଆଣ୍ଡ ସଷ୍ଟେନେବିଲିଟି ଟିମ ବାସ୍ତବ ସ୍ଥିତି ଜାଣିବାକୁ ଦୁଇମାସ ଧରି ପାଇକକୁପଖାଲ ଗ୍ରାମର ଆକଳନ ଭିତିକ ସର୍ଭେ କରିଥିଲେ ।
ଏହି ସର୍ଭେରେ ଭିନ୍ନକ୍ଷମ, ବାର୍ଦ୍ଧକ୍ୟାବସ୍ଥାରେ ଉପନୀତ ବ୍ୟକ୍ତି, ଅନାଥ/ବିଧବା ମହିଳା, ଭୂମିହୀନ ପରିବାର ଭଳି ବହୁ ଆପଦାପର୍ଣ୍ଣ ବର୍ଗ ଏବଂ ଅନ୍ୟ ଅନେକଙ୍କୁ ଚିହ୍ନଟ କରାଯାଇଥିଲା । ସର୍ଭେ ଶେଷହେବା ପରେ ଏକ ଯୋଜନା ପ୍ରସ୍ତୁତ କରାଯାଇଥିଲା ଏବଂ ତୁରନ୍ତ ପଦକ୍ଷେପ ସ୍ୱରୂପ ଅଧିକାଂଶ ଆପଦାପୂର୍ଣ୍ଣ ପରିବାର ଏବଂ ସହାୟତା ଆବଶ୍ୟକ କରୁଥିବା ବର୍ଗଙ୍କୁ ଏକକାଳୀନ ଆର୍ଥିକ ସହାୟତା ଯୋଗାଇ ଦିଆଯାଇଥିଲା ଯାହା ସେମାନଙ୍କ ଜରୁରୀ ଆବଶ୍ୟକତା ସମୟରେ ସହାୟକ ହେବ । ଏ ସମ୍ପର୍କରେ ପ୍ରକାଶକରି ୟୁଏଆଇଏଲ ୟୁନିଟ ହେଡ ମଜହର ବେଗ କହିଛନ୍ତି ଏହି ଗ୍ରାମର ମହିଳାମାନଙ୍କ ବିକାଶ ପାଇଁ ଆମେ ବାସ୍ତବରେ ଚିନ୍ତିତ । ପ୍ରଥମ ପର୍ଯ୍ୟାୟରେ ଆମେ ଏହି ନର୍ସରୀ ବିକାଶ କାର୍ଯ୍ୟ ହାତକୁ ନେଇଛୁ ଏବଂ ଖୁବଶୀଘ୍ର ଅନ୍ୟାନ୍ୟ ପ୍ରକଳ୍ପଗୁଡିକ କାର୍ଯ୍ୟକାରୀ କରିବକୁ ଯାହା ମହିଳାମାନଙ୍କ ସମସ୍ୟା ପ୍ରତି ଦୃଷ୍ଟିଦେବ ଏବଂ ସେମାନଙ୍କର ସାମଗ୍ରିକ ବିକାଶକୁ ସୁନିଶ୍ଚିତ କରିବ । ଏହାଦ୍ୱାରା ଆମେ ପ୍ରକୃତପକ୍ଷେ ଗ୍ରାମର ମହିଳାମାନଙ୍କୁ ସ୍ୱାବଲମ୍ବୀ ଏବଂ ସଶକ୍ତ କରିପାରିବୁ । ଆମେ ଗ୍ରାମଗୁଡିକରେ ଦୀର୍ଘସୂତ୍ରୀ ସ୍ଥାୟୀ ବିକାଶମୂଳକ ପ୍ରକଳ୍ପଗୁଡିକ ନିରନ୍ତର କାର୍ଯ୍ୟକାରୀ କରିବୁ ଯାହା ସେମାନଙ୍କୁ ଭବିଷ୍ୟତରେ ମଧ୍ୟ ଫାଇଦା ଆଣିଦେବ ।
