ଚଣ୍ଡିଖୋଲ,୦୨/୦୧: ରାଜ୍ୟର ସବୁଠାରୁ ବ୍ୟସ୍ତ ବହୁଳ ଚଣ୍ଡିଖୋଲ-କନକତୋରା ୫୩ ନମ୍ବର ଜାତୀୟ ରାଜପଥର ଯାଜପୁର ଜିଲ୍ଲା ଅନ୍ତର୍ଗତ ଚଣ୍ଡିଖୋଲ-ଡୁବୁରୀ ମଧ୍ୟରେ ପ୍ରସସ୍ତି କରଣ କାମ ଅତି ଧିମା ଗତିରେ ଚାଲିବା ସାଙ୍ଗକୁ ନିର୍ମାଣ କାର୍ଯ୍ୟରେ ବ୍ୟାପକ ଅବ୍ୟବସ୍ଥା ଓ ନିମ୍ନମାନର କାମ ହେବାନେଇ ବିଭିନ୍ନ ମହଲରୁ ଗୁରୁତର ଅଭିଯୋଗ ହୋଇଛି! ନିର୍ମାଣ କାମରେ ଅତି ନିମ୍ନମାନର କଞ୍ଚାମାଲ ବ୍ୟବହାର କରାଯାଉଥିବା ସାଙ୍ଗକୁ ଚୁକ୍ତି ଅନୁଯାୟୀ କାମ କରାଯାଉ ନଥିବାରୁ ଏବେ ଏହି ରାସ୍ତା ମରଣଜନ୍ତା ସାଜିଛି ! ଯାହାକୁନେଇ ସଚେତନ ନାଗରିକ ମଞ୍ଚ ପ୍ରତିବାଦ କରିବାସହ ନିଯୁକ୍ତ ଠିକାଦାରଙ୍କ ପକ୍ଷରୁ ଚୁକ୍ତି ଖିଲାପକରାଯାଇ ଚାଲିଥିବା ନିମ୍ନ ମାନର କାମର ଉଚ୍ଚସ୍ତରୀୟ ତଦନ୍ତ ସହ ଯଥା ସମୟରେ ନିର୍ମାଣ କାର୍ଯ୍ୟ ଶେଷ କରାଯିବା ପାଇଁ ଦାବି ହୋଇଛି ! ଏହି ରାସ୍ତାର ପ୍ରସସ୍ତି କରଣ କାମ ସହିତ ପୁରୁଣା ରାସ୍ତାର ଆବଶ୍ୟକୀୟ ମରାମତି କରି ଯାତାୟାତ ବ୍ୟବସ୍ତାକୁ ସୁଚାରୁ ରୁପେ ପରିଚାଳନା ପାଇଁ ଜାତୀୟ ରାଜପଥ କତ୍ତୃପକ୍ଷଙ୍କ ସହ ନିର୍ମାଣ କାମରେ ନିଯୁକ୍ତ ଠିକାସସ୍ଥା ଗାମନ ଇଣ୍ଡିଆ ଓ ଏମ ଏସ ଆଇ ଏଲ ଚୁକ୍ତି କରିଛନ୍ତି! ଏଥିପାଇଁ ମଧ୍ୟ ସପୃକ୍ତ ଠିକା ସସ୍ଥାକୁ ଜାତୀୟ ରାଜପଥ କତତ୍ତୃପଖ୍ୟ ଆବଶ୍ୟକ କୋଟି କୋଟି ପ୍ରଦାନ କରିଛନ୍ତି ! ହେଲେ ନୂଆ ରାସ୍ତା ଓ ପୂର୍ବରୁ ଥିବା ପୁରୁଣା ରାସ୍ତାର କାମ ସଠିକ ଭାବେ କରାଯାଉନାହିଁ! ବିଶେଷ କରି ପୁରୁଣା ରାସ୍ତାର ଆବଶ୍ୟକ ମରାମତି କରାଯାଉ ନଥିବାରୁ ଏହା ଅତ୍ୟନ୍ତ ବିପଦ ସଙ୍କୁଳ ହୋଇପଡିବା ସାଙ୍ଗକୁ ଦୁର୍ଘଟଣାର କାଳଣ ସାଜିଛି! ପୁରୁଣା ରାସ୍ତାର ମରାମତି ବାବଦ ଅର୍ଥର ସୁ ବିନିଯୋଗ କରାନଯାଇ କେବଳ କାଗଜ ପତ୍ରରେ ମରାମତି ହେଉଥିବା ଦର୍ଶାଇ ମଞ୍ଜୁର ଅର୍ଥର ଦୁରୁପଯୋଗ କରାଯାଉଥିବା ଅଭିଯୋଗ ହୋଇଛି! ନୂଆ ରାସ୍ତାର କାମ ପାଇଁ ହେଉଥିବା କଟିଙ୍ଗ ପଏଣ୍ଟ ଗୁଡିକୁ ସୁଦୃଢ ଓ ପିଚୁ କରାଯାଇ ସେଠାରେ ଯେପରି ଦୁର୍ଘଟଣା ନଘଟେ ସେଥିପ୍ରତି ପ୍ରାଥମିକତା ଦେବାପାଇଁ ନିର୍ଦ୍ଦେଶ ରହିଥିଲେ ମଧ୍ୟ କୌଣସି ଗୋଟିଏ ବି କଟିଙ୍ଗ ପଏଣ୍ଟରେ ତାହା କରାଯାଇନାହିଁ! ନିର୍ମାଣ କାମରେ ଭଲ ବାଲି, ମାଟି,ମୋରମ ଓ କଳା ପଥର ସହ ଅନ୍ୟାନ୍ୟ ସାମଗ୍ରୀ ବ୍ୟବହାର କରିବା ପାଇଁ ଚୁକ୍ତି ହୋଇଥିଲେ ମଧ୍ୟ ଠିକାଦାର ମୋରମ ବଦଳରେ ବେଆଇନ ଭାବେ ପାହାଡର ବଡ ବଡ ପଥର ଖଣ୍ଡ ମିଶା ନିମ୍ନମାନର ମାଟି ଓ ଅତି ନିକୃଷ୍ଟ ମାନର କଳାପଥର ଚିପ୍ସ ମେଟାଲ ପ୍ରଭୃତି ବ୍ୟବହାର କରୁଥିବା ଦେଖାଯାଉଛି! ଏ ସମସ୍ତ ବିଷୟନେଇ ଅଭିଯୋଗ ମିଳିବା ପରେ ଯାଜପୁର ଜିଲ୍ଲାପାଳଙ୍କ ନିର୍ଦ୍ଦେଶରେ ଏକ ଜିଲ୍ଲା ସ୍ଥରୀୟ ସ୍ୱତନ୍ତ୍ର ଅନୁଧ୍ୟାନକାରୀ ଦଳ ଚଣ୍ଡିଖୋଲ ଠାରୁ ଡୁବୁରୀ ମଧ୍ୟରେ ଚାଲିଥିବା ରାସ୍ତାକାମ,କାମ ପାଇଁ ଉପୁଜୁଥିବା ଟ୍ରାଫିକ ସମସ୍ୟାର ଅନୁଧ୍ୟାନ କରି ଠିକାଦରଙ୍କ ବେଆଇନ କାମରେ ଅତିଷ୍ଟ ହେବା ସହିତ ତିନି ତିନି ଥର ଜିଲ୍ଲାପାଳଙ୍କୁ ରିପୋର୍ଟ ଦେଇଛନ୍ତି! ହେଲେ ଏତେପରେ ମଧ୍ୟ ଠିକାଦାରଙ୍କ ମନମୁଖୀ କାର୍ଯ୍ୟରେ ସୁଧାର ଆସିନାହିଁ! ଯାହାକୁ ସଚେତନ ନାଗରିକ ମଞ୍ଚ ତିବ୍ର ପ୍ରତିବାଦ କରିବା ସହ ଆନ୍ଦୋଳନାତ୍ମକ ପନ୍ଥା ଗ୍ରହଣ ପାଇଁ ଚେତାବନୀ ଦେଇଛି! ଏଥିନେଇ ଯାଜପୁର ଜିଲ୍ଲାପାଳ ଚକ୍ରବର୍ତ୍ତୀ ସିହ ରାଠୋରଙ୍କ ମତାମତ ନେବାରେ, ବାରମ୍ବାର ତାଗିଦା ପରେ ବି ଠିକାଦାର ନ ସୁଧୁରିବାରୁ ତାଙ୍କୁ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟଙ୍କ କୋର୍ଟ ପକ୍ଷରୁ ଠିକାଦାରଙ୍କୁ ନୋଟିସ ଯାରିକରାଯିବା ସହ ବ୍ୟକ୍ତିଗତ ହାଜର ହୋଇ ଉତ୍ତର ରଖିବା ପାଇଁ ନିର୍ଦ୍ଦେଶ ଦିଆଯାଇଥିବା ଜିଲ୍ଲାପାଳ ଶ୍ରୀ ରିଠୋର କହିଛନ୍ତି!
