କଟକରେ କମିଶନରେଟ ପଞ୍ଝାରେ ଆନ୍ତଃଜିଲ୍ଲା ବାଇକ୍ ଲୁଟେରା ଗ୍ୟାଙ୍ଗ୍। ଗ୍ୟାଙ୍ଗ୍ ର ୪ ଜଣ ସଦସ୍ୟ ଏବଂ ୫ ଜଣ ରିସିଭର୍ ଙ୍କୁ ମିଶାଇ ମୋଟ୍ ୯ ଜଣଙ୍କୁ ଗିରଫ କରିବାରେ ସଫଳ ହୋଇଛି ମାଲ୍ଗୋଦୋମ ଥାନା ପୋଲିସ୍। ଏମାନଙ୍କ ମଧ୍ୟରେ ଜଣେ ନାବାଳକ ଅଛନ୍ତି।ମାଲ୍ଗୋଦାମ ଥାନା ପୋଲିସ୍ ଏମାନଙ୍କୁ ଗିରଫ କରିବା ସହିତ ଏହି ଗ୍ୟାଙ୍ଗ୍ ଠାରୁ ୩୨ ଗୋଟି ବାଇକ୍ ଜବତ କରିଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ୍ କମିସନର୍ ସୌମେନ୍ଦ୍ର ପ୍ରିୟଦର୍ଶୀ। ବିଶେଷ କରି ଏହି ଗ୍ୟାଙ୍ଗ୍ ମେଡ଼ିକାଲ,ଶିକ୍ଷା ଅନୁଷ୍ଠାନ ମାନଙ୍କରେ ଗାଡିଗୁଡିକୁ ଚୋରି କରିଥାନ୍ତି। ଆଉ ଡୁପ୍ଲିକେଟ୍ ଚାବି ତିଆରି କରି ଆଖି ପିଛୁଳାକେ ଗାଡିକୁ ଲୁଟି ନେଇଥାନ୍ତି।
ଲୁଟ୍ କରିବା ପରେ ବିଭିନ୍ନ ସ୍ଥାନରେ ଥିବା ରିସିଭର୍ ଙ୍କୁ ୫ ହଜାର ,୬ ହଜାର ଟଙ୍କାରେ ବିକ୍ରି କରି ନମ୍ବର ପ୍ଲେଟ୍ ମଧ୍ୟ ବଦଳାଇ ଦିଅନ୍ତି। ମାଲଗୋଦୋମ ଥାନାର ଏକ ଗାଡି ଚୋରିର ତଦନ୍ତ ଜାରି ରଖିଥିବା ବେଳେ ଆଳୁ ଖୋଳୁ ଖୋଳୁ ମହାଦେବ ବାହାରିଲା ଭଳି ସବୁ ଚୋରା ଗାଡିର ଗୁମର ଫିଟିଥିଲା। ତେବେ ଚୋରି ହୋଇଥିବା ଗାଡି ମାଲିକଙ୍କ ତାଲିକା ଅନୁଯାୟୀ ପୁର୍ବରୁ ଗାଡିକୁ ହସ୍ତାନ୍ତର କରାଯାଇଥିବା ବେଳେ ଆଜି ବି ଜବତ ଗାଡିର ମାଲିକଙ୍କୁ ହସ୍ତାନ୍ତର କରାଯିବ। ଏହି ଗ୍ୟାଙ୍ଗ କଟକ ସମେତ ରାଜ୍ୟର ଖୋର୍ଦ୍ଧା, ଗଂଜାମ, କେନ୍ଦ୍ରାପଡା, ଅନୁଗୁଳ ଆଦିରେ ସକ୍ରିୟ ଥିବା ପୋଲିସ୍ ତଦନ୍ତରୁ ଜାଣିବାକୁ ପାଇଛି ବୋଲି ଗଣମାଧ୍ୟମକୁ ସୂଚନା ଦେଇ କହିଛନ୍ତି ଟୁଇନ୍ ସିଟି ପୋଲିସ୍ କମିସନର୍।
Comments are closed.