Suvendra Pattanaik : ଉତ୍ତର ଓଡିଶା ରେ ଲଗାତାର ବର୍ଷା ପ୍ରଭାବ ରେ ବୈତରଣୀ ଓ ସୁବର୍ଣ୍ଣରେଖା ନଦୀ ରେ ଜଳ ସ୍ତର ବୃଦ୍ଧି ହେବାରେ ଲାଗିଛି, ଏହାକୁ ଆକ୍ଷି ଆଗରେ ରଖି ପ୍ରଶାସନ ତରଫ ରୁ ସମସ୍ତ ପଦକ୍ଷେପ ଗ୍ରହଣ କରାଯାଇଛି l ରାଜ୍ୟ ଜଳ ସଂସାଧନ ବିଭାଗ ଏବଂ ବନ୍ୟା ବିପତି ବିଭାଗ ପକ୍ଷରୁ ଏହା ଉପରେ କଡା ନଜର ରଖାଯାଇଛି l
ଯାଜପୁର , ଭଦ୍ରକ , ବାଲେଶ୍ୱର ର ଜିଲ୍ଲା ପାଳ ଙ୍କୁ ନିର୍ଦେଶ ଦିଆଯାଇଛି ଲୋକ ମାନଙ୍କୁ ସୁରକ୍ଷିତ ସ୍ଥାନକୁ ତୁରନ୍ତ ସ୍ଥାନନ୍ତର କରିବା ପାଇଁ, ଏବଂ ଲୋକ ମାନଙ୍କ ନିକଟରେ କିପରି ଖାଦ୍ୟ ପଦାର୍ଥ ସାମଗ୍ରୀ ସଠିକ ଭାବରେ ପହଁଚି ପାରିବ ସେଥିପ୍ରତି ଦୃଷ୍ଟି ଦେବା ପାଇଁ l
ମୁଖ୍ୟ ଯନ୍ତ୍ରୀ ଏବଂ ଜିଲ୍ଲା ପ୍ରଶାସନ କୁ କଡା ନିର୍ଦେଶ ଦିଆଯାଇଛି ବନ୍ୟା ପରିସ୍ଥିତି ଓ ନଦି ଗୁଡିକ ର ଜଳ ସ୍ତର ବୃଦ୍ଧି ଉପରେ ଦୃଷ୍ଟି ରଖିବା ପାଇଁ l ଭୁବନେଶ୍ୱର ରୁ ଦୁଇ ମୁଖ୍ୟ ଯନ୍ତ୍ରି ଙ୍କୁ ବନ୍ୟା ପରିସ୍ଥିତି ଅନୁଧ୍ୟାନ କରି ସୁବର୍ଣ୍ଣରେଖା ଓ ବୈତରଣୀ ନଦୀ ଜଳ ସ୍ତର ବୃଦ୍ଧି ଉପରେ ନଜର ରଖିବା ପାଇଁ ପଠା ଯାଇଛି l
୧. ଓଡ଼ିଶାର ମୟୂରଭଞ୍ଜ ଏବଂ କେନ୍ଦୁଝର ଜିଲ୍ଲାରେ ଅତ୍ୟଧିକ ବର୍ଷାହେତୁ ସୁବର୍ଣ୍ଣରେଖା, ଜଳକା ଏବଂ ବୈତରଣୀ ନଦୀରେ ଜଳସ୍ତର ବୃଦ୍ଧି ସଂପର୍କରେ ଜଳ ସଂପଦ ବିଭାଗ ତରଫରୁ ସୂଚନା ଦିଆଯାଇଛି ।
୨. ବୈତରଣୀ ନଦୀର ଆନନ୍ଦପୁର ଠାରେ ଜଳସ୍ତର ୩୯ . ୧୬ ମିଟରରେ ପ୍ରବାହିତ ହେଉଛି ଓ ଏହା କ୍ରମାଗତ ବୃଦ୍ଧି ପାଉଛି, ଏହାର ବିପଦ ସଂକେତ ସ୍ତର ୩୮. ୩୬ ମିଟର।ସେହିପରି, ଆଖୁଆପଦା ଠାରେ ଜଳସ୍ତର୧୮. ୮୮ମିଟର ରହିଛି ଓ ଏହା କ୍ରମାଗତ ବୃଦ୍ଧି ସ୍ଥିତିରେ ଅଛି। ଏହାର ବିପଦ ସଂକେତ ସ୍ତର୧୮. ୩୩ ମିଟର। କେନ୍ଦ୍ରୀୟ ଜଳ ଆୟୋଗ(ସିଡବ୍ଲୁସି)ର ଅନୁମାନ ଅନୁଯାୟୀ, ଏହି ସ୍ତର ଆଜି ରାତି୧୦ଟା ସୁଦ୍ଧା୧୯.୧୦ ମିଟର ପର୍ୟ୍ୟନ୍ତ ବୃଦ୍ଧି ପାଇପାରେ।
୩. ଜଳକା ନଦୀରେ ମଥାନୀଠାରେ ଜଳସ୍ତର ୭. ୧୩ ମିଟର ( ହ୍ରାସ ପାଉଥିବା ପରିଲକ୍ଷିତ ହେଉଛି), କିନ୍ତୁ ଏବେ ବିପଦ ସଂକେତ ଊର୍ଦ୍ଧ୍ୱରେ ପ୍ରବାହିତ ହେଉଛି।ଏଠାରେ ବିପଦ ସଂକେତ ସ୍ତର୬. ୫୦ମିଟର।
୪. ସୁବର୍ଣ୍ଣରେଖା ନଦୀର ଜାମଶୋଳା ଘାଟଠାରେ ଜଳସ୍ତର ୫୦ .୬ ୪ ମିଟର ରହିଛି ଓ ଏହା ବୃଦ୍ଧି ପାଉଥିବା ସ୍ଥିତିରେ ଅଛି।ଏହାର ବିପଦ ସଂକେତ ୪୯. ୧୬ ମିଟର।ସେହିପରି ରାଜ ଘାଟ ଠାରେ ଏହି ସ୍ତର ୭.୮୬ମିଟର ରହିଛି ଓ ଏହା ବୃଦ୍ଧି ପାଉଥିବା ଲକ୍ଷ୍ୟ କରାଯାଉଛି।ଏହାର, ବିପଦ ସଂକେତ ସ୍ତର୧୦. ୩୬ ମିଟର।ଏହି ପରିପ୍ରେକ୍ଷୀରେ ଆସନ୍ତା କାଲି ୨୭ତାରିଖ ସକାଳ୧୦.୦୦ଟାସୁଦ୍ଧା ସୁବର୍ଣ୍ଣରେଖା ନଦୀରେ ସର୍ବୋଚ୍ଚ ବନ୍ୟାଜଳ ପ୍ରବାହ ୧୧ . ୭ମିଟର ପର୍ୟ୍ୟନ୍ତ ବୃଦ୍ଧି ପାଇ ପରେ ବୋଲି ଆକଳନ କରାଯାଇଛି ।
୫. ଜଳ ସମ୍ପଦ ବିଭାଗର ରାଜ୍ୟ ବନ୍ୟା ନିୟନ୍ତ୍ରଣ କକ୍ଷ ଚବିଶ ଘଣ୍ଟିଆ(୨୪ଢ୭) କାର୍ୟ୍ୟରତ ଅଛି ଓ ସ୍ଥିତି ଉପରେ ନିକଟରୁ ନିରୀକ୍ଷଣ କରା ଯାଉଛି।
୬. ଯାଜପୁର, ଭଦ୍ରକ ଓ ବାଲେଶ୍ୱର ଜିଲ୍ଲାପାଳ ମାନଙ୍କୁ ଯେଉଁଠି ଆବଶ୍ୟକ,ସ୍ଥାନୀୟ ବନ୍ୟା ସ୍ଥିତିକୁ ଦେଖି ତଳିଆ ଅଞ୍ଚଳର ଲୋକ ମାନଙ୍କୁ ଶୀଘ୍ର ନିରାପଦ ଉଚ୍ଚସ୍ଥାନକୁ ସ୍ଥାନାନ୍ତରଣ ଓ ରିଲିଫ କାର୍ୟ୍ୟ ପରିଚାଳନା କରିବାକୁ ସତର୍କ କରା ଯାଇଛି।
୭. ମୁଖ୍ୟଯନ୍ତ୍ରୀ ତଥା ଅବବାହିକା ପରି ଚାଳକ (ଚିଫ୍ଇଞ୍ଜିନିୟର ତଥା ବେସିନ୍ମ୍ୟାନେଜର)- ସୁବର୍ଣ୍ଣରେଖା ଓ ବୁଢ଼ା ବଳଙ୍ଗ ବେସିନ୍), ମହାନଦୀ-ବ୍ରାହ୍ମଣୀ-ବୈତରଣୀ ସିଷ୍ଟମର ଚିଫ୍ଇ ଞ୍ଜିନିୟର ତଥା ବେସିନ ମ୍ୟାନେଜର , ମୁଖ୍ୟଯନ୍ତ୍ରୀ ଓ ବେସିନ ମ୍ୟାନେଜର ,ବୈତରଣୀ ବେସିନ୍ କ୍ଷେତ୍ର ସ୍ତରରେ ଜିଲ୍ଲା ପ୍ରଶାସନ ସହିତ ସମନ୍ୱୟ ରଖି ବନ୍ୟାସ୍ଥିତି ତଦାରଖ କରୁଛନ୍ତି।
୮. ସୁବର୍ଣ୍ଣରେଖା ଓ ବୈତରଣୀରେ ଜଳସ୍ତର ବୃଦ୍ଧି ପାଉଥିବାକୁ ଦୃଷ୍ଟିରେ ରଖି ଜଳ ସମ୍ପଦ ବିଭାଗର ଦୁଇ ଜଣସର୍ବୋଚ୍ଚ ଯନ୍ତ୍ରୀ ଭୁବନେଶ୍ୱରରୁ ସୁବର୍ଣ୍ଣରେଖା ବେସିନ୍ ଓ ବୈତରଣୀ ବେସିନକୁ ଯାଇଛନ୍ତି।ସେମାନେ ସଂପୃକ୍ତ ବେସିନ ଗୁଡିକରେ ବନ୍ୟା ପରିଚାଳନା କରୁଛନ୍ତି।
