ନୀଳଗିରି-୦୪/୦୯: ପିଇବା ପାଣି ସମସ୍ୟାକୁ ନେଇ ସୋମବାର ଦିନ ଗ୍ରାମବାସୀମାନେ ଜଳଯୋଗାଣ ଅଫିସ ଆଗରେ ଧାରଣାରେ ବସିବା ସହ ଅଫିରେ ତାଲା ପକାଇ ଦେଇଥିଲେ । ଏଭଳି ଘଟଣା ଘଟିଛି ନୀଳଗିରି ପୌରପରିଷଦ ଅନ୍ତର୍ଗତ ୧୨ ନମ୍ବର ୱାର୍ଡରେ । ଘଟଣାରୁ ପ୍ରକାଶ ଏହି ୱାର୍ଡରେ ନୂତନ ପାଇପ ଲାଇନ୍ ସଂଯୋଗ ହୋଇଥିବା ବେଳେ ୱାର୍ଡକୁ ପିଇବା ପାଣି ଆସୁନଥିବାର ୱାର୍ଡ ବାସିନ୍ଦାମାନେ ବାରମ୍ବାର ଅଭିଯୋଗ କରିଆସୁଥିଲେ । ମାତ୍ର ସେମାନଙ୍କ ଆପତ୍ତି କେହି ନଶୁଣିବାରୁ ଓ ସମସ୍ୟାର ସମାଧାନ ନହେବାରୁ ଆଜି ବହୁ ସଂଖ୍ୟକ ମହିଳା ଏକଜୁଟ ହୋଇ ବସ୍ଷ୍ଟାଣ୍ଡ ନିକଟରେ ଥିବା ଜଳଯୋଗାଣ ଅଫିସ ଆଗରେ ଧାରଣାରେ ବସିବା ସହ ଅଫିସରେ ତାଲା ପକାଇଦେଇଥିଲେ । ପରେ ବିଭାଗୀୟ ଯନ୍ତ୍ରୀ ଘଟଣାସ୍ଥଳରେ ପହଞ୍ଚô ଖୁବ୍ ଶିଘ୍ର ଜଳଯୋଗାଣ ସମସ୍ୟାର ସମାଧାନ ହେବବୋଲି ପ୍ରତିଶୃତି ଦେବାପରେ ଧାରଣା ପ୍ରତ୍ୟାହୃତ ହୋଇଥିଲା ।
