ରାଜେଶ କୁମାର ଲେଙ୍କା, ଯୁବ ସାମ୍ବାଦିକ,ନିଆଳି,କଟକ : ମଦ୍ୟପାନ ସ୍ବାସ୍ଥ୍ୟ ପ୍ରତି ହାନିକାରକ।ଏହି ବିଷୟରେ ସମସ୍ତ ଯୁବପିଢି ଅବଗତ।ଆଜିକାଲି ମଦ୍ୟପାନ କରିବା ବହୁଳ ମାତ୍ରାରେ ଦେଖା ଦେଉଛି।ଏହା ଦ୍ବାରା ସ୍ୱାସ୍ଥ୍ୟର ହାନି ହେବା ସହ ଅନେକ ଦୁର୍ଘଟଣା ମଧ୍ୟ ଘଟୁଛି।ଏହି ମଦ୍ୟପାନ କୁ ଯୁବପିଢି ଏକପ୍ରକାର ଟ୍ରେଣ୍ଡ କରି ଦେଇଛନ୍ତି। ସାଧାରଣରେ ଯୁବକଟି କାହିଁକି ମଦ୍ୟପାନ କରେ ? ଏହି ମଦ୍ୟପାନ ଏବଂ ମଦ୍ୟପଙ୍କ ମଧ୍ୟରେ ଥିବା ସୁସମ୍ପର୍କ ବିଷୟରେ ଆପଣଙ୍କୁ ଜଣାଇବା ପାଇଁ ମୋର ଏକ ଛୋଟ ପ୍ରୟାସ।ଯୁବା ବୟସରେ ମଦ୍ୟପାନ କରିବା ଦ୍ୱାରା ମସ୍ତିଷ୍କ କାର୍ଯ୍ୟକ୍ଷମତା ଉପରେ କୁ ପ୍ରଭାବ ପକାଇଥାଏ।ଏହି ସମସ୍ୟା ପୁରୁଷଙ୍କ ଠାରେ ଅଧିକ ବୋଲି ଗବେଷକ ମାନେ ଚେତାଇ ଦେଇଛନ୍ତି।
ଯୁବା ବୟସରେ ପୁରୁଷ ଏବଂ ୨୩ ରୁ ୨୮ ବର୍ଷ ବୟସ ମଧ୍ୟରେ ମହିଳାଙ୍କ ମସ୍ତିଷ୍କ କାର୍ଯ୍ୟଦକ୍ଷତା ଦୀର୍ଘକାଳିନ ମଦ୍ୟପାନ ଯୋଗୁଁ ପରିବର୍ତ୍ତନ ହୋଇଥାଏ।ତେବେ ଏହି ପରିବର୍ତ୍ତନ ପୁରୁଷ ଓ ମହିଳାଙ୍କ କ୍ଷେତ୍ରରେ ଭିନ୍ନ। ଅଧ୍ୟୟନର ଫଳାଫଳ ଅନୁସାରେ, ଦୀର୍ଘ କାଳୀନ ମଦ୍ୟପାନ ପୁରୁଷଙ୍କ ପାଇଁ କ୍ଷତିକାରକ।ମହିଳାଙ୍କ ତୁଳନାରେ ପୁରୁଷଙ୍କ ମତିଷ୍କର ବୈଦ୍ୟୁତିକ କାର୍ଯ୍ୟକଳାପର ଅଧିକ ପରିବର୍ତ୍ତନ ଦେଖା ଦେଇଥାଏ।ଓଡ଼ିଶା ଭଳି ଏକ ଜନ ବହୁଳ ରାଜ୍ୟରେ ପ୍ରାୟ ଅଧିକାଂଶ ଯୁବଗୋଷ୍ଠୀଙ୍କୁ ମଦ୍ୟପାନ କରୁଥିବାର ଲକ୍ଷ୍ୟ ହୁଏ।ଯେଉଁ ବ୍ୟକ୍ତି ନିଜ ସ୍ୱାସ୍ଥ୍ୟର ଆରୋଗ୍ୟ ପାଇଁ ଦିନରେ ଡାକ୍ତରଙ୍କ ପରାମର୍ଶ ନିଏ,ସେହି ବ୍ୟକ୍ତି ସନ୍ଧ୍ୟାହେଲେ ମଦ୍ୟପାନ କରେ।ଏହାର ମୁଖ୍ୟ କାରଣ କଣ ? ଆଜିର ଯୁବ ସମାଜ ମଦ୍ୟପାନ କରିବା ପାଇଁ କେତେ ଆଗ୍ରହୀ ତାହା ସମସ୍ତେ ଜାଣନ୍ତି।କିଏ ନିଜର ମାନସିକ ଚିନ୍ତା ପାଇଁ ତ ଆଉ କିଏ ନିଜର ସଉକ ପାଇଁ ମଦ୍ୟପାନ କରିଥାଏ।ପ୍ରକୃତରେ ମଦ୍ୟପ ମାନେ ଜାଣନ୍ତି ନାହିଁ କି ମଦ୍ୟପାନ ଦ୍ଵାରା କୌଣସି ଚିନ୍ତା ହାନି ହୁଏ ନାହିଁ,କି ମଦ୍ୟପାନ ଦ୍ଵାରା କରୁଥିବା ସୌକ କିଛି ମୁହୂର୍ତ୍ତ ପାଇଁ।
ଅନେକ ସମୟରେ ସମାଜର ବିଭିନ୍ନ ପତ୍ର ପତ୍ରିକାରେ ପ୍ରକାଶ ପାଇଛି,କି ମଦ୍ୟପାନ ପାଇଁ କାହାର ଜୀବନ ଚାଲିଯାଇଛି।କିନ୍ତୁ ସାଧାରଣରେ ମଦ୍ୟପ ମାନେ ଜାଣନ୍ତି ନାହିଁ ନିଜର ଭୁଲ ପାଇଁ ସେ ତାଙ୍କର ଜୀବନ ହରାଇ ବସନ୍ତି।ଆଜିର ସମାଜରେ ଯୁବପିଢି ମାନେ ଓଡ଼ିଶାର ପର୍ବ ପର୍ବାଣୀରେ ନିଜର ସଂସ୍କୃତିକୁ ଭୁଲି ମଦ୍ୟପାନ କରୁଛନ୍ତି।କଥାରେ ଅଛି ‘ପାନ ବିଡି ନୁହେଁ ଛୋଟିଆ ନିଶା ଜଣା ପଡ଼େ ନାହିଁ ଟାଣେ ପଇସା’।କେହି ଜନ୍ମରୁ ଧନୀ କିମ୍ବା ଗରିବ ହୋଇ ଜନ୍ମ ହୋଇ ନଥାଏ।ନିଜର କର୍ମ ହିଁ ମନୁଷ୍ୟକୁ ଉଚ୍ଚ ସ୍ଥାନକୁ ନେଇ ଯାଏ। ଏବଂ ତାହାର କୁକର୍ମ ନୀଚ୍ଚ ସ୍ଥାନକୁ ନେଇ ଆସେ।ଯୁବପିଢି ମାନେ ସର୍ବଦା ଉଚ୍ଚ ଆଶା କରିବାଟା ସ୍ଵାଭାବିକ।ଉଚ୍ଚ ଆଶା ସହ ନିଜର କର୍ମ ହିଁ ତାକୁ ନିଜର ଲକ୍ଷ୍ୟ ସ୍ଥଳରେ ପହଞ୍ଚାଇ ପାରିବ ଏହା ଭୁଲିଯାଆନ୍ତି।ସାଧାରଣରେ ନଜିର ହୁଏ କି ଯୁବପିଢି ଟଙ୍କା ଅଭାବରୁ ମଦ୍ୟ ପାନ କରିଥାଏ,କିନ୍ତୁ ପ୍ରକୃତ କଥା ଯାହାକି ମଦ ପିଇବା ଦ୍ଵାରା ତାର କୌଣସି ଅଭାବ ଅନଟନ ଦୂର ହୁଏ ନାହିଁ।ସେହିପରି ନିଜର ଖୁସି ପାଇଁ ମଦ୍ୟପାନ କରୁଥିବା ବ୍ୟକ୍ତିଟି ଜାଣଇ ନାହିଁ କି ନିଜର ସ୍ବାସ୍ଥ୍ୟ ହିଁ ନିଜର ସୁଖ।ଯୁବପିଢି ମାନଙ୍କୁ ମୋର ଗୋଟିଏ ପ୍ରଶ୍ନ ଯଦି ମଦ୍ୟପାନ ଦ୍ଵାରା ଆପଣଙ୍କୁ ସୁଖ ମିଳୁଛି,ନିଜର ଅସୁସ୍ଥତାକୁ ନେଇ ଏତେ ଦୁଃଖିତ କଣ ପାଇଁ।କଥାରେ ଅଛି ସ୍ବାସ୍ଥ୍ୟ ହିଁ ସମ୍ପଦ।ଆଜିର ଯୁବପିଢି ମାନେ ଏହି ଶବ୍ଦର ଅର୍ଥ ବୁଝି ମଧ୍ୟ ଅବୁଝା ହେଉଛନ୍ତି।ସମାଜର ଅନେକ ଯୁବପିଢି ଆଜି ଉଚ୍ଚ ଶିକ୍ଷିତ ହୋଇଥିଲେ ବି ଆଜି ସମାଜ ପ୍ରତି ଏକ ଅଶିକ୍ଷିତର ପରାକୃଷ୍ଠ ପାଲଟିଛନ୍ତି।ଏହି ସମାଜରେ ଅଶିକ୍ଷିତ ଯୁବକଙ୍କ ଠୁ ଶିକ୍ଷିତ ଯୁବ ପିଢ଼ିମାନେ ଅଧିକ ମଦ୍ୟପାନ କରୁଥିବାର ଦୃଶ୍ୟପଟ ହୁଏ ।
ଯାହାକି ଛୋଟ ଛୋଟ ପିଲାଙ୍କ ଉପରେ ବହୁତ୍ କୁପ୍ରଭାବ ପକାଇ ଥାଏ। ପ୍ରକୃତରେ ମଦ୍ୟପ ମାନେ ଜାଣିରଖିବା କଥା,ମଦ୍ୟପାନ ନିଜ ଜୀବନର ଶୁଭ ସଂକେତ ନୁହେଁ ବରଂ ଯୁଆ ଖେଳ ସହ ସମାନ।ଏଣୁ ଏକ ସୁନ୍ଦର ଜୀବନ ପାଇଁ ଓ ଏକ ମହତ୍ତ୍ଵ ଉଦେଶ୍ୟରେ ଜୀବନ ନିର୍ବାହ କରିବା ପାଇଁ ମଦ୍ୟପାନ ରୁ ନିବୃତ ରହିବା ଉଚିତ୍।ଆଜିର ଏହି ରଙ୍ଗର ପର୍ବରେ ଆମେ ସମସ୍ତେ ଯୁବପିଢି ମାନେ ପ୍ରତିଜ୍ଞା କରିବା ଯେ,ନିଜର ସ୍ବାସ୍ଥ୍ୟ ପ୍ରତି ଯତ୍ନଶୀଳ ହୋଇ ମଦ୍ୟପାନ ଭଳି ଏକ ମୁହୂର୍ତ୍ତର ଖୁସିକୁ ପରିତ୍ୟାଗ କରିବା ଯାହା ଫଳରେ ଆମ ପରିବାରର ଉନ୍ନତି ହୋଇ ପାରିବ।କାରଣ ନିଶା ସେବନ ଦ୍ଵାରା ମଣିଷ ଧିରେ ଧିରେ ସ୍ଵାସ୍ଥ୍ୟଗତ ସମସ୍ୟା ଆଡ଼କୁ ଗତି କରିଥାଏ।ଯାହାକି କୌଣସି ସମୟରେ ନିଶା ସେବନ କାରିଙ୍କୁ ଅସୁବିଧାରେ ପକାଇ ଥାଏ।ଆଜିକାଲି ପୁରୁଷ ଏବଂ ନାରୀ ବିଶେଷ କରି ମଦ୍ୟପାନ କରୁଛନ୍ତି। ଆଧୁନିକତାର ଚାକଚକ୍ୟରେ ମୋହିତ ହୋଇ ଯୁବପିଢି ଏଥିରେ ବେଶୀ ଆକର୍ଷିତ ହେଉଛନ୍ତି।ନିଜ ଉପାର୍ଦ୍ଧିତ ଅର୍ଥ ହେଉ ବା ବାପା ମାଆଙ୍କର ଅର୍ଥ ହେଉ ଅନାୟାସରେ ଖର୍ଚ୍ଚ କରୁଛନ୍ତି।ଏହି ଭଳି କୁ କର୍ମ ଜନିତ କାର୍ଯ୍ୟରୁ ନିବୃତ ରହିବା ପାଇଁ ମୋର ସମସ୍ତ ଯୁବପିଢି ମାନଙ୍କୁ ଅନୁରୋଧ ।
