କିମ୍ ଜୋଙ୍ଗ ଉନଙ୍କର ଯୁଦ୍ଧ କ୍ଷମତା ବଢ଼ାଇବା ପାଇଁ ସ୍ପଷ୍ଟ ନିର୍ଦ୍ଦେଶ : କହିଲେ ଯୁଦ୍ଧ ପାଇଁ ପ୍ରସ୍ତୁତି ମଜବୁତ୍ କରୁ ଉତ୍ତର କୋରିଆ ସେନା

ନୂଆଦିଲ୍ଲୀ : ଉତ୍ତର କୋରିଆର ତାନାସାହା ନିଜ ଦେଶର ସୈନ୍ୟଙ୍କ ଯୁଦ୍ଧ କ୍ଷମତାକୁ ବଢ଼ାଇବା ପାଇଁ ଘୋଷଣା କରିଛନ୍ତି । WPK ର ଅନ୍ତର୍ଗତରେ କାମ କରୁଥିବା ସେଣ୍ଟ୍ରାଲ ମିଲେଟାରୀ କମିଶନର ଦୁତିୟ ବୈଠକରେ ସାମିଲ ହୋଇ କିମ୍ କହିଛନ୍ତି ନିଜର ଦକ୍ଷତାକୁ ବଢ଼ାଅ । ସେଠାରେ ସେ ରଣନୀତି ସମସ୍ତ ବ୍ୟବସ୍ଥାକୁ ପରଖି ଦେଖିଥିଲେ । ସେଣ୍ଟ୍ରାଲ ମିଲେଟାରି କମିଶନ ଉତ୍ତର କୋରିଆର ସବୁଠୁ ଶକ୍ତିଶାଳୀ କମିଶନ ଅଟେ । ଉତ୍ତର କୋରିଆର ସୁରକ୍ଷା ଓ ସେନାର ତିନିଟି ଅଙ୍ଗର ଦାୟିତ୍ଵ CMC ଉପରେ ରହିଛି ।

  ଗୋଟିଏ ବିଶେଷ ବୈଠକ ପରେ ତଥ୍ୟ ଦିଆଯାଇଛି ଯେ କିମ୍ ଜୋଙ୍ଗ ସୈନ୍ୟ ମାନଙ୍କୁ ଯୁଦ୍ଧ କ୍ଷମତା ବଢ଼ାଇବା ପାଇଁ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି । ଏହି ବୈଠକରେ ବିଭିନ୍ନ ଆୟୋଗର ସଦସ୍ୟ ମଧ୍ୟ ସାମିଲ ଥିଲେ । ତା ସହିତ ଦେଶ ଓ ଦୁନିଆର ସମସ୍ତ ସୈନ୍ୟ ମାନଙ୍କ ଉପରେ ବିଶେଷ ଆଲୋଚନା ହୋଇଥିଲା । କିମ୍ ଜୋଙ୍ଗ କହିଛନ୍ତି ବିଶେଷ କରି ଦେଶର ସୁରକ୍ଷା ଦୃଷ୍ଟିରୁ ସୈନ୍ୟ ମାନଙ୍କୁ ସବୁବେଳେ ସଜାଗ ରହିବାକୁ ପଡିବ । ସୈନ୍ୟ ମାନେ ଦେଶକୁ ରକ୍ଷା କରିବା ସହିତ ରାଜ୍ୟ ଓ ଜନସାଧାରଣ ହିତକୁ ମଧ୍ୟ ରକ୍ଷା କରିବା ପାଇଁ ଆଗେଇ ଆସିବା ଉଚିତ୍ ।

କିମ୍ ଜୋଙ୍ଗ କିଛି ମାସ ପୂର୍ବରୁ ନିଜର ସୈନ୍ୟ ମାନଙ୍କୁ ଯେକୌଣସି ସମୟରେ ପରମାଣୁ ମିଶାଇଲର  ଲଞ୍ଚ କରିବ ପାଇଁ ପ୍ରସ୍ତୁତ ରହିବାକୁ ଆଦେଶ ଦେଇଥିଲେ । ଦକ୍ଷିଣ କୋରିଆର ଏକ ବିଶେଷ ସୂତ୍ରରୁ ଜଣାପଡିଛି ଯେ ,ଏହି ଆଦେଶ ଉତ୍ତର କୋରିଆର ସଂସ୍ଥାପକଙ୍କ ଜନ୍ମ ଦିନ ଅବସରରେ ଜାରି କରାଯାଇଥିଲା । ଏହି ଦିନ ଉତ୍ତର କୋରିଆର ସାର୍ବଜନୀକ ଭାବରେ ଛୁଟି ରହିଥାଏ ଓ ଲୋକ ମାନେ ଉତ୍ସବ ପାଳନ କରିଥାନ୍ତି ।