କରୋନା ଦ୍ୱାରା ସାଧାରଣ ଲୋକଙ୍କ ଠାରୁ ନେଇ ପ୍ରଭାବଶାଳୀ ବ୍ୟକ୍ତି ପର୍ଯ୍ୟନ୍ତ ପ୍ରଭାବିତ ହେଉଛନ୍ତି l ଏହାର ସିଧା ସଳଖ ପ୍ରଭାବ ଆମର ଫୁସ୍ଫୁସ ଓ ଶ୍ୱାସ କ୍ରିୟାରେ ପଡୁଛି l ଏହାଦ୍ୱାରା ରୋଗୀର ଶରୀରରେ ଅକ୍ସିଜେନ ସ୍ତର ଉପରେ ପ୍ରଭାବ ପଡିଥାଏ ଓ ନିଶ୍ୱାସ ନେବାକୁ ଅସୁବିଧା ହୋଇଥାଏ l ଏହି ସ୍ଥିତିରେ ଆବଶ୍ୟକ ଯେ ଶରୀରର ଅକ୍ସିଜେନର ମାତ୍ରା ଠିକ ରହୁ l
ହାର୍ଟ କେୟାର ଫାଉଣ୍ଡେସନ ର ଜଣେ ଚିକିତ୍ସକ କେ କେ ଅଗ୍ରୱାଲ କହିଛନ୍ତି ଯେ ” ସାଧାରଣ ଲୋକକୁ ନିଜ ଶରୀରରେ ଅକ୍ସିଜେନ ର ସ୍ତର ଠିକ ରଖିବା ପାଇଁ ଖାଦ୍ୟ ଓ ବ୍ୟାୟାମ ଠିକ ରଖିବା ଆବଶ୍ୟକ l ” ତେଣୁକରି ଆଜି ଆପଣ ଜାଣିବା ଆବଶ୍ୟକ ଯେ କେଉଁ କେଉଁ ପ୍ରାକୃତିକ ଉପାୟ ଦ୍ୱାରା ଆପଣ ଏହି ବିଷୟରେ ସଜାଗ ରହି ପାରିବେ l
* ଅକ୍ସିଜେନ ସ୍ତର ଠିକ ରଖିବା ପାଇଁ ସତେଜ ପବନ ନିହାତି ଆବଶ୍ୟକ l ତେଣୁକରି ଆପଣ ଅନୁଲୋମ ଵିଲୋମ ବ୍ୟାୟାମ ପ୍ରତିଦିନ କରିପାରିବେ l ଯାହାଦ୍ୱାରା ଆପଣ ସତେଜ ପବନକୁ ନିଶ୍ୱାସ ମାଧ୍ୟମରେ ନେଇ ପ୍ରଶ୍ୱାସ ମାଧ୍ୟମରେ ଛାଡ଼ିବେ l ଏହାଦ୍ୱାରା ଫୁସ୍ଫୁସ କୁ ଶକ୍ତି ମିଳିବ l ନିଶ୍ୱାସପ୍ରଶ୍ୱାସ ବ୍ୟାୟାମ ଦ୍ୱାରା ଆମ ଫୁସ୍ଫୁସ ର କାର୍ଯ୍ୟ କ୍ଷମତା ମଧ୍ୟ ବଢିଥାଏ l ଯଦି ଶରୀରରେ କଫ ଜମିଛି ତେବେ ଷ୍ଟିମ ନିଅନ୍ତୁ l ବ୍ୟାୟାମ ସାରିବା ପରେ ସାମାନ୍ୟ ଉଷୁମ ପାଣି ପିଇବା ଉଚିତ l
* ଆଇରନ ଯୁକ୍ତ ଖାଦ୍ୟ ଖାଇବା ଆବଶ୍ୟକ, ଯେତେବେଳେ ଶରୀରରେ ଅକ୍ସିଜେନ କମି ଯାଇଥାଏ ଆଇରନ ତାହାକୁ ପୁରା କରିଥାଏ l ଫୁସ୍ଫୁସ ଶରୀରର ସମସ୍ତ ଅଙ୍ଗକୁ ଅକ୍ସିଜେନ ପ୍ରଦାନ କରିଥାଏ l ଆଇରନ ଇମ୍ୟୁନ ସିଷ୍ଟମକୁ ସୁସ୍ଥ ରଖିଥାଏ l ସେଥିପାଇଁ ଆପଣ ନିଜ ଖାଦ୍ୟରେ ସେଓ ,କିସମିସ ,ଗୁଡ଼ ,ଇତ୍ୟାଦି ସାମିଲ କରନ୍ତୁ l
* ପାଣି ଆମ ମାନଙ୍କ ପାଇଁ ଅତ୍ୟନ୍ତ ଜରୁରୀ ,କାରଣ ଏଥିରେ ଅକ୍ସିଜେନ ଥାଏ l ଗୋଟିଏ ଗବେଷଣାରୁ ଜଣା ପଡିଛି ଯେ ଅଧିକାଂଶ ବ୍ୟକ୍ତିଙ୍କ ଶରୀର ଡିହାଇଡ୍ରେସନ ର ଶିକାର ହୋଇଥିବା ମିଳିଛି l ଏହି ଅସୁବିଧା ଅଧିକ ଲୋକଙ୍କ ପାଖରେ ଏଥିପାଇଁ ଦେଖା ଦେଇଥାଏ କାରଣ ସେମାନଙ୍କର ଖାଇବା ଓ ପିଇବା ଭିତରେ କୌଣସି ଅନ୍ତର ନଥାଏ l କେବଳ ପାଣି ହିଁ ଆପଣଙ୍କର ଅଧିକାଂଶ ସମସ୍ୟାର ସମାଧାନ କରିଥାଏ l
* ତା ସହିତ ସାମାନ୍ୟ ଭ୍ରମଣ ଓ ଦୌଡ଼ା ଦୌଡ଼ି କରିବା ମଧ୍ୟ ଆବଶ୍ୟକ l ଚାଲୁଥିବା ସମୟରେ ନିଶ୍ୱାସ ଛାଡିବା ଓ ନିଶ୍ୱାସ ନେବା ଦ୍ୱାରା ଆପଣଙ୍କ ଅକ୍ସିଜେନ ସ୍ତର ଠିକ ରହିଥାଏ l ଯଦି ଆପଣଙ୍କ ଶରୀରରେ ବିଶେଷ ଅସୁବିଧା ଦେଖା ଦେଉଛି ତେବେ ଡାକ୍ତରଙ୍କ ପରାମର୍ଶ କରନ୍ତୁ l
