ନୂଆଦିଲ୍ଲୀ :ଭାରତର ପାୱାର ଗ୍ରୀଡ଼ ଉପରେ ସାଇବର ଆକ୍ରମଣକୁ ଚୀନ ଖାରଜ କରି ଦେଇଛି l ଆମେରିକାର ଗଣମାଧ୍ୟମ ସୂଚନା ଅନୁସାରେ ଭାରତର ସୀମା ଉପରେ ଆକ୍ରାମକ ହେବାକୁ ଅଟକାଇବା ପାଇଁ ଚୀନ ତାର ପାୱାର ଗ୍ରୀଡ଼ ଉପରେ ସାଇବର ଆକ୍ରମଣକୁ ରୂପ ଦେଇଛି ଓ ଏହି ଆକ୍ରମଣ କାରଣରୁ ଗତବର୍ଷ ମୁମ୍ବାଇରେ ବିଜୁଳି ସପ୍ଲାଇ ଠପ ହୋଇ ଯାଇଥିଲା l ଚୀନର ବିଦେଶ ମନ୍ତ୍ରଣାଳୟ ପ୍ରବକ୍ତା ସୋମବାର ଦିନ ପ୍ରେସ୍ ବିଜ୍ଞପ୍ତି ରଖିଥିବା ସମୟରେ ପ୍ରଶ୍ନ କରାଯାଇଥିଲା ଯେ କଣ ଚୀନ ଭାରତର ସୀମା ବିବାଦ ମୁଦାକୁ ନେଇ ଚେତାବନୀ ଦେବା ପାଇଁ ସାଇବର ଆକ୍ରମଣର ସାହାରା ନେଇଥିଲା ?
ଏହାର ଉତ୍ତରରେ ବିଦେଶ ମନ୍ତ୍ରଣାଳୟ ପ୍ରବକ୍ତା ଖାରଜ କରି କହିଥିଲେ ଯେ ସାଇବର ସୁରକ୍ଷା ସଂରକ୍ଷକ ହେବ କାରଣରୁ ଚୀନ ସମସ୍ତ ପ୍ରକାରର ସାଇବର ଆକ୍ରମଣକୁ ବିରୋଧ କରିଥାଏ ଓ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ କରିଥାଏ l କାରଣ ସାଇବର ଆକ୍ରମଣର ଉତ୍ପତି ଲଗାଇ ଅତ୍ୟନ୍ତ କଷ୍ଟ ସାଧ୍ୟ l ଏପରି ଦୋଷ ଲଦିବା ଚୀନ ଉପରେ ଉଚିତ ନୁହେଁ l ଚୀନ ଏହିଭଳି ଦ୍ୱିତ୍ୱଶୂନ୍ୟ ଓ ଭୁଲ ଉଦେଶ୍ୟକୁ କଡା ବିରୋଧ କରିଥାଏ l ଆମେରିକାର ଗଣମାଧ୍ୟମ ସୂଚନା ଅନୁସାରେ ଯେଉଁ ଦୋଷ ଚୀନ ଉପରେ ଲଦା ଯାଇଥିଲା ତାହାକୁ ଚୀନ ମାନିବାକୁ ପ୍ରସ୍ତୁତ ନୁହେଁ l କରୋନା ମହାମାରୀ ମଧ୍ୟରେ ମୁମ୍ବାଇର ଡାକ୍ତରଖାନା ଗୁଡିକରେ ବିଜୁଳି ଚାଲି ଯିବାରୁ ସମସ୍ତେ ଅସୁବିଧାର ସମ୍ମୁଖୀନ ହୋଇଥିଲେ l
ସେହି ସମୟରେ ସମ୍ପୂର୍ଣ୍ଣ ମୁମ୍ବାଇ ସହର ଅନ୍ଧକାରରେ ରହିଥିଲା l ଡାକ୍ତରଖାନା ଗୁଡିକରେ ଜେନେରେଟର ସାହାଯ୍ୟରେ ଭେଣ୍ଟିଲେଟର ଅନ ରହିଥିଲା l ମିଳିଥିବା ସୂଚନା ଅନୁସାରେ ଚୀନ ପକ୍ଷରୁ ସେତେବେଳେ ଭାରତକୁ ଚେତାବନୀ ଦିଆ ଯାଇଥିଲା ଯେ ଯଦି ଭାରତ ସୀମାରେ ଅଧିକ ସଚେତନ ଓ ଆକ୍ରାମକ ଦେଖାଇବା ତେବେ ସମ୍ପୂର୍ଣ୍ଣ ଭାରତର ବିଜୁଳି କାଟ ଚୀନ କରି ପାରିବ ଓ ଭାରତକୁ ଅନ୍ଧାରରେ ରଖି ପାରିବ l ଭାରତର ସୈନ୍ୟ ବିଶେଷଜ୍ଞ ମାନେ ମଧ୍ୟ ସରକାରଙ୍କ ପାଖରୁ ଦାବି କରୁଛନ୍ତି ଭାରତର ପାୱାର ସେକ୍ଟର ଓ ରେଳ ସିଷ୍ଟମରୁ ଚୀନ ହାର୍ଡୱେରକୁ ସ୍ଥାନାନ୍ତର କରାଯାଉ l ଅଧିକାରୀ ମାନେ କହିଛନ୍ତି ଯେ ଭାରତର ସୂଚନା ସହିତ ଯୋଡି ହୋଇଥିବା ଅନେକ କଥାର ସମୀକ୍ଷା ହେଉଛି ଯେଉଁଥିରେ ଚୀନର କମ୍ପାନୀ ଗୁଡିକ ସାମିଲ ଅଛନ୍ତି ,ତେଣୁ ଏପରି ସ୍ଥାନାନ୍ତର କରିବା ଅସମ୍ଭବ ଅଟେ l
