Odisha news

ଶିକ୍ଷା ବିଭାଗ ତରଫରୁ ଅନ୍ତର୍ଜାତୀୟ କନ୍ଯା ସନ୍ତାନ ଦିବସ ପାଳିତ

0
ନୂଆପଡ଼ା – ୨୪/୧୦ ସକାଳ ଖବର (ସୁରେନ୍ଦ୍ର ତିୱାରୀ ) ସିନାପାଲି ବ୍ଲକ ଶିକ୍ଷା ବିଭାଗ ତରଫରୁ ସ୍ଥାନୀୟ ନୋଡ଼ାଲ ଉଚ୍ଚ ବିଦ୍ଯାଳୟ ପରିସରରେ ବାଳିକା ମାନେ ସମ୍ମୁଖୀନ ହେଉଥିବା ସମସ୍ୟା ର ମୁକାବିଳା ଏବଂ ସେମାନଙ୍କୁ ସମାଜରେ ସମାନତା ଓ ସମାନ ସୁଯୋଗ ପ୍ରଦାନ ଲକ୍ଷ୍ଯ ନେଇ ବ୍ଲକ ସ୍ତରୀୟ ଅନ୍ତର୍ଜାତୀୟ କନ୍ଯା ସନ୍ତାନ ଦିବସ ପାଳିତ ହୋଇଯାଇଛି । ଶିକ୍ଷାଧିକାରୀ ଯତୀନ୍ଦ୍ର କୁମାର ସେଠ ଙ୍କ ଅଧ୍ଯକ୍ଷତାରେ ଏନେଇ ଅନୁଷ୍ଠିତ ସଭାରେ ମୁଖ୍ଯ ଅତିଥି ଭାବରେ ସିଡ଼ିପିଓ ଝରଣା ଶତପଥୀ ଓ ମୁଖ୍ଯ ବକ୍ତା ଭାବରେ ସ୍ଥାନୀୟ ପ୍ରଧାନ ଶିକ୍ଷକ ଲଳିତ କୁମାର ସୁନାରୀ ଯୋଗ ଦେଇଥିଲେ । ସେହିଭଳି ସମ୍ମାନିତ ଅତିଥି ଭାବରେ ଏବିଇଓ ପ୍ରଦୀପ କୁମାର ପଣ୍ତା, ସିଡିପିଓ ଅଫିସ୍ ସୁପରଭାଇଜର ଦମୟନ୍ତୀ ଜେନା, ବରିଷ୍ଠ ଶିକ୍ଷୟିତ୍ରୀ ସତ୍ଯରୂପା ଯୋଷୀ ଉପସ୍ଥିତ ରହି ସାମାଜିକ ପରିବର୍ତ୍ତନ ଓ ଲୋକଙ୍କ ମାନସିକତାରେ ପରିବର୍ତ୍ତନ ଘଟିଲେ ହିଁ ଅନ୍ତର୍ଜାତୀୟ କନ୍ଯା ସନ୍ତାନ ଦିବସ ପାଳନର ଯଥାର୍ଥତା ପୂରଣ ହେବ ବୋଲି ମତବ୍ଯକ୍ତ କରିଥିଲେ   ଶିକ୍ଷକ ବୈଷ୍ଣବ ମେହେର ପ୍ରାରମ୍ଭରେ ସମସ୍ତଙ୍କୁ ସ୍ୱାଗତ କରିବା ସହ ସଭାକାର୍ଯ୍ଯ ପରିଚାଳନା କରିଥିଲେ । ଏ ଅବସରରେ ଉଭୟ ବରିଷ୍ଠ ଓ କନିଷ୍ଠ ବିଭାଗରେ ଅନୁଷ୍ଠିତ ପ୍ରବନ୍ଧ, ସ୍ଲୋଗାନ ଲିଖନ, ଚିତ୍ରାଙ୍କନ, ସଙ୍ଗିତ ଆଦି ପ୍ରତିଯୋଗୀତାରେ ଅଞ୍ଚଳ ର ବିଭିନ୍ନ ବିଦ୍ଯାଳୟର ଛାତ୍ରୀମାନେ ଭାଗନେଇଥିଲେ । ସମସ୍ତ ବିଭାଗର ବିଜେତାଙ୍କୁ ମଞ୍ଚରେ ପୁରସ୍କୃତ କରାଯାଇଥିବା ବେଳେ ପୁରସ୍କାର ବିତରଣ କାର୍ଯ୍ଯକ୍ରମକୁ ସିଆରସିସି ରାକେଶ ମିଶ୍ର ପରିଚାଳନା କରିଥିଲେ । କାର୍ଯ୍ଯକ୍ରମର ସଫଳ ଆୟୋଜନରେ ଶିକ୍ଷା କାର୍ଯ୍ଯଳୟର ସନ୍ତୋଷ ବନ୍ଦିଛୋର, ଗୁପ୍ତେଶ୍ୱର ମାଝୀ, ମହେଶ୍ୱର ପ୍ରଧାନଙ୍କ ସମେତ ଖଗେଶ୍ୱର ନିଆଲ, ପ୍ରେମାନନ୍ଦ ମେହେର, ନିକୁଞ୍ଜ ବିହାରୀ ସା, ରଶ୍ମୀପ୍ରଭା ମେହେର, ଅନିଲ କୁମାର ସା, ମିନତୀ ମେହେର, ନରେଶ ସା ପ୍ରମୁଖ ସହଯୋଗ କରିଥିଲେ । ସଭା ଶେଷରେ ସିଆରସିସି ସୁଧିର କିଶୋର ଠାକୁର ଧନ୍ଯବାଦ ଦେଇଥିଲେ ।
Leave A Reply