ବହୁ ପୁରାତନ ଦେଶୀ ମଦ ରନ୍ଧା ଭାଟି ଉପରେ ବୈଶିଙ୍ଗା ପୁଲିସର ଅଚାନକ ଚଢଉ , ୧୦୦୦ କିଗ୍ରା ପୋଚ ନଷ୍ଟ କରିବା ସହିତ ମଦ ରନ୍ଧା ସାମଗ୍ରୀ ନଷ୍ଟ

ବୈଶିଙ୍ଗା–୧୨/୧–ବୈଶିଙ୍ଗା ଥାନା ଅଧୀନ ବାମଡ଼ା ଗ୍ରାମରେ ବର୍ଷ ବର୍ଷ ଧରି  ମହୁଲି ମଦ ପ୍ରସ୍ତୁତି କରାଯାଉଥିଲେ ମଧ୍ୟ ପୁଲିସ ନଜର ଆଢୁଆଳରେ ରହିଯାଇଥିଲା। ଏହି ମଦ  ରନ୍ଧାକୁ ନେଇ ଅବକାରୀ ବିଭାଗ ନିକଟରେ କିଛି ଗ୍ରାମବାସୀ ଅଭିଯୋଗ କରିଥିଲେ ମଧ୍ୟ ବିଭାଗୀୟ ଅଧିକାରୀ କିଛି ନ ଜାଣିଲା ଭଳି ଚୁପ ଚାପ ହୋଇ ବସି ରହିଥିଲେ । ବିଶ୍ଵସ୍ଥ ସୁତ୍ରରୁ ଖବର ପାଇ ବୈଶିଙ୍ଗା ଥାନାର ଭାରପ୍ରାପ୍ତ ଥାନା ଅଧିକାରୀ ପ୍ରଭାଂଶୁ ଶେଖର ମିଶ୍ର ଦଳବଳ ସହିତ ପହଞ୍ଚି ଆମ୍ବଗଡ଼ିଆ ପଞ୍ଚାୟତର ବାମଡ଼ା ଗ୍ରାମର ଶ୍ୟାମ ସିଂଙ୍କ ପୁଅ ଶିବ ଶଙ୍କର ସିଂ (୩୫)ଙ୍କ ପାଖରୁ ୬୦୦ କିଗ୍ରା ଓଜନର ପୋଚ ଏବଂ ସେହି ଗ୍ରାମ ର ଚୁନୁ ସିଂ ର ପୁଅ ଦିଲ୍ଲୀପ ସିଂ(୪୦) ଙ୍କ ଘରୁ ୪୦୦ କିଗ୍ରା ପୋଚ ଉଦ୍ଧାର କରି  ନଷ୍ଟ କରି ଦେଇଥିଲେ। ବାଡି ପଛ ପଟରେ ମାଟି ତଳୁ ୨୦ ରୁ ଉର୍ଦ୍ଧ୍ଵ ବ୍ୟାରେଲକୁ ବାହାର କରି ସେଥିରେ ଥିବା ସମସ୍ତ ପୋଚକୁ ବାହାର କରି ନଷ୍ଟ କରିଦେଇଥିବା ବେଳେ ଦୁଇ ଅଭିଯୁକ୍ତ ଦୌଡି ପଳାଇ ଯିବାକୁ ସକ୍ଷମ ହୋଇଥିଲେ। ଏନେଇ ବୈଶିଙ୍ଗା ପୁଲିସ ୧୨ /୨୦୨୨ ଏବଂ ୧୩ / ୨୦୨୨ ଦୁଇଟି ପୃଥକ ମାମଲା ରୁଜୁ କରିଥିବା ଜଣାଯାଇଛି।