ହନୁମାନଙ୍କୁ ଏହି ୨ଟି ଗ୍ରହ କରି ଥାଆନ୍ତି ଭୟ : ମଙ୍ଗଳବାର ଦିନ କରନ୍ତୁ ଏହି ଉପାୟ ଓ ରୋଗ, ଭୟ, ଋଣରୁ ଦୁରେଇ ରୁହନ୍ତୁ

ଶନି ଗ୍ରହଙ୍କୁ କ୍ରୁର ଓ ମଂଗଳଗ୍ରହ ଙ୍କୁ ଜ୍ୟୋତିଷ ଶାସ୍ତ୍ରରେ ଉଗ୍ର ଗ୍ରହ କୁହାଯାଇଥାଏ l ଯେତେବେଳେ ଏହି ୨ଟି ଗ୍ରହ କୁଣ୍ଡଳୀରେ ଅଶୁଭ ହୋଇ ଥାଆନ୍ତି ମଣିଷ ଜୀବନରେ ବାଧା, ବିଘ୍ନ ଓ କଷ୍ଟ ଦେଖା ଦେଇଥାଏ l ଶନି ଦେବଙ୍କ ଦୃଷ୍ଟିକୁ ଯେଉଁଠି ଅଶୁଭ ବୋଲି କୁହାଯାଇ ଥାଏ ସେହି ସ୍ଥାନରେ ମଙ୍ଗଳଙ୍କ ଦୃଷ୍ଟିକୁ ଅମଙ୍ଗଳ ବୋଲି କୁହାଯାଇ ଥାଏ l ତେଣୁ ଏହି ଦୁଇଟି ଗ୍ରହକୁ ଶାନ୍ତ ରଖିବା ନିହାତି ଜରୁରୀ ଅଟେ l ତେଣୁ ମଙ୍ଗଳବାର ଦିନ ପୂଜା କରି ଏହି ୨ଟି ଗ୍ରହକୁ ସନ୍ତୁଷ୍ଟ ରଖିବା ନିହାତି ଆବଶ୍ୟକ l

* ହିନ୍ଦୁ ପଞ୍ଚାଙ୍ଗ ଅନୁସାରେ ଡିସେମ୍ବର ୨୧ ତାରିଖ ପୌଷ ମାସ କୃଷ୍ଣ ପକ୍ଷ ଦ୍ୱିତୀୟ ତିଥି ଅଟେ l ଏହିଦିନ ଚନ୍ଦ୍ରମା ମିଥୁନ ରାଶିରେ ବିରାଜମାନ କରିବେ l ଏହିଦିନ ହନୁମାନଙ୍କୁ ପୂଜା କରିବା ଦ୍ୱାରା ବିଶେଷ ଶୁଭଫଳ ପ୍ରାପ୍ତ ହୋଇଥାଏ l

– ଏହିଦିନ ଆପଣ ହନୁମାନଙ୍କ ନିକଟରେ ରାଶିତେଲ ଦୀପ ଜଳାଇ ହନୁମାନ ଅଷ୍ଟକ ପାଠ କରନ୍ତୁ l ଜୀବନର ଅନେକ ସମସ୍ୟା ଦୂର ହେବା ସହ ଶନି ଦେବଙ୍କ ପ୍ରକୋପରୁ ମଧ୍ୟ ରକ୍ଷା ପାଇବେ l

– ମଙ୍ଗଳବାର ଦିନ ଶନି ଦେବଙ୍କୁ ପୂଜା କରିବା ସହିତ ହନୁମାନଙ୍କୁ ମଧ୍ୟ ପୂଜା କରିବା ନିହାତି ଆବଶ୍ୟକ l ଯେଉଁ ବ୍ୟକ୍ତିଙ୍କ ରାଶି ଉପରେ ଶନି ଗ୍ରହର ପ୍ରଭାବ ରହିଛି ସେମାନେ ପ୍ରତି ମଙ୍ଗଳବାର ଦିନ ହନୁମାନ ଚାଳିଶା ପାଠ କରନ୍ତୁ l

– ଯେଉଁ ବ୍ୟକ୍ତିଙ୍କର ଜାତକରେ ମଙ୍ଗଳ ଦୋଷ ରହିଛି, ବିବାହ କାର୍ଯ୍ୟରେ ଡେରି ହେଉଛି ସେମାନେ ମଙ୍ଗଳବାର ଦିନ ହନୁମାନଙ୍କୁ ନଡ଼ିଆ ଓ ବସ୍ତ୍ର ଏବଂ ପତାକା ଅର୍ପଣ କରିବା ଦ୍ୱାରା ବିବାହ କାର୍ଯ୍ୟ ଶୀଘ୍ର ହୋଇଥାଏ l

– ଯଦି କୌଣସି ବ୍ୟକ୍ତି ମଙ୍ଗଳବାର ଦିନ ହନୁମାନଙ୍କୁ ନିକଟରେ ନଡ଼ିଆ ବସାଇ ଘିଅ ଦୀପ ଜଳାଇ ଥାଆନ୍ତି ସେମାନେ ସର୍ବଦା ବିପଦରୁ ରକ୍ଷା ପାଇ ଥାଆନ୍ତି l