ବଡଚଣା: ସମିତିସଭ୍ୟଙ୍କ ଅଗ୍ୟାନ୍ତବାସକୁ ୫ ଦିନ ପୁରିଲା,ତଥାପି ଅଙ୍କ ଓଲଟ ପାଲଟ,ବିଶ୍ୱାସକୁ ଆସୁନାହାନ୍ତି ୬ଜଣ ସମିତି ସଭ୍ୟ

ଚଣ୍ଡିଖୋଲ : ଯାଜପୁର ଜିଲ୍ଲାର ସବୁଠାରୁ ସମ୍ବେଦନଶୀଳ ବଡଚଣା ବ୍ଳକରେ ତ୍ରିସ୍ଥରୀୟ ପଞ୍ଚାୟତ ନିର୍ବାଚନ ପରେ ଏବେ ପଞ୍ଚାୟତ ସମିତି କିଏ ଗଠନ କରିବ ତାକୁନେଇ ରାଜନୈତିକ ମହଲରେ ବେସ ଆଲୋଚନାର ବିଷୟ ହୋଇଛି ! ବିଧାୟକଙ୍କ ନେତୃତ୍ୱରେ ଏଠାରେ ଅଧିକ ସଖ୍ୟକ ସମିତିସଭ୍ୟ ନିର୍ବାଚିତ ହୋଇଥିଲେ ମଧ୍ୟ ପଞ୍ଚାୟତ ସମିତି ଗଠନ ପାଇଁ ତାହା ମେଜିକଅଙ୍କ ଛୁଇଁ ପାରିନାହିଁ! ୪୩ ପଞ୍ଚାୟତ ବିଶିଷ୍ଟ ଏହି ବ୍ଳକରେ ବିଧାୟକଙ୍କ ସମର୍ଥୀତ ୧୯ଜଣ,ବିଜେପି ସମର୍ଥୀତ ୧୬ଜଣ,ବିଧାୟକଙ୍କ ବିରୋଧି ବିଜେଡିର ୬ଜଣ ଓ ୩ଜଣ ସ୍ୱାଧିନଭାବେ ସମିତିସଭ୍ୟ ନିର୍ବାଚିତ ହୋଇଥିବା ପରଷ୍ପର ନେତୃବୃନ୍ଦ ଦାବିକରି ଆସୁଛନ୍ତି! ହେଲେ ପଞ୍ଚାୟତ ସମିତି ଗଠନ ପାଇଁ ଏବେସୁଧା ମେଜିକ ଅଙ୍କ ୨୨ଜଣ ସଭ୍ୟଙ୍କ ସମର୍ଥନ କାହାରି ପାଖରେ ନାହିଁ! ଫଳରେ ତାକୁନେଇ ଗୋଳମାଳିଆ ସ୍ଥିତି ସୃଷ୍ଟି ହୋଇଛି ! ନିଜ ସମର୍ଥନରେ ସର୍ବାଧିକ ସମିତିସଭ୍ୟ ନିର୍ବାଚିତ ହୋଇଥିବାରୁ ବିଧାୟକ ତଥା ଶାସକଦଳ ପାଇଁ ଏବେ ପଞ୍ଚାୟତ ସମିତି ଗଠନ ଗୋଟିଏ ପଟେ ସମ୍ମାନର ପ୍ରଶ୍ନ ହୋଇଥିଲା ବେଳେ ଅପରପଟେ ତାହା ଦଳ ପାଇଁ ଚାଲେଞ୍ଜ ହୋଇଛି! ଯାହାକୁ ନେଇ ସମଗ୍ର ବଡଚଣାରେ କାହା ସମର୍ଥନରେ ଏବେ କିଏ ପଞ୍ଚାୟତ ସମିତି ଅଧ୍ୟକ୍ଷ ଭାବେ ନିର୍ବାଚିତ ହେବ ତାକୁନେଇ ରାଜନୈତିକ ଅବଗଣନା ଓ ଛକାପନ୍ଝା ଲାଗିରହିଛି !

ଏପରି ସ୍ଥିତିକୁ ଦୃଷ୍ଟିରେରଖି ଗତ ୫ ଦିନହେବ ସଦ୍ୟ ନିର୍ବାଚିତ ସମିତିସଭ୍ୟ ମାନଙ୍କୁ ଶାସକ, ବିରୋଧୀ ଓ ସ୍ୱାଧିନ ପ୍ରାର୍ଥୀଙ୍କ ନେତୃବୃନ୍ଦମାନେ ଅଗ୍ୟାନ୍ତ ବାସକୁ ନେଇ ଗୁପ୍ତ ସ୍ଥାନରେ ରଖି ନିଜ ସପକ୍ଷରେ ବିରୋଧୀ ଶିବିରରୁ ଅଙ୍କ ଯୋଗାଡରେ କଳବଳ ଖଟାଇଥିଲା ବେଳେ ଏବେ କିନ୍ତୁ ନିଜ ମୁଣିର ହିସାବ ଏପଟ ସେପଟ ହେବାରେ ଲାଗିଛି ! ଯିଏ ଯେତେ ହିସାବ କଲେବି ଦୈନିକ ମୂଳ ହିସାବରୁ ସଖ୍ୟା କମହୋଇ ଚାଲୁଥିବାରୁ ନେତାଙ୍କ ଅକଲ ଗୁଡୁମ ହୋଇଛି ! ଅଗ୍ୟାନ୍ତ ବାସରେ ଥିବା କେଉଁ ସଭ୍ୟ ଦିନରେ ୟା’ ଶିବିରରେ ଖାଉଥିଲାବେଳେ ରାତିରେ ତା’ ଶିବିରରେ ଯାଇ ଶୋଉଥିବା ଆଲୋଚନା ହେଉଛି !

ଫଳରେ ଏବେ ସମସ୍ତ ନେତା ଓ ସଭ୍ୟଙ୍କୁ ଅବିଶ୍ୱାସର ଭୂତ ଘାରିଥିବା ଚର୍ଚ୍ଚା ହେଉଛି! ଅପରପକ୍ଷରେ ବିଧାୟକଙ୍କ ମନୋନୀତ ଅଧ୍ୟକ୍ଷା ପ୍ରାର୍ଥୀଙ୍କୁ ନିର୍ବାଚନ ମଣ୍ଡଳୀର କେତେକ ଆଗଧାଡିର ତଥା ଦଳୀୟ ପଦ ପଦବୀରେ ଥିବା ନେତା ଭିତରେ ଭିତରେ ତିବ୍ର ବିରୋଧ କରୁଥିବା ଆଲୋଚନା ହେଉଛି! ଏଥିସହ ଏଠାରେ ପୂର୍ବ ଓ ପଶ୍ଚିମ ବଡଚଣା ବିଭେଦ ସୃଷ୍ଟି କରି କେତେକ ନେତା ସେଥିରୁ ନିଜ ଫାଇଦା ହାସଲ ଉଦ୍ୟମରେ ଥିବାବେଳେ ସେଥିରେ ପ୍ରାୟ ୬/୭ଜଣ ସମିତିସଭ୍ୟଙ୍କୁ ମୋହରା ବନାଇ ନିଜେ ଆର୍ଥିକ ଫାଇଦା ହାସଲ ପାଇଁ ଯୋଜନା କରିଥିବା ଆଲୋଚନା ହେଉଛି!ଫଳରେ ସେମାନଙ୍କ ସମ୍ପର୍କରେ ଥିବା ଏହି ୬/୭ ଜଣ ସଭ୍ୟ କାହାରି ବିଶ୍ୱାସକୁ ଆସୁନଥିଲା ବେଳେ ସେମାନଙ୍କ ଉପରେ ସମସ୍ତଙ୍କ ନଜର ରହିଛି! ଏପରି ସ୍ଥିତିରେ ଦ୍ୱିତୀୟ ବୃହତ୍ତମ ଅଙ୍କ ହାସଲ କରିଥିବା ବିଜେପି ସମର୍ଥୀତ ସଭ୍ୟ ମାନଙ୍କୁ ଏକାଠି କରିଇ ନଦେବାକୁ ସେହି ଦଳର କେତେକ ସ୍ଥାନୀୟ ଦଳୀୟ ନେତା ଆନ୍ତର୍ଘାତି କାର୍ଯ୍ୟରେ ଲିପ୍ତ ରହିବାସହ ନିୟମିତ ପ୍ରତିପକ୍ଷ ନେତାଙ୍କ ସହ ସମ୍ପର୍କରଖି ମୂଲଚାଲରେ ଲାଗିପଡିଥିବା ଆଲୋଚନା ହେଉଛି !ଯଦି ଏପରି ସ୍ଥିତି ଲାଗିରହେ ତେବେ ଏଠାରେ ପଞ୍ଚାୟତ ସମିତି କିଏ ଗଠନ କରିବ ଓ କିଏ ଅଧ୍ୟକ୍ଷ ହେବ ତାହା ଆଗରୁ କହିବା ମୁଶ୍କିଲ ! ତେବେ ଘୋଡାବେପାର ହିଁ ଏକମାତ୍ର ମାଧ୍ୟମ ହେବ ବୋଲି ଚର୍ଚ୍ଚା ହେଉଛି!