ଧର୍ମଶାଳା : ଧର୍ମଶାଳା ଥାନା ମିର୍ଜାପୁର ଗ୍ରାମରେ ଗତ ୫ ତାରିଖରେ ଦୁର୍ବୃତଙ୍କ ଆକ୍ରମଣରେ ଗୁରୁତର ଆହତ ଅବସ୍ଥାରେ ଭୁବନେଶ୍ୱରସ୍ଥିତ ଏମ୍ସରେ ଚିକିତ୍ସିତ ହେଉଥିବା ନିତ୍ୟରଞନ ମଲ୍ଲିକ (୫୪) ଙ୍କ ଗତକାଲି ବିଳମ୍ବିତ ରାତିରେ ମୃତୁ୍ୟ ଘଟିଛି । ଖବର ମୁତାବକ ଗତ ୫ ତାରିଖ ସକାଳେ ମିର୍ଜାପୁର ଗ୍ରାମରେ ଜଣେ ଶିତକ୍ଷୟତ୍ରୀଙ୍କ ମୃତଦେହ ତାଙ୍କ ଘର ପଛପଟୁ ଉଦ୍ଧାର କରାଯାଇଥିବା ବେଳେ ସଜ୍ଞାହିନ ଅବସ୍ଥାରେ ତାଙ୍କ ସ୍ୱାମୀ ନିତ୍ୟରଞ୍ଜନ ଓ ଝିଅଙ୍କୁ ଉଦ୍ଧାର କରାଯାଇଥିଲା ।
ଉଭୟ ବାପା ଓ ଝିଅଙ୍କୁ ପ୍ରଥମେ ଧର୍ମଶାଳା ଓ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ପରେ କଟକରୁ ଉଭୟ ବାପା ଓ ଝିଅଙ୍କୁ ଭୁବନେଶ୍ୱରସ୍ଥିତ ଏମ୍ସ ହସପିଟାଲକୁ ନିଆଯାଇ ଚିକିତ୍ସା କରାଯାଉଥିଲା । ସେଠାରେ କରୋନା ପରୀକ୍ଷା ପରେ ନିତ୍ୟରଞ୍ଜନଙ୍କୁ କରୋନା ହୋଇଥିବା ଜଣାପଡିଥିଲା । ସେଥି ଲାଗି ତାଙ୍କୁ କୋଭିଡ କେୟାର ହସପିଟାଲେ ଭର୍ତି କରାଯାଇ କରୋନା ଚିକିତ୍ସା କରାଯାଉଥିଲା । ହେଲେ ଗତକାଲି ବିଳମ୍ବିତ ରାତିରେ ତାଙ୍କର ମୃତୁ୍ୟ ଘଟିଥିବା ଜଣାଯାଇଛି ।
