ରମ୍ଭା: ଓଡ଼ିଶାରେ ୧୨ ମାସରରେ ୧୩ ପର୍ବ ପାଳିତ ହେଉଥିବା ବେଳେ ପ୍ରତିବର୍ଷ ପରି ଓଡ଼ିଶାର ଗଣପର୍ବ ରଜ ପର୍ବ ଗଞ୍ଜାମ,ରମ୍ଭା ପାରିପାର୍ଶିକ ଅଞ୍ଚଳରେ କୋଭିଡ କଟକଣା ଯୋଗୁଁ ରଜପର୍ବ ଫିକା ପଡିଥିବା ଲକ୍ଷ କରାଯାଇଛି।ଗଞ୍ଜାମ ସହରାଞ୍ଚଳ ,ରମ୍ଭା ସହରାଞ୍ଚଳ,ଗଞ୍ଜାମ ବ୍ଲକ ର ବିଭିନ୍ନ ଗ୍ରାମାଞ୍ଚଳ ଓ ସାବୁଳିଆ ଅଞ୍ଚଳ ରେ କୋଭିଡ କଟକଣା ରହିଥିଲେ ମଧ୍ୟ ଗଛ ଡାଳରେ ଦୋଳି ବନ୍ଧାଯାଇ ଗ୍ରାମ୍ୟ କୁମାରୀ ମାନେ ନିଜକୁ ନୂତନ ବସ୍ତ୍ର ରେ ପରିଧ୍ୟାନ କରି ସଜେଇ ହୋଇ ଦୋଳି ଖେଳିବା ଦେଖିବାକୁ ମିଳିଛି ।
ପହିଲି ରଜ ଠାରୁ ଘର ମାନଙ୍କରେ ବିଭିନ୍ନ ପିଠାପଣା ପ୍ରସ୍ତୁତ କରାଯାଇ ରଜ ପାନ ଖାଇ ଘର ମାନଙ୍କର ଲୁଡୁ,କଉଡ଼ି ଖେଳର ଆସର ଜମିଥିବା ପରିଲକ୍ଷିତ ହୋଇଛି।ଛୋଟ ଛୁଆ ମାନଙ୍କ ପାଇଁ ଘର ଛୋଟ ଛୋଟ ଦୋଳି ବନ୍ଧା ଯାଇ ଝୁଲା ଯାଉଥିବା ବେଳେ ବନସ୍ତେ ଡାକିଲା ଗଜ ବରଷକେ ଥାରେ ଆସିଛି ରଜ ବଉଳ ଲୋ ଘେନି ନୁଆଁ ସଜବାଜ ଏପରିକି ବିଭିନ୍ନ ରଜଦୋଳି ଗୀତ ମାନ ଗ୍ରାମ୍ୟ କୁମାରୀ ମାନଙ୍କ କଣ୍ଠ ରୁ ଶୁଣିବାକୁ ମିଳୁଛି।ଗଞ୍ଜାମ ର ବିଭିନ୍ନ ଗ୍ରାମାଞ୍ଚଳ ମାନଙ୍କରେ ଗ୍ରାମ୍ୟ କୁମାରୀ ମାନେ ଏହି ଗଣପର୍ବ ରଜପର୍ବ କୁ ମନଭରି ଉପଭୋଗ କରୁଥିବା ଦେଖିବାକୁ ମିଳିଛି।
ଦାମୋଦରପୁର ଗ୍ରାମର ବିଜୟଲକ୍ଷ୍ମୀ ,ଦୀପ୍ତିମୟୀ,ସ୍ୱାତି ସଂଚିତା,ବର୍ଷା ପ୍ରିୟଦର୍ଶିନୀ ଗ୍ରାମ୍ୟ କୁମାରୀ ମାନେ ଗତ ବର୍ଷପରି ଚଳିତ ବର୍ଷ କୋଭିଡ ଯୋଗୁଁ ରଜପର୍ବ ଫିକା ପଡିଥିବା ବେଳେ ଘରେ ରହି ରଜପର୍ବ କୁ ମନଭରି ଉପଭୋଗ କରୁଥିବା ପ୍ରକାଶ କରିଛନ୍ତି।
Comments are closed.