କୋଣାର୍କ:- ୧୨/୧ ବୁଧ ବାର ଅପରାହ୍ନ ରେ କୋଣାର୍କ ସୂର୍ଯ୍ୟ ମନ୍ଦିର ପଛ ପାର୍ଶ୍ୱ ରେ ଥିବା ମଙ୍ଗୁଳିଶ୍ୱର ମନ୍ଦିର ନିକଟରେ ଏକ ଗର୍ଭଣି ହରିଣ କୁ ବୁଲା କୁକୁର ସଂଘବଦ୍ଧ ଭାବେ ଆକ୍ରମଣ କରିବା ଯୋଗୁଁ ହରିଣ ଟି ଗଭୀର ଭାବରେ କ୍ଷତାକ୍ତ ହୋଇ ଯାଇଥିଲା। କ୍ଷତାକ୍ତ ଅବସ୍ଥାରେ ସେହି ହରିଣ ଟି ଜୀବନ ବଚାଇବାକୁ ଯାଇ ମଙ୍ଗୁଳିଶ୍ୱର ମଦିର ନିକଟରେ ଥିବା ମଙ୍ଗୁଲେଶ୍ବର ସାହି ରେ ପ୍ରବେଶ କରିବାରୁ ସେଠାରେ ଉପସ୍ଥିତ ଥିବା ମହିଳାମାନେ ସଂଘବଧ ହୋଇ କୁକୁର କୁ ଘଉଡ଼ାଇ ହରିଣକୁ ବଞ୍ଚାଇ ତାର ସେବା କରିଥିଲେ । ଆହତ ହରିଣଟି କୁ ସ୍ଥାନୀୟ ବାସିନ୍ଦା ପ୍ରଥମେ ଉଦ୍ଧାର କରି ଆଣିବା ପରେ ବନ ବିଭାଗ କୁ ଏନେଇ ସୂଚନା ଦେଇଥିଲେ।ଖବର ପାଇ କୋଣାର୍କ ବନ ବିଭାଗ ର ଅଧିକାରୀ ବେଣୁଧର ବେହେରାଙ୍କ ନିର୍ଦେଶ କ୍ରମେ ବନବିଭାଗ ର କର୍ମଚାରୀ ମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ହରିଣ ଟିକୁ ଉଦ୍ଧାର କରିବା ପରେ ଉକ୍ତ ହରିଣ ଟି ମାଇ ହରିଣ ଥିବା ବେଳେ ସେ ଗର୍ଭବତୀ ଥିବା ଜାଣିବାକୁ ପାଇଥିଲେ।ତେବେ ହରିଣ ଟିର ବୟସ ୫ ବର୍ଷ ର ହୋଇଥିବା ବେଳେ ୩ ମାସ ର ଗର୍ଭବତୀ ଥିବା ସୂଚନା ମିଳିଛି।ଖାଦ୍ୟ ଅନ୍ୱେଷଣ ରେ ହରିଣ ଟି ଜଙ୍ଗଲ ଭିତରୁ ବାହାରକୁ ଚାଲି ଆସିଥିବା ବେଳେ ବୁଲା କୁକୁରଙ୍କ ହାବୁଡ଼ରେ ପଡି ଏପରି ହୋଇଥିବା ଜଣାପଡିଛି।ତେବେ କୋଣାର୍କ ବନ ବିଭାଗର କର୍ମଚାରୀ ମାନେ ଉକ୍ତ ସ୍ଥାନରୁ ହରିଣ କୁ ଉଦ୍ଧାର କରି ପ୍ରଥମେ ତାର ଚିକିତ୍ସା ପରେ ବେଳମାର୍ଗ ଜଙ୍ଗଲ ମଧ୍ୟରେ ଛାଡିଥିବା ସୂଚନା ମିଳିଛି ।
