ବୁଗୁଡ଼ା : ତା ୦୨/୦୧/୨୨ : ବୁଗୁଡ଼ା ଥାନା ଅନ୍ତର୍ଗତ ବିରଞ୍ଚିପୁର ମାଣିତରା ରାସ୍ତାର ପଙ୍କଳସାହି କ୍ରସର ନିକଟରେ ଦୁର୍ଘଟଣା ଘଟି ବାପ ଓ ପୁଅ ଆହତ ହୋଇଛନ୍ତି l ଆହତମାନେ ହେଲେ ମକରାପଲ୍ଲୀ ଗ୍ରାମର କବି ନାୟକ(୫୫ ) ଓ ତାଙ୍କ ପୁଅ କୈଳାସ ନାୟକ(୨୫) l ଉଭୟେ ଏକ ଅପାଚି ବାଇକ ଯୋଗେ ବୁଗୁଡ଼ାରୁ ନିଜ ଗ୍ରାମକୁ ଫେରୁଥିବା ବେଳେ ଭାରସାମ୍ୟ ହରାଇ ଏକ କଲଭର୍ଟରେ ପିଟି ହୋଇ ଯାଇଥିଲେ l ଉଭୟଙ୍କୁ ବୁଗୁଡ଼ା ମେଡିକାଲରେ ଭର୍ତ୍ତି କରା ଯାଇଥିବା ବେଳେ କବିଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲ ସ୍ଥାନାନ୍ତର କରା ଯାଇଛି l
