ଦଶପଲ୍ଲା୧୪/୩ : ସୋମବାର ଦିନ ଦଶପଲ୍ଲା ପ୍ରୀମିଅର୍ ଲିଗ୍ କ୍ରିକେଟ ଟୁର୍ଣ୍ଣାମେଣ୍ଟ ରେ ଦୁଇଟି ମ୍ୟାଚ୍ ଖେଳା ଯାଇଥିଲା। ପ୍ରଥମେ ପ୍ରଥମ କ୍ୱାଲିଫେୟାର ମ୍ୟାଚ୍ ରେ ସିଲେକ୍ସନ ୱାରିଅର୍ ଓ ଇସାନୀ ମଧ୍ୟରେ ଅନୁଷ୍ଠିତ ହୋଇଥିଲା। ପ୍ରଥମେ ସିଲେକ୍ସନ ବ୍ୟାଟିଂ କରି ୧୫ ଓଭର ରେ ସମସ୍ତ ୱିକେଟ ହରାଇ ୮୨ ରନ୍ କରିଥିଲା। ଜବାବ୍ ରେ ଇଶାନି ୧୨.୨ ଓଭର ରେ ୬ ୱିକେଟ ହରାଇ ବିଜୟଲକ୍ଷ ପୂରଣ କରି ଫାଇନାଲ ରେ ପ୍ରବେଶ କରିଛି। ପରେ ଏଲିମିନେଟର ମ୍ୟାଚ୍ ବୈଶାଳୀ ଯାଗୁଆର୍ ଓ ମହାବୀର ମଲ୍ଟି ଜିମ୍ ମଧ୍ୟରେ ଅନୁଷ୍ଠିତ ହୋଇଥିଲା। ମହାବୀର ମଲ୍ଟି ଜିମ୍ ପ୍ରଥମେ ବ୍ୟାଟିଂ କରି ୧୫ ଓଭର ରେ ୯ ୱିକେଟ ହରାଇ ୧୨୫ ରନ୍ ସଂଗ୍ରହ କରିଥିଲା। ଜବାବ୍ ରେ ବୈଶାଳୀ ଦଳ ୧୩.୧ ଓଭର ରେ ସମସ୍ତ ୱିକେଟ ହରାଇ ୯୬ ରନ୍ କରି ପରାଜୟ ହୋଇଥିଲା। ଆଜି ପୁନଶ୍ଚ ସୁବାଷ ଚନ୍ଦ୍ର ମହାନ୍ତି ମ୍ୟାନ ଅଫ ଦି ମ୍ୟାଚ୍ ଘୋଷିତ ହୋଇଥିଲେ। ଆଜିର ଖେଳ କୁ ଜିତେନ୍ଦ୍ର ସ୍ୱାଇଁ ଏବଂ ସୁଶାନ୍ତ ସାହୁ ପରିଚାଳନା କରିଥିଲେ।
