ଶୀତଋତୁ ଆରମ୍ଭ ହେବା ମାତ୍ରେ ପରିବା ମାନଙ୍କର ସମ୍ଭାର ଦେଖିବାକୁ ମିଳିଥାଏ । ଏହି ସବୁ ପରିବା ମାନଙ୍କ ମଧ୍ୟରେ ଗୋଟିଏ ହେଉଛି ମୂଳା । ଏହା ଗୋଟିଏ ଏପରି ପରିବା ଯାହାକୁ ସେବନ କରିବା ଦ୍ୱାରା ମିଳିଥାଏ ଶରୀରକୁ ଅଦ୍ଭୁତ ଲାଭ । ଏହା ଆମର ଇମ୍ୟୁନିଟି ବୃଦ୍ଧି କରିବା ସହ ଅନେକ ଲାଭ ଦେଇଥାଏ , ତେଣୁ ଆମେ ଏହାକୁ କହୁ ୱିଣ୍ଟର ସୁପର୍ ଫୁଡ୍ ।
– ଆପଣ ଯଦି ନିୟମିତ ଭାବରେ ମୂଳା ଖାଇବେ ତେବେ ଆପଣଙ୍କ ରୋଗ ପ୍ରତିରୋଧକ କ୍ଷମତା ବୃଦ୍ଧି ହେବ ଓ ଆପଣ ସର୍ଦ୍ଦି ଓ କାଶ ଇତ୍ୟାଦିରୁ ଶୀତଋତୁ ରେ ରକ୍ଷା ପାଇବେ ।
– ମୂଳାରେ ଏନ୍ଥ ସରାଇନ ରହିଛି ହାର୍ଟ କୁ ସୁରକ୍ଷା ଦେଇଥାଏ ଓ ଆପଣଙ୍କୁ ହୃଦ୍ ରୋଗ ଠାରୁ ଦୂରେଇ ରଖିଥାଏ ।
– ଶୀତଋତୁ ରେ ମୂଳା ସେବନ କଲେ ପାଚନ ତନ୍ତ୍ର ସୁସ୍ଥ ରଖିଥାଏ ଓ ଖାଦ୍ୟ ହଜମ୍ ଠିକ୍ ଭାବରେ ହୋଇଥାଏ ।
– ମଧୁମେହ ରୋଗୀ ମାନଙ୍କ ପାଇଁ ମୂଳା ରାମ ବାଣ ଅଟେ । ଏହା ରକ୍ତ ଶର୍କରା କୁ ହ୍ରାସ କରିଥାଏ ।
– ଯଦି ଆପଣ ଶାରିରୀକ ଦୃଷ୍ଟିରୁ ଥକା ପଣ ଅନୁଭବ କରୁଛନ୍ତି ତେବେ ମୂଳା ରସ ନିୟମିତ ଭାବରେ ସେବନ କରନ୍ତୁ । ଶୀତଋତୁ ରେ ଯଦି କାଶ ଓ ଥଣ୍ଡା ରେ ଆକ୍ରାନ୍ତ ହେଉଛନ୍ତି ତେବେ ନିୟମିତ ଉଷୁମ ମୂଳରସ ସେବନ କରନ୍ତୁ ।
– ମୁଳାରେ କ୍ୟାଲସିୟମ ଥିବା କାରଣରୁ ପ୍ରତିଦିନ ଖାଇବା ଦ୍ବାରା ହାଡ ମଜବୁତ୍ ହୋଇଥାଏ । ଏହାଛଡା ଶରୀରର କୋଷିକା ଗୁଡ଼ିକ ସୁସ୍ଥ ରହିଥାଏ ।
– ଯଦି ଆପଣଙ୍କ ଦାନ୍ତ ହଳଦିଆ ହେଉଛି ତେବେ ନିୟମିତ ମୂଳା ରସରେ ଲେମ୍ବୁ ଚିପୁଡ଼ି ଦାନ୍ତରେ ଘଷିବା ଦ୍ଵାରା ଦାନ୍ତ ସଫା ରହିଥାଏ ।
– ନିୟମିତ ମୂଳା ସେବନ କଲେ କିଡନୀ ଓ ଲିଭର ସୁସ୍ଥ ରହିଥାଏ ।
