ସ୍ୱଚ୍ଛତା ସ୍ୱତନ୍ତ୍ର ଅଭିଯାନ 5.0 : ଖୋର୍ଦ୍ଧା ରୋଡ୍ ରେଳମଣ୍ଡଳ ପକ୍ଷରୁ ‘ଅମୃତ ସମ୍ବାଦ’ ଆୟୋଜନ
ଜନସାଧାରଣଙ୍କ ଅଂଶଗ୍ରହଣ ଏକ ସ୍ୱଚ୍ଛ ଏବଂ ଦକ୍ଷ ରେଳ ବ୍ୟବସ୍ଥା ପାଇଁ ରେଳ ଏବଂ ଯାତ୍ରୀଙ୍କ ମଧ୍ୟରେ ଥିବା ସେତୁକୁ ମଜବୁତ କରୁଛି I
ଭୁବନେଶ୍ୱର(Suvendra Pattanaik) : ସ୍ଵଛ ଭାରତ ଅଭିଯାନ ଅନ୍ତର୍ଗତ ଚଳିତ ସ୍ୱତନ୍ତ୍ର ଅଭିଯାନ 5.0 ର ଏକ ଅଂଶ ଭାବରେ ପୂର୍ବତଟ ରେଳପଥ ଖୋର୍ଦ୍ଧା ରୋଡ୍ ରେଳମଣ୍ଡଳ 8 ଅକ୍ଟୋବର 2025 ସନ୍ଧ୍ୟାରେ ପୁରୀ ରେଳ ଷ୍ଟେସନରେ “ଅମୃତ ସମ୍ବାଦ” ଆୟୋଜନ କରିଥିଲା I ଏହି କାର୍ଯ୍ୟକ୍ରମର ଲକ୍ଷ୍ୟ ଥିଲା ରେଳ ଅଧିକାରୀ ଏବଂ ଯାତ୍ରୀଙ୍କ ମଧ୍ୟରେ ଅର୍ଥପୂର୍ଣ୍ଣ ପାରସ୍ପରିକ କ୍ରିୟାକୁ ପ୍ରୋତ୍ସାହିତ କରିବା, ସ୍ଵଛ ଓ ପରିସ୍କାର ପରିଚ୍ଛନ୍ନତା, ନିରାପତ୍ତା ଏବଂ ଯାତ୍ରୀ ସୁବିଧାର ଉନ୍ନତି ଉପରେ ଧ୍ୟାନ କେନ୍ଦ୍ରିତ କରିବା I
ଅମୃତ ସମ୍ବାଦ ସମୟରେ, ଯାତ୍ରୀମାନେ ଷ୍ଟେସନର ପରିଷ୍କାର ପରିଚ୍ଛନ୍ନତା ଏବଂ ସାମଗ୍ରିକ ରକ୍ଷଣାବେକ୍ଷଣକୁ ପ୍ରଶଂସା କରିଥିବାବେଳେ ଲୋକାଲ ଟ୍ରେନରେ ଶୌଚାଳୟର ନିୟମିତ ସଫା କରିବା ଏବଂ ଉତ୍ତମ ସୁଗମତା ପାଇଁ ସମସ୍ତ ପ୍ଲାଟଫର୍ମରେ ରାମ୍ପ ସଂଯୋଗ ପ୍ରଦାନ କରିବା ପାଇଁ ପରାମର୍ଶ ଦେଇଥିଲେ I ଅନେକ ଯାତ୍ରୀ ଦିବ୍ୟାଙ୍ଗଜନ ଏବଂ ବରିଷ୍ଠ ନାଗରିକଙ୍କ ପାଇଁ ମାଗଣା ପାର୍କିଂ, ସୂଚନା ବୁଥ୍ ଏବଂ ଫୁଟ୍ ଓଭର ବ୍ରିଜ୍ (FOB) ନିର୍ମାଣ ଭଳି ସୁବିଧା ପ୍ରଦାନ କରିବାକୁ ମଧ୍ୟ ପ୍ରସ୍ତାବ ଦେଇଥିଲେ I ରେଳ ଅଧିକାରୀମାନେ ଆଶ୍ୱାସନା ଦେଇଥିଲେ ଯେ ଯାତ୍ରୀମାନଙ୍କଠାରୁ ପ୍ରାପ୍ତ ସମସ୍ତ ଗଠନମୂଳକ ପରାମର୍ଶକୁ ପ୍ରାଥମିକତା ଦିଆଯିବ I
ରେଳବାଇ ଆଧୁନିକ ସୁବିଧା ଏବଂ ଯାତ୍ରୀ-କୈନ୍ଦ୍ରିକ ସେବା ସହିତ ରୂପାନ୍ତରିତ ହେଉଛି I ପୁରୀ ରେଳ ଷ୍ଟେସନରେ ବରିଷ୍ଠ ଅଧିକାରୀମାନଙ୍କ ଦ୍ୱାରା ଅମୃତ ସମ୍ବାଦ ଅଧୀନରେ ଯାତ୍ରୀମାନଙ୍କଠାରୁ ପରିଷ୍କାର ପରିଚ୍ଛନ୍ନତା, ଆରାମ ଏବଂ ନୂତନ ସୁବିଧା ସମ୍ପର୍କରେ ମତାମତ ସଂଗ୍ରହ କରାଯାଇଥିଲା I ଯାତ୍ରୀମାନେ ଉତ୍ସାହର ସହିତ ଉନ୍ନତ ଯାତ୍ରା ଅଭିଜ୍ଞତା ଏବଂ ଆଗାମୀ ଯାତ୍ରୀ ସୁବିଧା ସମ୍ପର୍କରେ ସେମାନଙ୍କର ମତାମତ ବଖାଣିଥିଲେ I
ସ୍ୱତନ୍ତ୍ର ଅଭିଯାନ 5.0 ର ଅଂଶ ଭାବରେ, ଅମୃତ ସମ୍ବାଦ ପଦକ୍ଷେପ ଅଧୀନରେ ଯାତ୍ରୀମାନଙ୍କ ସହିତ ଆଲୋଚନା କରାଯାଇଥିଲା ଯେଉଁଠାରେ ଯାତ୍ରୀମାନେ ବର୍ଦ୍ଧିତ ସୁବିଧା ଏବଂ ଭାରତୀୟ ରେଳର ଚାଲୁରହିଥିବା ପରିବର୍ତ୍ତନ ସମ୍ପର୍କରେ ସେମାନଙ୍କର ମତାମତ ଏବଂ ଆଶା ଓ ଆକାଂକ୍ଷା ବାଣ୍ଟିଥିଲେ ।
ଖୋର୍ଦ୍ଧା ରୋଡ୍ ରେଳମଣ୍ଡଳର ବିଭିନ୍ନ ଗୁରୁତ୍ୱପୂର୍ଣ୍ଣ ଷ୍ଟେସନରେ ମଧ୍ୟ ଏପରି ଅମୃତ ସମ୍ବାଦ କାର୍ଯ୍ୟକ୍ରମ ଆୟୋଜନ କରାଯିବ I ଖୋର୍ଦ୍ଧା ରୋଡ଼ ରେଳମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ, ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ ଏବଂ ଅନ୍ୟାନ୍ୟ ବରିଷ୍ଠ ଶାଖା ଅଧିକାରୀମାନଙ୍କ ସମେତ ଅନ୍ୟ ଅଧିକାରୀମାନେ ଷ୍ଟେସନ ପରିବେଶ ଏବଂ ସେବାକୁ ଉନ୍ନତ କରିବା ପାଇଁ ମତାମତ ଏବଂ ପରାମର୍ଶ ସଂଗ୍ରହ କରିବା ପାଇଁ ଯାତ୍ରୀମାନଙ୍କ ସହିତ ଆଲୋଚନା କରିବାର କାର୍ଯ୍ୟକ୍ରମ ରହିଛି I
ସ୍ୱତନ୍ତ୍ର ଅଭିଯାନ 5.0 ଅନ୍ତର୍ଗତ ଏହି ପଦକ୍ଷେପ ନିରନ୍ତର ସ୍ୱଚ୍ଛତା ଏବଂ ଲୋକାଭିମୁଖୀ ପଦକ୍ଷେପ ମାଧ୍ୟମରେ ରେଳ ପରିଚାଳନାରେ ଜନଭାଗୀଦାରୀ, ସ୍ୱଚ୍ଛତା ଏବଂ ଦକ୍ଷତାକୁ ପ୍ରୋତ୍ସାହିତ କରିବା ପାଇଁ ପୂର୍ବତଟ ରେଳପଥ ଖୋର୍ଦ୍ଧା ରୋଡ଼ ରେଳମଣ୍ଡଳର ନିରନ୍ତର ପ୍ରତିବଦ୍ଧତାକୁ ପ୍ରତିଫଳିତ କରୁଅଛି I
