ଏହି ଦେଶରେ ଲୋକମାନେ ଘର ଭିତରେ ପିଲାଙ୍କୁ ପିନ୍ଧଉଛନ୍ତି ହେଲ୍ମେଟ, କଣ ରହିଛି ଏହା ପଛର କାରଣ

ନୂଆଦିଲ୍ଲୀ : ପିଲାମାନଙ୍କୁ ତାଙ୍କ ମାତାପିତା ଏପରି କିଛି ଅଭ୍ୟାସ ପିଲା ଦିନରୁ କରାଇ ଥାଆନ୍ତି ଯାହା ତାଙ୍କୁ ଆଗକୁ ଅସୁବିଧାରେ ପକାଇ ନଥାଏ l ଚୀନ୍ ରେ ମାତାପିତା ଆଜିକାଲି ତାଙ୍କ ସନ୍ତାନ ମାନଙ୍କୁ ଗୋଟିଏ ଅଜବ ଅଭ୍ୟାସରେ ପକାଉଛନ୍ତି l ଯାହା ତାଙ୍କୁ ଆଗକୁ ଯାଇ ଅନେକ କାମରେ ଆସିବ l ଚୀନ୍ ର ଅବିଭାବକ ମାନେ ଆଜିକାଲି ଚର୍ଚାରେ ରହିଛନ୍ତି l ଏଠାକାର କିଛି ମାତାପିତା ନିଜ ସନ୍ତାନ ମାନଙ୍କୁ ହେଲ୍ମେଟ ପିନ୍ଧାଇ ରଖୁଛନ୍ତି l ଏହାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ l

ମିଳିଥିବା ସୂଚନା ଅନୁସାରେ ଏହି ପିଲାମାନେ ନିଜ ମୁଣ୍ଡରେ ଘରେ ମଧ୍ୟ ହେଲ୍ମେଟ ପିନ୍ଧି ରହୁଛନ୍ତି l ଏହି ମାତାପିତାଙ୍କର ଅଦ୍ଭୁତ ଧାରଣା ରହିଛି ଯେ ଏହି ହେଲ୍ମେଟ ତାଙ୍କ ସନ୍ତାନ ମାନଙ୍କ ମୁଣ୍ଡକୁ ଗୋଲ ରଖିବ l ଯେଉଁ କାରଣରୁ ତାଙ୍କ ପିଲାମାନେ ସୁନ୍ଦର ଦିସିବେ l ସେମାନେ ନିଜର ମାତାମତରେ କହିଛନ୍ତି ଯେ ଯେପରି ଦୈନନ୍ଦିନ ଜୀବନରେ ପୋଷାକ ଜରୁରୀ ସେହିପରି ହେଲ୍ମେଟ ମଧ୍ୟ ଜରୁରୀ l

ଏହା ବର୍ତମାନ ଚୀନ୍ ରେ ଗୋଟିଏ ଟ୍ରେଣ୍ଡ ରେ ପରିଣତ ହୋଇଛି l ଏହାଦ୍ୱାରା କମ୍ପାନୀ ଗୁଡିକ ଲାଭାନ୍ଵିତ ହେଉଛନ୍ତି l କମ୍ପାନୀ ଗୁଡିକ ଦ୍ୱାରା ଏହି ହେଲ୍ମେଟ ଗୁଡିକୁ ପିଲା ମାନଙ୍କର ନରମ ଖପୁରି ପାଇଁ ଖୁବ ଦାୟିତ୍ୱର ସହିତ ପ୍ରସ୍ତୁତ କରୁଛନ୍ତି l