୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୈମାସରେ ବ୍ୟବସାୟିକ ସଫଳତା ସହ ନାଲକୋର ଅନେକ ମାଇଲ ଖୁଣ୍ଟ ହାସଲ

• ୨୦୨୧-୨୨ ଆର୍ଥିକ ବର୍ଷର ନଅମାସରେନାଲକୋରସର୍ବକାଳୀନ ୧୯୨୬ କୋଟି ଟଙ୍କାର ରେକର୍ଡ୍ ନିଟ୍ ଲାଭ ଯାହା ଅନୁରୂପ ଅବଧିରେ ୩୬୪ କୋଟି ଟଙ୍କା ଉପରେ ୪୨୯ ପ୍ରତିଶତ ବୃଦ୍ଧି ।
ଭୁବନେଶ୍ୱର, ୦୭.୦୨.୨୦୨୨:ଦେଶର ଅଗ୍ରଣୀ ଆଲୁମିନା ଏବଂ ଆଲୁମିନିୟମ୍ ଉତ୍ପାଦନକାରୀ ଓ ରପ୍ତାନୀକାରୀ ଉଦ୍ୟୋଗ ନ୍ୟାସନାଲ୍ ଆଲୁମିନିୟମ୍ କମ୍ପାନୀ ଲିମିଟେଡ୍ (ନାଲକୋ) ୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୈମାସରେ ଅଭୂତପୂର୍ବ ସଫଳତା ହାସଲ କରିବା ସହ ଅନେକ ମାଇଲଖୁଣ୍ଟ ଅତିକ୍ରମ କରିଅଛି । ଏହି ଆର୍ଥିକ ବର୍ଷର ତୃତୀୟ ତ୍ରୈମାସରେ କମ୍ପାନୀ ଏହାର ନିଟ୍ ଲାଭରେ ପ୍ରାୟ ୩.୫ ଗୁଣ ଅଭିବୃଦ୍ଧି ହାସଲ କରି ୮୩୧ କୋଟି ଟଙ୍କା ନିଟ୍ ଲାଭ କରିଅଛି, ଯାହା ଗତ ବର୍ଷର ଏହି ଅବଧିରେ ହୋଇଥିବା ନିଟ୍ ଲାଭ ୨୪୦ କୋଟି ଟଙ୍କା ଉପରେ ୨୪୬% ବୃଦ୍ଧି ହୋଇଅଛି ।

ଡିସେମ୍ବର ୨୦୨୧ ଶେଷସୁଦ୍ଧା ନଅ ମାସରେନାଲକୋ ହାସଲ କରିଥିବା ନିଟ୍ ଲାଭ ୧୯୨୬ କୋଟି ଟଙ୍କା ମଧ୍ୟ ଏକ ସର୍ବକାଳୀନ ରେକର୍ଡ । ଏହି ଆର୍ଥିକ ବର୍ଷର ନଅ ମାସରେ କମ୍ପାନୀ ଏହାର ନିଟ୍ ଲାଭରେ ପ୍ରାୟ ପାଞ୍ଚ ଗୁଣ ଅଭିବୃଦ୍ଧି ହାସଲ କରିଅଛି ଯାହା ଗତ ବର୍ଷର ଏହି ଅବଧିରେ ହୋଇଥିବା ଲାଭ ୩୬୪ କୋଟି ଟଙ୍କା ଉପରେ ୪୨୯ % ବୃଦ୍ଧି ହୋଇଅଛି । ସେହିପରି ୨୦୨୧-୨୨ ଆର୍ଥିକ ବର୍ଷର ତୃତୀୟ ତ୍ରୈମାସରେ ପରିଚାଳନାଗତ ମୋଟ ରାଜସ୍ୱରେ ଅଭିବୃଦ୍ଧି ଘଟି ୩୭୭୩ କୋଟି ଟଙ୍କା ହୋଇଅଛି ଯାହା ଗତ ବର୍ଷ ଏହି ଅବଧିରେ ୨୩୭୯ କୋଟି ଟଙ୍କା ଥିଲା । କେନ୍ଦ୍ର ଖଣି ମନ୍ତ୍ରଣାଳୟ ଅଧୀନସ୍ଥ ନବରତ୍ନ କମ୍ପାନୀ ନାଲକୋର ଉଲ୍ଲେଖନୀୟ ସଫଳତା ପଛରେ ନିରବିଛିନ୍ନ କଞ୍ଚାମାଲ ଯୋଗାଣ ତଥା ଉତ୍ପାଦନ ବୃଦ୍ଧି, ଯୋଜନାବଦ୍ଧ ବିଦ୍ୟୁତ ପରିଚାଳନା, ବିଶେଷ କରି କୋଇଲା ସଂକଟ ସମୟରେ ଉତ୍ପାଦନ କ୍ଷମତାରସୁବିନିଯୋଗ ଏବଂ ୟୁନିଟ୍ ଗୁଡ଼ିକର ସୁପରିଚାଳନା ଦ୍ୱାରା ଏହି ଉତ୍କୃଷ୍ଟପ୍ରଦର୍ଶନ ସମ୍ଭବ ହୋଇ ପାରିଛି ।

ଏଥି ସହ ନାଲକୋପ୍ରତି ସେୟାରଉପରେ ୩ ଟଙ୍କାର ଦ୍ୱିତୀୟମଧ୍ୟବର୍ତ୍ତୀଡିଭିଡେଣ୍ଡମଧ୍ୟଘୋଷଣାକରିଛି(ଯାହା ୫ ଟଙ୍କା ଅଙ୍କିତ ମୂଲ୍ୟର ୬୦%) ।ଏଥି ପୂର୍ବରୁ ଡିସେମ୍ବର୨୦୨୧ ରେଇକ୍ୱିଟିସେୟାରପ୍ରତି୨ଟଙ୍କାରପ୍ରଥମମଧ୍ୟବର୍ତ୍ତୀଡିଭିଡେଣ୍ଡମଧ୍ୟ ପ୍ରଦାନକରାଯାଇଥିଲା।ଚଳିତଆର୍ଥିକବର୍ଷରେପ୍ରଦାନକରାଯାଇଥିବାମୋଟମଧ୍ୟବର୍ତ୍ତୀକାଳୀନଡିଭିଡେଣ୍ଡ୍ ଇକ୍ୱିଟିସେୟାରପୁଞ୍ଜିର୧୦୦% ଅଟେ ।

କୋଭିଡ ମହାମାରୀ ଦ୍ୱାରା ସୃଷ୍ଟି ହୋଇଥିବା ଆହ୍ୱାନପୂର୍ଣ୍ଣ ପରିସ୍ଥିତି ସତ୍ତ୍ୱେକମ୍ପାନୀ ଉତ୍ପାଦନ ଏବଂ ବିକ୍ରୟ କ୍ଷେତ୍ରରେ ଦୃଢ଼ଅଭିବୃଦ୍ଧି ପ୍ରଦର୍ଶନ କରିପାରିଛି ।ଚଳିତ ଆର୍ଥିକ ବର୍ଷର ନଅ ମାସ ମଧ୍ୟରେ, କମ୍ପାନୀ ଗତ ବର୍ଷର ୫୩.୪୮ ଲକ୍ଷ ଟନ୍ ତୁଳନାରେ ୫୫.୦୩ ଲକ୍ଷ ଟନ୍ ବକ୍ସାଇଟ୍ ଉତ୍ପାଦନ କରିଅଛି ଏବଂ ଆଲୁମିନା ହାଇଡ୍ରେଟ୍ ୧୫.୦୭ ଲକ୍ଷ ଟନ୍ ତୁଳନାରେ ୧୫.୪୧ ଲକ୍ଷ ଟନ୍ ଉତ୍ପାଦନ କରିଅଛି । ଆଲୁମିନିୟମ୍ ଉତ୍ପାଦନ ମଧ୍ୟ ସ୍ମେଲଟର ପ୍ଲାଣ୍ଟର ସମ୍ପୂର୍ଣ୍ଣ କ୍ଷମତା ବ୍ୟବହାର ସହିତ ଡିସେମ୍ବର ୨୦୨୧ ସୁଦ୍ଧା ଶେଷ ହୋଇଥିବା ପ୍ରଥମ ନଅ ମାସରେ ୩.୪୩ ଲକ୍ଷ ଟନ୍ ହୋଇଅଛି ଯାହା ଗତ ବର୍ଷର ଏହି ଅବଧିରେ ୩.୦୬ଲକ୍ଷ ଟନ ଥିଲା ।

ନାଲକୋସ୍ମେଲଟର ପ୍ଲାଣ୍ଟଏହାର ଇତିହାସରେ ପ୍ରଥମଥର ପାଇଁ,ସମସ୍ତ ପ୍ରକାର ପ୍ରତିକୂଳ ପରିସ୍ଥିତି ସତ୍ତ୍ୱେ, ଶତ ପ୍ରତିଶତ କ୍ଷମତା ବିନିଯୋଗ କରିବା ସହ୯୬୦ଟି ପଟ୍ ଏକକାଳୀନ କାର୍ୟ୍ୟ କରାଇବାର ଆଉ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲକରିପାରିଛି ।

ନାଲକୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକଶ୍ରୀ ଶ୍ରୀଧର ପାତ୍ର, ଏହି ସଫଳତାର ଶ୍ରେୟକର୍ମଚାରୀ ମାନଙ୍କର ନିଷ୍ଠାପର ସେବା ଏବଂ ଅକ୍ଳାନ୍ତ ପରିଶ୍ରମକୁ ଦେଇଛନ୍ତି । ଏଥି ସହ ଉତ୍ପାଦନ, ଉତ୍ପାଦକତା ଉପରେ ଗୁରୁତ୍ୱ ପ୍ରଦାନ କରିବା ସହିତ କମ୍ପାନୀର ଉତ୍ପାଦନ,ଜନଶକ୍ତି ଏବଂ ପରିଯୋଜନା ଉପରେ ବିଶେଷ ଧ୍ୟାନ ଦ୍ୱାରା ସମ୍ଭବ ହୋଇ ପାରିଛି ବୋଲି ସେ ମତ ପ୍ରକାଶ କରିଛନ୍ତି । ଆହ୍ୱାନପୂର୍ଣ୍ଣ ପରିସ୍ଥିତିରେ ରଣନୀତିପୂର୍ଣ୍ଣ ବିକାଶମୁଖୀ ପରିଯୋଜନା ଏବଂ କର୍ମଚାରୀଙ୍କ ଦ୍ୱାରାନିରନ୍ତର ପ୍ରଚେଷ୍ଟା ଏହି ସଫଳତା ଆଣିଦେଇଛି ବୋଲି ଶ୍ରୀ ପାତ୍ର କହିଛନ୍ତି।