ଆମ ହିନ୍ଦୁ ଧର୍ମରେ ପୂଜା ପାଠକୁ ନେଇ ନାରୀ ମାନଙ୍କର ବିଶେଷ ଭୂମିକା ରହିଛି । ନାରୀଙ୍କୁ ଦେବୀଙ୍କ ଆକ୍ଷା ଦିଆ ଯାଇଥାଏ । ବିଶେଷ କରି ଯେତେବଳେ ଗୋଟିଏ କନ୍ୟା ବିବାହ କରିସାରି ଶାଶୁ ଘରକୁ ବୋହୂ ହେଇ ଯାଏ ସେତେବେଳେ ତାକୁ ଲକ୍ଷ୍ମୀଙ୍କ ସ୍ଥାନ ଦିଆ ଯାଇଥାଏ । ଗୋଟିଏ ସୁନ୍ଦର ଓ ସମୃଦ୍ଧି ଗୃହ ହେବାରେ ନାରୀର ମୁଖ୍ୟ ଭୂମିକା ରହିଥାଏ ।
କିନ୍ତୁ ସେହି ନାରୀ ଯଦି କିଛି ଭୁଲ୍ କରିବସେ ତେବେ ତାହା ପୁରୁଷର ସମୃଦ୍ଧିରେ ବାଧକ ସାଜି ଥାଏ । ତେଣୁ ନାରୀ ମାନେ ଏଭଳି କିଛି କାର୍ଯ୍ୟ କରିବା ଉଚିତ୍ ନୁହେଁ ଯାହା ଦ୍ଵାରା ମାତା ଲକ୍ଷ୍ମୀ ଅସନ୍ତୁଷ୍ଟ ହୋଇପାରନ୍ତି ।
* ଶାସ୍ତ୍ର ଅନୁସାରେ ମା ଲକ୍ଷ୍ମୀ ହେଉଛନ୍ତି ସବୁ ହିନ୍ଦୁ ପରିବାରର ପୂଜ୍ୟ । ତେଣୁ ନାରୀ ମାନେ ସବୁବେଳେ ଘରକୁ ସଫା ସୁତୁରା ରଖିବା ଉଚିତ୍ । କାରଣ ଅପରିଷ୍କାର ସ୍ଥାନରେ ଲକ୍ଷ୍ମୀ ବାସ କରନ୍ତି ନାହିଁ । ଯାହାଦ୍ଵାରା ସମୃଦ୍ଧିରେ ବାଧା ଉପୁଜି ଥାଏ ।
* ନାରୀମାନେ ପୂଜା ପାଠ ରେ ଧ୍ୟାନ ଦେବା ଆବଶ୍ୟକ । କାରଣ ପୂଜାର ସକାରାତ୍ମକ ପ୍ରଭାବ ପରିବାର ଓ ଘର ଉପରେ ପଡିଥାଏ । ଆମ ହିନ୍ଦୁ ଧର୍ମରେ ପ୍ରାର୍ଥନା ର ମଧ୍ୟ ସକାରାତ୍ମକ ପ୍ରଭାବ ପଡେ , ତେଣୁ ପୂଜା ସମୟରେ ପ୍ରାର୍ଥନା କରିବା ନିହାତି ଆବଶ୍ୟକ ।
* ନାରୀମାନେ ସନ୍ଧ୍ୟା ସମୟରେ ଶୋଇବା ଉଚିତ୍ ନୁହେଁ । ସନ୍ଧ୍ୟା ବେଳେ ଶୋଇବା ଦ୍ବାରା ଏହାର ଖରାପ୍ ଓ ନକାରାତ୍ମକ ପ୍ରଭାବ ପରିବାର ଉପରେ ପଡିଥାଏ । ତେଣୁ ନାରୀମାନେ ସେଥିପ୍ରତି ଦୃଷ୍ଟିଦେବା ଉଚିତ୍ । କାରଣ ଆଳସ୍ୟ ମାତା ଲକ୍ଷ୍ମୀଙ୍କ ର ସବୁଠୁ ବଡ଼ ଶତ୍ରୁ ।
* ଯେଉଁ ଘରେ ସବୁବେଳେ ଝଗଡ଼ା ଓ ପାଟିତୁଣ୍ଡ ହୋଇଥାଏ , ସେଠାରେ ଲକ୍ଷ୍ମୀ ବାସ କରନ୍ତି ନାହିଁ । କାରଣ ଯେଉଁଠି ଗୁରୁଜନ ମାନଙ୍କୁ ଅନାଦର କରାଯାଏ ସେଠାରେ ଲକ୍ଷ୍ମୀ ବାସ କରନ୍ତି ନାହିଁ । ତା ସହିତ ଦେବତା ମାନେ ମଧ୍ୟ ବାସ କରନ୍ତି ନାହିଁ। ସେଠାରେ ଦାରିଦ୍ର୍ୟ ବାସ କରିଥାଏ ।
* ଯେଉଁ ନାରୀମାନଙ୍କ ନିକଟରେ ଦୟା ଭାବ ନଥାଏ ଓ ଯେଉଁ ନାରୀମାନେ ଦୁଃଖୀ ଦରିଦ୍ର ଙ୍କୁ ଦାନ ଦିଅନ୍ତି ନାହିଁ , ସେମାନଙ୍କ ନିକଟରେ ଲକ୍ଷ୍ମୀ ବାସ କରନ୍ତି ନାହିଁ । ସର୍ବଦା ଦୁଃଖିକୁ ଦୟା ଭାବ ଦେଖାଇବା ଉଚିତ୍ ।
