ମୁମ୍ବାଇ: ବହୁଦିନର ପ୍ରତୀକ୍ଷା ପରେ ଭାରତୀ ତାଙ୍କ ପ୍ରଶଂସକମାନଙ୍କୁ ଖୁସି ଖବର ଦେଇଛନ୍ତି | ହର୍ଷ-ଭାରତୀଙ୍କ ଔରସରୁ ଆଜି ପୁତ୍ର ସନ୍ତାନ ଜନ୍ମ ହୋଇଛି | କମେଡି କୁଇନ୍ ଭାରତୀ ସିଂ ଏବଂ ହର୍ଷ ଲିମ୍ବାଚିୟା ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ସୂଚନା ଦେଇଛନ୍ତି ଯେ ସେମାନଙ୍କ ଘରେ ଏକ ପୁଅ ଜନ୍ମ ହୋଇଛି। ଆଉ ଏହା ଜଣାପଡିବା ପରେ ପ୍ରଶଂସକଙ୍କ ସହ ଅନେକ ସେଲିବ୍ରେଟି ଏହି ଦମ୍ପତ୍ତିଙ୍କୁ ଇନଷ୍ଟା ପୋଷ୍ଟରେ ଅଭିନନ୍ଦନ ଜଣାଇଛନ୍ତି |
ଭାରତୀ ସିଂ ଏବଂ ହର୍ଷ ଲିମ୍ବାଚିୟା ଇନଷ୍ଟାଗ୍ରାମରେ ଏକାଠି ଏକ ହାତରେ ଏକ ଡାଲା ଧରିଥିବାର ଫଟୋ ପୋଷ୍ଟ କରିଛନ୍ତି | ଏହି ଟୋକେଇରେ ଏକ ଶିଶୁ ଥିବା ପରି ଫଟୋ ସୁଟ୍ କରାଯାଇଛି | ଏହି ଫଟୋ ସହିତ ହର୍ଷ ଏବଂ ଭାରତୀ କ୍ୟାପସନରେ ଲେଖିଛନ୍ତି ଯେ ପୁଅଟିଏ ହୋଇଛି | ନିକଟରେ ଏଭଳି ଖବର ମଧ୍ୟ ଭାଇରାଲ ହୋଇଥିଲା ଯେ ଭାରତୀ ସିଂ ଏକ ଝିଅକୁ ଜନ୍ମ ଦେଇଛନ୍ତି | ଯାହାକୁ ପରେ ସୋସିଆଲ ମିଡିଆରେ ସିଧା ପ୍ରସାରଣ ଆସି ଭାରତୀ ଅସ୍ୱୀକାର କରିଥିଲେ । ସେ କହିଥିଲେ ଯେ ପୁଅ କିମ୍ବା ଝିଅ ଯାହା ବି ହେଉ ସେ ହିଁ ପ୍ରଶଂସକମାନଙ୍କୁ ପ୍ରଥମେ ସୂଚନା ଦେବେ। ଆହୁରି ବି କହିଛନ୍ତି କି, ‘ଆମ ପିଲା ଖୁବ୍ ମଜାଳିଆ ହେବ। କାହିଁକି ନା, ଆମେ ପତି-ପତ୍ନୀ ୨ ଜଣ ଯାକ ବେଶ୍ ମଜାଳିଆ’। ଆଉ ନିଜ ପ୍ରତିଶୃତି ମୁତାବକ ଭାରତୀ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ପୁଅଟିଏ ହୋଇଛି ବୋଲି ସୂଚନା ଦେଇଛନ୍ତି |
