କଟକ: ସମାଜରେ ଅସୁରକ୍ଷିତ ଲୋକମାନଙ୍କୁ ସେମାନଙ୍କର ଆଇନଗତ ଅଧିକାର ବିଷୟରେ ସଚେତନ କରି ଏକ ନାଗରିକ କେନ୍ଦ୍ରୀକ ଆଇନବ୍ୟବସ୍ଥା ସୃଷ୍ଟି କରିବା ଉଦେ୍ଦଶ୍ୟରେ ପ୍ରତିଷ୍ଠା ହୋଇଥିବା ଡିଜାଇନିଂ ଇନୋଭେଟିଭ୍ ସଲୁ୍ୟସନ୍ ଫର୍ ହୋଲିଷ୍ଟିକ୍ ଆକ୍ସେସ୍ ଟୁ ଜଷ୍ଟିସ୍ (ଦିଶା)କାର୍ଯ୍ୟକ୍ରମକୁ ଆଗକୁ ନେଇ, ନ୍ୟାସନାଲ୍ ଲ ୟୁନିଭରସିଟି ଓଡିଶା, କଟକ ଓ କାର୍ଯ୍ୟକାରୀ ସହଯୋଗୀ ସ୍ୟାଡୋ ଆଡ୍ଭାଟାଇଜିଂ ଆଣ୍ଡ କମୁ୍ୟନିକେଶନ ପ୍ରାଇଭେଟ୍ ଲିମିଟେଡ୍ ସହାୟତାରେ ନ୍ୟାୟ ବିଭାଗ (ଡିଓଜେ) ଦ୍ୱାରା ‘ରାଜ୍ୟ ସ୍ତରୀୟ ଆଇନଗତ ସାକ୍ଷରତା ଓ ସଚେତନତା ଉପରେ ପରାମର୍ଶର୍’ ଶୀର୍ଷାଙ୍କ ସୋମବାର ଦିନ ଏନ୍ଏଲ୍ୟୁଓ ହଲ ଠାରେ ଏକ କର୍ମଶାଳା ଆୟୋଜିତ କରାଯାଇଛି ।
ଏହି ପ୍ୟାନେଲ୍ରେ ଆଇନ ବିଭାଗର ବିଶିଷ୍ଟ ବିଶେଷଜ୍ଞମାନେ ଯଥା ସ୍ନେହା ଶର୍ମା, କାର୍ଯ୍ୟକ୍ରମ ପରିଚାଳିକା,ନ୍ୟାୟ ବିଭାଗ, ଭାରତ ସରକାର, ପ୍ରଫେସର୍ ବେଦୀ କୁମାର, କୂଳପତି, ଏନ୍ଏଲ୍ୟୁଓ, ଡ.ଯୋଗେସ୍ ପ୍ରତାପ୍ ସିଂ, ରେଜିଷ୍ଟ୍ରର୍, ଏନ୍ଏଲ୍ୟୁଓ, ନିକିତା ପଟ୍ଟଯୋଶୀ, ଆଇନ ପୋଫେସର୍, ଏନ୍ଏଲ୍ୟୁ, ବିରଞ୍ଚି ପାଢୀ, ନ୍ୟାୟ ମିତ୍ର କଟକ, ଧୀରଜ ବେହେରା, କାର୍ଯ୍ୟକ୍ରମ ପରିଚାଳକ, ସ୍ୟାଡୋ ଆଡ୍ଭାଟାଇଜିଂ ଆଣ୍ଡ କମୁ୍ୟନିକେଶନ ପ୍ରାଇଭେଟ୍ ଲିମିଟେଡ୍, ସିଏସ୍ସି ଅଧିକାରୀ ଓ ଆଇନଜୀବି ଯୋଗ ଦେଇଥିଲେ ।
ସୂଚନାଯୋଗ୍ୟ, ନ୍ୟାୟ ବିଭାଗ (ଡିଓଜେ) ଦିଶା ମାଧ୍ୟମରେ ବ୍ୟାପକ, ସାମଗ୍ରିକ, ଏକୀକୃତ ସମାଧାନକୁ ୨୦୨୧-୨୬ ଅବଧି ମଧ୍ୟରେ ପ୍ୟାନ୍ ଇଣ୍ଡିଆ ସ୍ତରରେ ପହଞ୍ଚାଇବା ପାଇଁ ଯୋଜନା ରଖିଛି । ଦିଶା ଯୋଜନା ଅଧିନରେ ସମସ୍ତ ଆକ୍ସେସ୍ ଟୁ ଜଷ୍ଟିସ୍ କାର୍ଯ୍ୟକ୍ରମ ଟେଲି ଆଇନ, ନ୍ୟାୟ ବନ୍ଧୁ (ପ୍ରୋ ବନୋ ଲିଗାଲ୍ ସର୍ଭିସ୍),ନ୍ୟାୟ ମିତ୍ର ଏବଂ ଆଇନଗତ ସାକ୍ଷରତା ଏବଂ ସଚେତନତାକୁ ଏକତ୍ରିତ କରି ସମଗ୍ର ଭାରତ ସ୍ତରରେ ପହଞ୍ଚାଇ ଯାଇପାରିବ ।
ଲୋକଙ୍କ ସ୍ୱାର୍ଥ ନିମିତ୍ତ ଆଇନକୁ କାର୍ଯ୍ୟକାରୀ କରିବା ଉଦେ୍ଦଶ୍ୟରେ ଦିଶା ଯୋଜନା ଅଧିନରେ ପ୍ରଥମ ଥର ପାଇଁ ଜନ ଭାଗୀଦାରୀ ଆଇନ ସମ୍ବନ୍ଧୀୟ କ୍ଲବ୍ ଏହି କର୍ମଶାଳାରେ ଉଦଘାଟିତ ହୋଇଛି । ଆଇନ ଓ ଆଇନ କ୍ଷେତ୍ରର ହିତାଧିକାରୀଙ୍କୁ ନେଇ ଗଠିତ ଏହି ଜନ ହିତକାରୀ ଆଇନ ସମ୍ବନ୍ଧୀୟ କ୍ଲବ୍ ବିଭିନ୍ନ କାରଣରୁ ଆଇନ ସେବାରୁ ବଞ୍ଚିତ ହୋଇଥିବା ଜନସାଧାରଣଙ୍କ ସ୍ୱାର୍ଥ ରକ୍ଷା ପାଇଁ ଏକ ସହଯୋଗୀର କାର୍ଯ୍ୟ କରିବ ।
ଏହି କର୍ମଶାଳାରେ ନ୍ୟାସନାଲ୍ ଲ ୟୁନିଭରସିଟି ଓଡିଶା, କଟକ ଆନୁଷ୍ଠାନିକ ଭାବରେ ଜନ ଭାଗୀଦାରୀ ଆଇନ ସମ୍ବନ୍ଧୀୟ କ୍ଲବ୍ ଯୋଜନା ପାଇଁ ନ୍ୟାୟ ବିଭାଗରେ ସଦସ୍ୟତା ଗ୍ରହଣ କଲେ । ଆଇନ ସେବା ସହ ସଂଯୁକ୍ତ ବିଭିନ୍ନ କ୍ଷେତ୍ରରୁ ପ୍ରାୟ ୫୦ ଭାଗୀଦାରୀ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଓଡିଶାରେ ଆଇନଗତ ସାକ୍ଷରତା ଓ ସଚେତନତା ଅଭିଯାନ କରିବା ପାଇଁ ସ୍ୟାଡୋ ଆଡ୍ଭାଟାଇଜିଂ ଆଣ୍ଡ କମୁ୍ୟନିକେଶନ ପ୍ରାଇଭେଟ୍ ଲିମିଟେଡ୍ ସହଭାଗୀ ତଥା କାର୍ଯ୍ୟକାରୀ ସଂସ୍ଥା ।
