ନୂଆଦିଲ୍ଲୀ : ବନ୍ଦ୍ ଘର ଭିତରେ ବିନା ମାଷ୍କ୍ ରେ କଥା ହେବା ଦ୍ଵାରା କରୋନା ସଂକ୍ରମଣ ବଢିବାର ଅଧିକ ଆଶଙ୍କା ରହିଛି ବୋଲି ଗବେଷଣାରୁ ଜଣାଯାଇଛି । ଏହି ଗବେଷଣା ରେ କୁହାଯାଇଛି ଯେ ଆମେ କଥା ହେଲାବେଳେ ଆମ ମୁଖରୁ ବିଭିନ୍ନ ଆକାରର ଛେପ ବୁନ୍ଦା ବାହାରିଥାଏ ଓ ସେଥିରେ ଅଲଗା ଅଲଗା ମାତ୍ରାରେ ଭାଇରସ ରହିଥାଏ।
ଅଧ୍ୟୟନ ରେ ଅନୁସନ୍ଧାନ କର୍ତା କହିଛନ୍ତି ଯେ ବିଶେଷକରି ମଧ୍ୟମ ବୁନ୍ଦା ର ଭାଇରସ ଗୁଡ଼ିକ ଅଧିକ ସମୟ ଧରି ବାୟୁମଣ୍ଡଳ ରେ ରହି ଥାଆନ୍ତି । ଆମେରିକାର ନେସନାଲ ଇନଷ୍ଟିଚ୍ୟୁଟ୍ ଅଫ୍ ଡାଇବିଟିଜ୍ ପକ୍ଷରୁ କୁହାଯାଇଛି ଯେ କଥା ହେଲାବେଳେ ପାଟିରୁ ବାହାରିଥିବା ଛେପ ଧୂଆଁ ଆକାରରେ ଅନେକ ସମୟ ଧରି ବାୟୁମଣ୍ଡଳ ରେ ରହିଥାଏ । ଯାହା ମଣିଷ ଶରୀର ପାଇଁ କ୍ଷତିକାରକ ।
ଏହି ଗବେଷଣା ଦ୍ଵାରା ଗବେଷକମାନେ ସ୍ଥିର କଲେ ଯେ ବାୟୁମଣ୍ଡଳ ରେ ଏହି ଭୂତାଣୁ ଦୀର୍ଘ ସମୟ ଧରି ରହିଥାନ୍ତି । ଯାହା କମ୍ ଇମ୍ୟୁନିଟି ବ୍ୟକ୍ତି ମାନଙ୍କ ପାଇଁ କ୍ଷତିକାରକ ଅଟେ । ବାୟୁଜନିତ ପ୍ରସାରଣ ଦ୍ଵାରା କୋଭିଡ଼ ମହାମାରୀ ଅଧିକ ମାତ୍ରାରେ ବ୍ୟାପିଥାଏ । ତେଣୁ ବିଶେଷ କରି ଘର ଭିତରେ କଥା ହେଲାବେଳେ ମାସ୍କ୍ ନିହାତି ପିନ୍ଧିବା ଆବଶ୍ୟକ ଅଟେ । ସେଥି ପ୍ରତି ସମସ୍ତେ ବିଶେଷ ଦୃଷ୍ଟିଦେବା ଆବଶ୍ୟକ ।
Comments are closed.