ବୁଗୁଡ଼ା : ତା ୧୩/୦୧/୨୨ : ପ୍ରସିଦ୍ଧ ଐତିହାସିକ ଶୈବ ପୀଠ ବୁଦ୍ଧଖୋଲର ପାଦଦେଶରେ ବନ ବିଭାଗ ପକ୍ଷରୁ ନିର୍ମାଣଧୀନ ଇକୋ ପାର୍କକୁ ଆଜି ବୁଲି ଦେଖିଛନ୍ତି ବନ୍ଯପ୍ରାଣୀ ବିଭାଗର ପ୍ରଧାନ ମୁଖ୍ୟ ବନ ସଂରକ୍ଷକ ଶଶୀ ପଲ l ପ୍ରାୟ ୨ କୋଟି ୫୮ ଲକ୍ଷ ଟଙ୍କା ଅଟକଳ ବ୍ୟୟରେ ନିର୍ମାଣ ହେବାକୁ ଥିବା ଏହି ଇକୋ ପାର୍କର ବିଭିନ୍ନ କାମ ପ୍ରାୟ ସରିବାକୁ ଥିବା ବେଳେ ମାର୍ଚ୍ଚ ସୁଦ୍ଧା ଅବଶିଷ୍ଟ କାମ ସରିବାକୁ ପିସିସିଏଫ ଶଶୀ ପଲ ନିର୍ଦ୍ଦେଶ ଦେଇଛନ୍ତି l ଉକ୍ତ ପରିଦର୍ଶନ ସମୟରେ ପିସିସିଏଫଙ୍କ ସହ ପିସିଏଫ୍ ସତ୍ଯ ନାରାୟଣ ବେଉରା , ଆଞ୍ଚଳିକ ମୁଖ୍ୟ ବନ ସଂରକ୍ଷକ ପି.କେ.ମିଶ୍ର , ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ଦିଲ୍ଲୀପ ରାଉତ, ଏସିଏଫ୍ ପ୍ରଭାକର ନାୟକ ଓ ଶଙ୍କର୍ଷଣ ବେହେରା ପ୍ରମୁଖ ଉପସ୍ଥିତ ରହିଥିଲେ l ବର୍ତ୍ତମାନ ସୁଦ୍ଧା ୧ କୋଟି ୭୪ ଲକ୍ଷ ଟଙ୍କା ବ୍ୟୟ ହୋଇ ସାରିଥିବା ବେଳେ ଯୁଦ୍ଧକାଳୀନ ଭିତ୍ତିରେ ବାକି କାମ ସମ୍ପୂର୍ଣ୍ଣ ହେବ ବୋଲି ବୁଗୁଡ଼ା ବନାଞ୍ଚଳ ଅଧିକାରୀ ଫକୀର ଚରଣ ବେହେରା ସୂଚନା ଦେଇଛନ୍ତି l
