Odisha news

ଅସହାୟ ମାଠୁ ପାଣ୍ଡେ ଙ୍କୁ ମିଳିଲା ସରକାରୀ ସହାୟତା

 ନୂଆପଡା-୧୩/୬(ସବ୍ୟୁ) ସିନାପାଲି ବ୍ଲକ ଅନ୍ତର୍ଗତ ଗୋଡାଲ ଗ୍ରାମ ପଂଚାୟତ   କୁଟାମାଲ ର ମାଠୁ ପାଣ୍ଡେ। ତାଙ୍କ ଜୀବନ ଅଭିଶପ୍ତ ହୋଇଥିଲା। ଏହି ଘଟଣା ଲୋକ ଲୋଚନ ଓ ବିଭିନ ଗଣମାଧ୍ୟମ ରେ ପ୍ରକାଶିତକୁ ହେବାପରେ ପ୍ରଶାସନ ପକ୍ଷରୁ ସହାୟତା ପାଇଁ ତାତ୍ପରତା ପ୍ରକାଶ ପାଇଥିଲା।  ସିନାପାଲି ବିଡ଼ିଓ ସଦାଶିବ ନାୟକ ଏହି ନିଃସହାୟ ବୃଦ୍ଧ ଙ୍କୁ ସହାୟତାର ହାତ ବଢ଼ାଇଛନ୍ତି। ତିନି ଗୋଟି ସହାୟତା ପ୍ରଦାନ କରିଛନ୍ତି। ମାଠୁ ପାଣ୍ଡେ ଙ୍କ  ବୟସ ପ୍ରାୟ ୮୦ ବର୍ଷ ହୋଇଥିବା ବେଳେ ଭତ୍ତା ପାଞ୍ଚ ଶହଟଙ୍କା ପାଇଥିବା ବେଳେ ଆଜି ସାତ ଶହଟଙ୍କା ଭତ୍ତା ପ୍ରଦାନ କରିଛନ୍ତି। ସେ ଜଣେ  ଏବଂ ଏକୁଟିଆ ଘରେ ରହିଥାନ୍ତି।  ତେଣୁ ତାଙ୍କୁ ୫ କେଜି ଲେଖାଏଁ ରାସନ କାର୍ଡ ରେ ଚାଉଳ ପାଉଥିଲେ। ତାଙ୍କ ଖାଉଟି ଅନ୍ତଦୟ କାର୍ଡ କରାଯାଇ ୩୫ କେଜି ଚାଉଳ ପ୍ରଦାନ କରାଯାଇଅଛି।  ଘୋଶାଡି ଘୋଷାଡି ଚଳ ପ୍ରଚଳ କରୁଥିବା ବେଳେ ନିଜର ଅଣ୍ଟା ରୁ ତଳକୁ କାମ କରୁନାହିଁ। ଜନ୍ମରୁ ସବୁ କାର୍ଯ୍ୟ ଘୋଶାଡି ଘୋଷାଡ଼ି  ପାଖାପାଖି ଅଧା କିଲୋମିଟର ଅତିକ୍ରମ କରି ସ୍ନାନ କରନ୍ତି। ତେଣୁ ତାଙ୍କୁ ଏକ ଟ୍ରାୟ ସାଇକେଲ ପ୍ରଦାନ କରିଛନ୍ତି। ଆଜି ସିନାପାଲି ବିଡ଼ିଓ ସଦାଶିବ ନାୟକ ଏବଂ ପଂଚାୟତ ନିର୍ବାହୀ ଅଧିକାରୀ ସଞ୍ଜୟ ପ୍ରଧାନ ଉପସ୍ଥିତିରେ ସହାୟତା ପ୍ରଦାନ ପାଇ ମାଥୁ ପାଣ୍ଡେ ପ୍ରଶାସନକୁ ଧନ୍ୟବାଦ ଦେଇ ବିଳମ୍ବରେ ହେଲେ ମୋ ଗୁହାରୀ ଶୁଣିଲେ ବୋଲି ପ୍ରକାଶ କରିଛନ୍ତି।

Comments are closed.