ରାୟଗଡା : ଜିଲ୍ଲାପାଳ ସରୋଜ କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନଲାଇନ ମାଧ୍ୟମରେ ଭାରତୀୟ ରେଡକ୍ରସ ସୋସାଇଟି ରାୟଗଡା ଜିଲ୍ଲା ଶାଖାର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଅଛି । ରେଡକ୍ରସର ସୋସାଇଟିର ପାଣ୍ଠି ଯେପରି ବଢିବ ସେ ନେଇ ଜିଲ୍ଲାପାଳ ଶ୍ରୀମିଶ୍ର ଗୁରୁତ୍ୱ ଦେଇଥିଲେ । ୨୦୧୯-୨୦ ଓ ୨୦୨୦-୨୧ ଆର୍ଥିକ ବର୍ଷର କାର୍ଯ୍ୟକ୍ରମ ସଂପର୍କରେ ଆଲୋଚନା ହୋଇଥିଲା ।
ଏଥି ସହ ୨୦୧୮-୧୯,୨୦୧୯-୨୦ ଓ ୨୦୨୦-୨୧ ଆର୍ଥିକ ବର୍ଷର ବ୍ୟୟ ଅଟକଳ ସମୀକ୍ଷା କରିବା ପାଇଁ ଜଣେ ଅଡିଟର ନିଯୁକ୍ତି କରିବା ସବ ବିଭିନ୍ନ ବିଭାଗର ପାଣ୍ଠି ଦାନ ଉପରେ ସମୀକ୍ଷା କରାଯାଇଥିଲା । ରେଡକ୍ରସ ସୋସାଇଟିର ପାଣ୍ଠି କମ ସଂଗ୍ରହ ହେଉଥିବାରୁ ଜିଲ୍ଲାପାଳ ଅସନ୍ତୋଷ ବ୍ୟକ୍ତ କରିଥିଲେ । ବିଭିନ୍ନ ସମୟରେ ଗରୀବ ଓ ନିଷ୍ପେସିତ ମାନଙ୍କ ସେବାରେ ଏହି ପାଣ୍ଠି ଲାଗୁଥିବାରୁ ପାଣ୍ଠିକୁ ବୃଦ୍ଧି କରାଇବା ପାଇଁ ଜିଲ୍ଲାପାଳ ଗୁରୁତ୍ୱରୋପ କରିଥିଲେ । ଏଥି ସହ ପ୍ରତ୍ୟେକ ତିନି ମାସରେ ପାଣ୍ଠି ସଂଗ୍ରହ ସଂପର୍କରେ ସମୀକ୍ଷା କରିବେ ବୋଲି ବୈଠକରେ ପ୍ରକାଶ କରିଥିଲେ । ସମସ୍ତ ଅଧିକାରୀ ପାଣ୍ଠି ସଂଗ୍ରହ ଉପରେ ଯେପରି ଧ୍ୟାନ ଦେବା ପାଇଁ ମଧ୍ୟ ପରାମର୍ଶ ଦେଇଥିଲେ । ରାୟଗଡା ରେଡକ୍ରସ ଶାଖାର ସଂପାଦକ ଖର୍ଚ୍ଚ ବିବରଣୀ ଉପସ୍ଥାପନ କରିଥିଲେ ।
