ସ୍ଥାନୀୟ ଯୁବକ ଯୁବତୀ ମାନଙ୍କୁ ବିଭିନ୍ନ କୌଶଳ ତାଲିମ ପ୍ରଦାନ କରି ସେମାନଙ୍କୁ ନିଯୁକ୍ତି ଉପଯୋଗୀ କରିବା ଲକ୍ଷ୍ୟରେ ଡାଲମିଆ ସିମେଣ୍ଟ (ଭାରତ) ଲିମିଟେଡ଼ ତରଫରୁ ନିକଟ ଅତୀତରେ ଅନେକ କାର୍ଯ୍ୟକ୍ରମ ଆରମ୍ଭ କରାଯାଇଛି l ଏହି କ୍ରମରେ ଡିସିବିଏଲ୍ର କର୍ପୋରେଟ ସାମାଜିକ ଦାୟିତ୍ୱ ନିର୍ବାହକ (ସିଏସଆର) ବିଭାଗ ଡାଲମିଆ ଭାରତ ଫାଉଣ୍ଡେସନ (ଡିବିଏଫ୍) ଏବଂ ସୁନ୍ଦରଗଡ ଜିଲ୍ଲାର ନାବାର୍ଡ ମିଳିତ ଉଦ୍ୟମରେ ଗ୍ରାମାଞ୍ଚଳର ଯୁବକ ଯୁବତୀଙ୍କୁ ଆତ୍ମନିର୍ଭରଶୀଳ କରିବାପାଇଁ ଲାଞ୍ଜିବେର୍ଣ୍ଣl ଠାରେ ଏକ ଦକ୍ଷତା ବିକାଶ ତାଲିମର ପରିବର୍ଦ୍ଧିତ କେନ୍ଦ୍ର ଗତକlଲି ଉଦଘାଟିତ ହୋଇଯାଇଛି l ଲାଞ୍ଜିବେର୍ଣ୍ଣl ଆଖପାଖ ଅଞ୍ଚଳର ୭୫ ଜଣ ଯୁବକ ଯୁବତୀ ଏହି କାର୍ଯ୍ୟକ୍ରମରେ ଭାଗ ନେଇଥିଲେ l
କାର୍ଯ୍ୟକ୍ରମରେ ସୁନ୍ଦରଗଡ ଜିଲ୍ଲାର ନାବାର୍ଡ ଅଧିକାରୀ ଶ୍ରୀଯୁକ୍ତ ତାପସ କୁମାର ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଡିସିବିଏଲ୍, କାର୍ଯ୍ୟନିର୍ବାହୀ ନିର୍ଦେଶକ ଓ ରାଜଗାଙ୍ଗପୁର ୟୁନିଟ୍ ମୁଖ୍ୟ, ଶ୍ରୀଯୁକ୍ତ ଚେତନ ଶ୍ରୀବାସ୍ତବ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ସୁନ୍ଦରଗଡ ଜିଲ୍ଲା ଷ୍ଟେଟ ବାଙ୍କର ପ୍ରମୁଖ ଜିଲ୍ଲା ପ୍ରବନ୍ଧକ ଶ୍ରୀଯୁକ୍ତ ଡ଼ନ ବୋସ୍କୋ, କମ୍ପାନୀର ମାନବ ସମ୍ବଳ ବିଭାଗର ମୁଖ୍ୟ ଶ୍ରୀଯୁକ୍ତ ବଳରାମ ପଣ୍ଡା, ଲାଞ୍ଜିବେର୍ଣ୍ଣl ଖଣି ମୁଖ୍ୟ ଶ୍ରୀଯୁକ୍ତ ଦୀନେଶ ପନୱାର ଓ ଖଣି ମହାପ୍ରବନ୍ଧକ ଶ୍ରୀଯୁକ୍ତ ସୁବ୍ରତ ମିଶ୍ର ଅନ୍ୟ ଅତିଥି ଭାବେ ଉପସ୍ଥିତ ରହିଥିଲେ l
ସୁନ୍ଦରଗଡ଼ ଜିଲ୍ଲା ଲାଞ୍ଜିବେର୍ଣ୍ଣl ଏବଂ ରାଜଗାଙ୍ଗପୁର ଅଞ୍ଚଳର ୧୯୦ ଜଣ ବେରୋଜଗାର ଯୁବକ ଯୁବତୀଙ୍କୁ ଆସିଷ୍ଟାଣ୍ଟ ଇଲେକ୍ଟ୍ରିସିଆନ୍, ଗାରମେଣ୍ଟ ମେକିଙ୍ଗ ଏବଂ ସିଆରଏମ ଡୋମେଷ୍ଟିକ ନନ ଭଏସ ଟ୍ରେଡ଼ ଉପରେ ତ୍ରୈମାସିକ ତାଲିମ ପ୍ରଦାନ କରି ସେମାନଙ୍କୁ ନିଯୁକ୍ତି ଉପଯୋଗୀ କରିବା ଲକ୍ଷ୍ୟରେ ଏହି କାର୍ଯ୍ୟକ୍ରମ ଆରମ୍ଭ କରାଯାଇଛି l କମ୍ପାନୀର ଲାଞ୍ଜିବେର୍ଣ୍ଣlସ୍ଥିତ
ଦକ୍ଷତା ବିକାଶ ତାଲିମର ପରିବର୍ଦ୍ଧିତ କେନ୍ଦ୍ରରେ କମ୍ପାନୀ ତରଫରୁ ସିଆରଏମ ଡୋମେଷ୍ଟିକ ନନ ଭଏସ ଟ୍ରେଡ଼ରେ ୨୫ ଜଣ ଛାତ୍ର ଛାତ୍ରୀଙ୍କୁ ପ୍ରଶିକ୍ଷଣ ଦେବା ସହିତ ସେମାନଙ୍କୁ ରୋଜଗାର କ୍ଷମ କରିବା ପାଇଁ ବିଭିନ୍ନ କର୍ମ ସଂସ୍ଥାନ ସହିତ ଜଡିତ କରାଯିବର ଆଭିମୁଖ୍ୟ ରଖାଯାଇଛି l
ରାଜଗାଙ୍ଗପୁରସ୍ଥିତ ଦୀକ୍ଷା କେନ୍ଦ୍ରରେ ଅଦ୍ୟାବଧି ୪୭୪ରୁ ଉର୍ଦ୍ଧ୍ବ ଛାତ୍ରଛାତ୍ରୀଙ୍କୁ କୌଶଳ ପ୍ରଶିକ୍ଷଣ ପ୍ରଦାନ କରାଯାଇଛି l ଅନେକ ପ୍ରଶିକ୍ଷାର୍ଥୀ ବିଭିନ୍ନ କମ୍ପାନୀରେ ନିଯୁକ୍ତି ମଧ୍ୟ ପାଇଛନ୍ତି l ଡାଲମିଆ ଭାରତ ଫାଉଣ୍ଡେସନ (ଡିବିଏଫ୍)ର ଅନ୍ୟ ଦୀକ୍ଷା କେନ୍ଦ୍ର ରାଉରକେଲା, କଟକ, ଯାଜପୁର ଏବଂ ଝାରସୁଗୁଡ଼ାରେ ରହିଛି ଯେଉଁଠାରେ ଜେନେରାଲ ଡିଉଟି ଆସିଷ୍ଟାଣ୍ଟ , ରିଟେଲ୍ ସେଲ୍, ଇଲେକ୍ଟ୍ରିସିଆନ୍, ବିଉଟି ଆଣ୍ଡ୍ ୱେଲ୍ନେସ୍ ଓ ସିଲାଇ ମେସିନ୍ ଅପରେଟର ଇତ୍ୟାଦି ଟ୍ରେଡ୍ରେ ପ୍ରଶିକ୍ଷଣ ପ୍ରଦାନ କରାଯାଉଛି ।
ମୁଖ୍ୟ ଅତିଥି ଶ୍ରୀ ବେହେରା ଉପସ୍ଥିତ ଯୁବକ ଯୁବତୀଙ୍କୁ ସମ୍ବୋଧିତ କରି କହିଥିଲେ ନିଜର କଠିନ ପରିଶ୍ରମ, ନିଷ୍ଠା ଏବଂ ଉଜ୍ଜ୍ୱଳ ଭବିଷ୍ୟତ ଆଡକୁ ଗତି କରିବା ଲାଗି ଥିବା ଇଛା ଶକ୍ତି ପାଇଁ ହାର୍ଦ୍ଦିକ ଶୁଭେଚ୍ଛା ଜଣାଇଥିଲେ l ଶ୍ରୀ ଶ୍ରୀବାସ୍ତବ କହିଥିଲେ ଯେ, ଡାଲମିଆ ଭାରତ ଫାଉଣ୍ଡେସନର ଲକ୍ଷ୍ୟ କେବଳ ପ୍ରଶିକ୍ଷଣ ପ୍ରଦାନ ନୁହେଁ, ବରଂ ଛାତ୍ରଛାତ୍ରୀମାନଙ୍କୁ ନିଯୁକ୍ତିକ୍ଷମ କରିବା l ସ୍ଥାନୀୟ ଯୁବକ ଯୁବତୀଙ୍କୁ କୌଶଳ ପ୍ରଶିକ୍ଷଣ କାର୍ଯ୍ୟକ୍ରମ ସହିତ ଯୋଡି ହୋଇ ଅଞ୍ଚଳର ବେକାରୀ ସମସ୍ୟାକୁ ଦୂର କରିବା ପାଇଁ ଆହ୍ୱାନ ଦେଇଥିଲେ l
ଡାଲମିଆ ସିମେଣ୍ଟ ସି.ଏସ.ଆର.ବିଭାଗର ବରିଷ୍ଠ ପ୍ରବନ୍ଧକ ତପନ କୁମାର ନାୟକ ଅତିଥିମାନଙ୍କୁ ସ୍ୱାଗତ କରିଥିବା ବେଳେ ଦକ୍ଷତା କାର୍ଯ୍ୟକମ ପରିଚାଳକ ଦୀପକ କୁମାର ସେନାପତି ଦୀକ୍ଷା ପ୍ରଦାନ କରାଯାଉଥିବା ବିଭିନ୍ନ କୌଶଳ ବିକାଶ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ l ଅନ୍ୟମାନଙ୍କ ମଧ୍ୟରେ ସିଏସଆର ବିଭାଗର ଶିବ ନାରାୟଣ ପରିଜା, ସୁଜାତା ଦାସ, ଶୋଭାରାଣୀ ମହାନ୍ତି, ସୋନିଆ ଡୁଙ୍ଗ ଡୁଙ୍ଗ ଓ ଦୀକ୍ଷା କେନ୍ଦ୍ରର ପ୍ରଶିକ୍ଷକ ପ୍ରମୁଖ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ l
