Odisha news

ଅଜଣା ଗାଡ଼ି ଧକ୍କାରେ ସାଇକେଲ ଗୁରୁତର

0

ବେତନଟୀ/ବୈଶିଙ୍ଗା (ସ୍ଵପ୍ର)– ବୈଶିଙ୍ଗା -ମାଣତ୍ରୀ ରାସ୍ତାର ମୋହନପୁର ଠାରେ ସନ୍ଧ୍ୟା ୭ ଘଟିକା ସମୟରେ ଏକ ଅଜଣା ଗାଡି ଧକ୍କାରେ ଜଣେ ସାଇକେଲ ଆରୋହୀ ଗୁରୁତର ଥିବା ଜଣାଯାଇଛି । ଘଟଣାରୁ ପ୍ରକାଶ ବାଲେଶ୍ଵର ସଦର ଥାନା ଅନ୍ତର୍ଗତ କେଶପୁର ଗ୍ରାମର ମଦନ ମୋହନ ସ୍ୱାଇଁଙ୍କ ପୁଅ ବାବୁଲା ସ୍ଵାଇଁ (୪୫) ଏକ ସାଇକେଲ ଯୋଗେ ବୈଶିଙ୍ଗା ହାଟରୁ ମାଛ କିଣି ବନ୍ଧୁ ଘରକୁ ଯାଉଥିଲେ ବେଳେ ପଛ ପଟୁ ଏକ ଅଜଣା ଗାଡ଼ି ଧକ୍କା ଦେଇ ଘଟଣା ସ୍ଥଳରୁ ଚମ୍ପଟ ମାରିଥିଲା। ମୁମୂର୍ଷ ଅବସ୍ଥାରେ ପଡ଼ିରହିଥିବା ବେଳେ ବହୁ ଲୋକ ଯାତାୟାତ କରୁଥିଲେ ମଧ୍ୟ କେହି ସହଯୋଗ କରିନଥିଲେ। ମାତ୍ର ବୈଶିଙ୍ଗା ଥାନାର ହାବିଲଦାର ମାଣତ୍ରୀରୁ ଶିବରାତ୍ରୀ ମେଳା ଡ୍ୟୁଟି ସାରି ଫେରିବା ବାଟରେ ଉକ୍ତ ରକ୍ତ ଜୁଡୁବୁଡୁ ଅବସ୍ଥାରେ ପଡିରହିଥିବା ବାବୁଲାଙ୍କୁ  ବୈଶିଙ୍ଗା ଡାକ୍ତରଖାନା ଆଣିବାରେ ସହଯୋଗ କରିଥିଲେ। ବୈଶିଙ୍ଗା ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯିବା ପରେ ବାଲେଶ୍ଵର ବଡ ମେଡିକାଲକୁ ୧୦୮ ଯୋଗେ ସ୍ଥାନାନ୍ତର କରାଯାଇଥିବା ଜଣାଯାଇଛି।

Leave A Reply