ଡାଲମିଆ ଇଣ୍ଡଷ୍ଟ୍ରିଆଲ୍ ଟ୍ରେନିଂ ଇନଷ୍ଟିଚ୍ୟୁଟ୍ ରୌପ୍ୟ ଜୟନ୍ତୀ ପାଳନ : ଓଡିଶାର ମାନ୍ୟବର ରାଜ୍ୟପାଳ ପ୍ରଫେସର ଗଣେଶୀ ଲାଲ ମୁଖ୍ୟ ଅତିଥି ଭାବରେ ଯୋଗ ଦେଲେ

ଝଗରପୁର ସ୍ଥିତ ଡାଲମିଆ ଶିଳ୍ପ ତାଲିମ କେନ୍ଦ୍ର (ଡିଆଇଟିଆଇ) ର ୨୫ ତମ ବାର୍ଷିକ ଉତ୍ସବ ଡାଲମିଆ ସିମେଣ୍ଟ ଅଡିଟୋରିୟମ ରାଜଗାଙ୍ଗପୁର ରେ ପାଳିତ ହୋଇଯାଇଛି l ଓଡିଶାର ମାନ୍ୟବର ରାଜ୍ୟପାଳ ପ୍ରଫେସର ଗଣେଶୀ ଲାଲ ମୁଖ୍ୟ ଅତିଥି ଭାବେ ଯୋଗଦେଇଥିବାବେଳେ ବରିଷ୍ଠ କାର୍ଯ୍ୟନିର୍ବାହୀ ନିର୍ଦ୍ଦେଶକ ଓ ଡାଲମିଆ ସିମେଣ୍ଟ (ଭାରତ) ଲିମିଟେଡ଼ର ଜାତୀୟ ଉତ୍ପାଦନ ମୁଖ୍ୟ ଗଣେଶ ଜିରକୁଣ୍ଠୱାର ସମ୍ମାନିତ ଅତିଥି ଭାବେ ଯୋଗଦେଇ ଦୀପ ପ୍ରଜ୍ବଳିତ କରି ଏହି କାର୍ଯ୍ୟକ୍ରମ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ଆରମ୍ଭରେ କାରଖାନାର ଡେପୁଟି କାର୍ଯ୍ୟନିର୍ବାହୀ ନିର୍ଦ୍ଦେଶକ ସରୋଜ କୁମାର ରାଉତ ଅତିଥିମାନଙ୍କୁ ପରିଚିତ କରାଇ ସ୍ୱାଗତ ସଂଭାଷଣ ପ୍ରଦାନ କରିଥିଲେ l  ଅଧକ୍ଷ ଦେବବ୍ରତ ପ୍ରଧାନ ବାର୍ଷିକ ବିବରଣୀ ପାଠ କରିବା ସହ ଅନୁଷ୍ଠାନର ସଫଳତା ଉପରେ ରେଖାପାତ କରିଥିଲେ l

ଏହି ଉତ୍ସବ ଆୟୋଜନକୁ ପ୍ରଶଂସା କରି ଓଡ଼ିଶାର ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ କହିଥିଲେ, “ଚଳିତ ବର୍ଷ ରୌପ୍ୟ ଜୟନ୍ତୀ ପାଳନ କରିବାର ସଫଳତା ଅର୍ଜନ କରିଥିବା ଡିଆଇଟିଆଇ ପରିଚାଳନା ମଣ୍ଡଳୀଙ୍କୁ ମୁଁ ହାର୍ଦ୍ଦିକ ଅଭିନନ୍ଦନ ଜଣାଉଛି । ମଜଭୁତ ଏବଂ ଉତ୍ସାହୀ ମାନସିକତା ମଧ୍ୟରେ ଚମତ୍କାର ପ୍ରଦର୍ଶନ ସହିତ ଏହି ଉତ୍ସବରେ ଯୋଗଦେବା ଅତ୍ୟନ୍ତ ଆନନ୍ଦର ବିଷୟ । ସମସ୍ତ ବିଜେତାଙ୍କୁ ସେମାନଙ୍କ ସଫଳତା ପାଇଁ ମୁଁ ଅଭିନନ୍ଦନ ଜଣାଉଛି ଏବଂ ମୁଁ ଆଶା କରୁଛି ଯେ ଡିଆଇଟିଆଇ ଆମ ରାଜ୍ୟ ଏବଂ ରାଜ୍ୟବାସୀଙ୍କ ପାଇଁ ଆଗାମୀ ବର୍ଷଗୁଡିକରେ ନିରନ୍ତର ମୂଲ୍ୟ ଯୋଗ କରିଚାଲିବ ।”

ପରିଚାଳନା ମଣ୍ଡଳୀଙ୍କୁ ଅଭିନନ୍ଦନ ଜଣାଇ ବରିଷ୍ଠ କାର୍ଯ୍ୟନିର୍ବାହୀ ନିର୍ଦ୍ଦେଶକ ଓ ଡାଲମିଆ ସିମେଣ୍ଟ (ଭାରତ) ଲିମିଟେଡ଼ର ଜାତୀୟ ଉତ୍ପାଦନ ମୁଖ୍ୟ ଗଣେଶ ଜିରକୁଣ୍ଠୱାର କହିଥିଲେ, “ଡିଆଇଟିଆଇର ୨୫ତମ ବାର୍ଷିକୀ ଅବସରରେ ମୁଁ ପରିଚାଳନା ମଣ୍ଡଳୀ ଏବଂ କର୍ମଚାରୀଙ୍କୁ ଅତି କୁଶଳୀ ଟେକ୍‌ନୋକ୍ରାଟ ସୃଷ୍ଟି କରିବା ଏବଂ ରାଜଗାଙ୍ଗପୁର ଆଖ ପାଖ ଅଞ୍ଚଳରେ ବେକାର ଯୁବଗୋଷ୍ଠୀଙ୍କ ପାଇଁ ବୈଷୟିକ କୁଶଳତାର ବିକାଶ ଘଟାଇବା ଅଭିଯାନକୁ ଆଗେଇନେବା କ୍ଷେତ୍ରରେ ଅତ୍ୟନ୍ତ ଅନୁଗତ ସମର୍ଥକ ରହିଥିବାନେଇ ସେମାନଙ୍କୁ ଅଭିନନ୍ଦନ ଜଣାଉଛି । ବିଗତ ବର୍ଷଗୁଡିକରେ ଡିଆଇଟିଆଇ ଅନେକ ସ୍ଥାନୀୟ ସ୍ନାତକଧାରୀଙ୍କୁ ଉଭୟ ସରକାରୀ ଓ ଘରୋଇ ଶିଳ୍ପରେ ନିଯୁକ୍ତି ସୁଯୋଗ ଦେବାରେ ସହାୟତା କରିଆସୁଛି । ସମ୍ପ୍ରତି ଆମେ ଅଭିବୃଦ୍ଧି ଓ ସମୃଦ୍ଧିର ୨୬ତମ ବର୍ଷରେ ପ୍ରବେଶ କରୁଥିବାବେଳେ ଏହି ପରିବ୍ୟବସ୍ଥାର ସଫଳତା ନିମନ୍ତେ ଆମେ ଅଧିକ ସୁଦୃଢ ଆଭିମୁଖ୍ୟ ରଖୁଛୁ ।”

ଏହି କାର୍ଯ୍ୟକ୍ରମରେ ଡିଆଇଟିଆଇ ର ବାର୍ଷିକ ପତ୍ରିକା “ଶିଳ୍ପୀ” ଅତିଥିମାନଙ୍କ ଦ୍ୱାରା ଉନ୍ମୋଚିତ କରାଯାଇଥିଲା | ଏହି ଅବସରରେ ଅନୁଷ୍ଠାନକୁ ସର୍ବୋତ୍ତମ ସେବା ପ୍ରଦାନ କରିଥିବାରୁ ଚାରିଜଣ କର୍ମଚାରୀ, ଶ୍ରୀ ଜୟନ୍ତ କୁମାର ନାୟକ କୁ ସ୍ୱର୍ଣ୍ଣ ପଦକ ଓ ଶ୍ରୀ ବିଗ୍ନେଶ୍ୱର ଲେଙ୍କା, ଶ୍ରୀ ସାନ୍ତୋଶ କୁମାର ସାହୁ ଏବଂ ଶ୍ରୀ ଶ୍ରୀନିବାସ ସାହୁଙ୍କୁ ରୌପ୍ୟ ପଦକ ଦେଇ ମୁଖ୍ୟ ଅତିଥିଙ୍କ ଦ୍ୱାରା ସମ୍ମାନିତ କରାଯାଇଥିଲା। ଡିଆଇଟିଆଇ ର ଛାତ୍ରମାନେ ଏକ ରୋମାଞ୍ଚକ ନୃତ୍ୟ ପ୍ରଦର୍ଶନ କରି କାର୍ଯ୍ୟକ୍ରମକୁ  ସମାପ୍ତ କରିଥିଲେ |  ଅନୁଷ୍ଠାନର ସମସ୍ତ ଶିକ୍ଷକ ଏବଂ ଛାତ୍ର ଛାତ୍ରୀ, କମ୍ପାନୀର ଜନ ସମ୍ପର୍କ ବିଭାଗ,ଆଡମିନ, ଇଷ୍ଟେଟ, ସୁରକ୍ଷା ଏବଂ ଦମକଳ ବିଭାଗର କର୍ମଚାରୀ,ସୁନ୍ଦରଗଡ ଜିଲ୍ଲାପାଳ ଶ୍ରୀ ନିଖିଳ ପବନ କଲ୍ୟାଣ, ସୁଶ୍ରୀ ସାଗରିକା ନାଥ ଆରକ୍ଷୀ ଅଧିକ୍ଷକ ସୁନ୍ଦରଗଡ, ରାଜଗଙ୍ଗପୁର ପୋଲିସ ଏବଂ ଜିଲ୍ଲାର ପ୍ରଶାସନିକ ଅଧିକାରୀମାନେ ଏହି କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ ପ୍ରଦାନ କରିଥିଲେ l

ଡାଲମିଆ ଔଦ୍ୟୋଗିକ ଶିକ୍ଷଣ ପ୍ରତିଷ୍ଠାନ ଟ୍ରଷ୍ଟ ଦ୍ୱାରା ପରିଚାଳିତ ଏବଂ ଡାଲମିଆ ଭାରତ ଗ୍ରୁପ୍‌ ଅଫ ଇଣ୍ଡଷ୍ଟ୍ରିଜ୍‌ର ଏକ ପ୍ରୟାସ ଡାଲମିଆ ପ୍ରାଇଭେଟ ଇଣ୍ଡଷ୍ଟ୍ରିଆଲ ଟ୍ରେନିଂ ଇନଷ୍ଟିଚ୍ୟୁଟ୍ (ଡିଆଇଟିଆଇ)ର ରୌପ୍ୟ ଜୟନ୍ତୀ ଉତ୍ସବ ଏହାର ରାଜଗାଙ୍ଗପୁର କ୍ୟାମ୍ପସ୍‌ରେ ପାଳିତ ହୋଇଯାଇଛି । ୧୯୯୭ରୁ ଭାରତରେ ଅନ୍ୟତମ କୁଶଳତା ପରିବର୍ଦ୍ଧନକାରୀ ପ୍ରତିଷ୍ଠାନ ଭାବରେ କାର୍ଯ୍ୟ କରିଆସୁଥିବା ଡାଲମିଆ ପ୍ରାଇଭେଟ ଇଣ୍ଡଷ୍ଟ୍ରିଆଲ ଟ୍ରେନିଂ ଇନଷ୍ଟିଚ୍ୟୁଟ୍ (ଡିଆଇଟିଆଇ) ଓଡ଼ିଶାରେ ଆଇଟିଆଇଗୁଡିକ ମଧ୍ୟରେ ସପ୍ତମ ସ୍ଥାନ ଏବଂ ସୁନ୍ଦରଗଡ ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଛି ।

ଡିଆଇଟିଆଇ ପ୍ରଥମ ଆଇଟିଆଇ ସ୍ତରୀୟ ପ୍ରତିଷ୍ଠାନ ଯାହା ୨୦୧୪ରୁ ମାନ, ପରିବେଶ, ନିରାପତ୍ତା ଏବଂ ସ୍ୱାସ୍ଥ୍ୟ କ୍ଷେତ୍ରରେ ସମନ୍ୱିତ ପରିଚାଳନା ବ୍ୟବସ୍ଥା (ଆଇଏମଏସ) ପ୍ରମାଣିକୃତ ହୋଇସାରିଛି ଏବଂ ଏହା ଯଥାକ୍ରମେ ଆଇଏସଓ ୧୪୦୦୧ ଏବଂ ଓଏଚଏସଏଏସ ୧୮୦୦୧ ପ୍ରମାଣନ ହାସଲ କରିଛି । ଏହି ପ୍ରତିଷ୍ଠାନ ମଧ୍ୟ ଏହାର ଛାତ୍ରଛାତ୍ରୀଙ୍କ ଶାରୀରିକ, ଆର୍ଥିକ ଏବଂ ସାମାଜିକ କଲ୍ୟାଣ ନିମନ୍ତେ ନିୟମିତ ଭାବରେ ସ୍ୱାସ୍ଥ୍ୟ ପରୀକ୍ଷୀ, ଜୀବନ ବୀମା, ବୃତ୍ତି ସୁବିଧା, ସ୍ୱତନ୍ତ୍ର ତାଲିମ, ଏବଂ ବୃକ୍ଷରୋପଣ, ଏଡ୍‌ସ ସଚେତନତା, ପରିମଳ ଆଦି ସାମାଜିକ ସଚେତନତା କାର୍ଯ୍ୟକ୍ରମ ଆୟୋଜନ ଜରିଆରେ ସେମାନଙ୍କର ଦାୟିତ୍ୱ ନେଇଆସୁଛି । ଏଥିସହିତ ଡିଆଇଟିଆଇ ସ୍ନାତକଧାରୀଙ୍କୁ ସ୍ୱାବଲମ୍ବୀ ହେବାପାଇଁ ସରକାରୀ ସହାୟତା ଏବଂ ପ୍ରୋତ୍ସାହନ ଯୋଗାଇ ଦେଉଛି । ଓଡ଼ିଶା ସରକାରଙ୍କ ବୈଷୟିକ ଶିକ୍ଷା ଓ ତାଲିମ ନିର୍ଦେଶାଳୟ (ଡିଟିଇଆଣ୍ଡଟି) ଜରିଆରେ ସରକାରଙ୍କର ମଡୁଲାର ନିଯୁକ୍ତିକ୍ଷମ କୁଶଳତା (ଏମଇଏସ୍‌) ଅଧୀନରେ ସ୍ୱଳ୍ପକାଳୀନ ପାଠ୍ୟକ୍ରମ ୨୦୧୪-୧୫ରୁ ଡିଆଇଟିଆଇ ଆରମ୍ଭ କରିଛି । ତାହାସହିତ ଏହି ଅଞ୍ଚଳରେ ବେକାର ଅନୁସୂଚିତ ଜାତି ଓ ଜନଜାତି ପ୍ରାର୍ଥୀଙ୍କ ପାଇଁ ଅତିରିକ୍ତ କେନ୍ଦ୍ରୀୟ ସହାୟତା କାର୍ଯ୍ୟକ୍ରମ (ଏସିଏ) କାର୍ଯ୍ୟକାରୀ କରୁଛି ।