ଆନନ୍ଦପୁର : କେନ୍ଦୁଝର ଜିଲ୍ଲାର ବରିଷ୍ଠ କୃଷକ ନେତା ତଥା ଜିଲ୍ଲା କୃଷକ କଂଗ୍ରେସର ସଭାପତି ଶେଖ୍ ମୋବିନ ଦଳ ଛାଡ଼ି ଗତକାଲି ବିଜେଡି ରେ ଯୋଗଦେଇଛନ୍ତି। ଫଳରେ ଏହା ତାଙ୍କର ଘର ବାହୁଡ଼ା ବୋଲି ଆଲୋଚନା ହେଉଛି। ସୂଚନାଯୋଗ୍ୟ, ତାଙ୍କ ପୁଅ ଶେଖ ଇମରାନ୍ ବିଜେଡିରେ ମିଶିବା ସହ ଯୁବ ବିଜେଡି ଜିଲ୍ଲା ଉପସଭାପତି ଅଛନ୍ତି। ସେ ଯୁବ ବିଜେଡିର ନେତୃତ୍ୱ ନେଇଆସୁଥିବା ବେଳେ ତାଙ୍କ ବାପା ଶେଖ୍ ମୋବିନ କଂଗ୍ରେସ ଦଳରେ ଥିଲେ ମଧ୍ୟ ତାଙ୍କୁ ଦଳ ତରଫରୁ ଅଣଦେଖା କରାଯାଉଥିଲା। ଅନ୍ୟପକ୍ଷରେ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ସେ ସ୍ବାଧୀନଭାବେ ୯ ନମ୍ବର ଜିଲ୍ଲାପରିଷଦ ପ୍ରାର୍ଥୀ ଓ ମୁକ୍ତାପୁର ସମିତି ସଭ୍ୟ ପାଇଁ ନାମାଙ୍କନପତ୍ର ଦାଖଲ କରି ନିର୍ବାଚନ ମଇଦାନକୁ ଓହ୍ଲାଇଥିଲେ। ତାଙ୍କୁ ପରିବାର ତରଫରୁ ଚାପ ପକାଯାଇ ପ୍ରାର୍ଥୀପାତ୍ର ପ୍ରତ୍ୟାହାର କରାଯାଇଥିଲା। ଗତକାଲି ଭୂବନେଶ୍ଵର ପାଂଟି ଅଫିସ୍ରରେ ତାଙ୍କୁ ବିଜେଡି ଦଳରେ ସାମିଲ କରାଯାଇଛି ବାପ ଓ ପୁଅ ବିଜେଡି ଦଳରେ ରହି ଦଳ ପାଇଁ କାମ କରିବେ ବୋଲି କହିଛନ୍ତି। ଉକ୍ତ ମିଶ୍ରଣ ପର୍ବରେ ବିଜେଡି ଦଳର ସାଂଗଠନିକ ସଂପାଦକ ତଥା କେନ୍ଦୁଝର ଜିଲ୍ଲା ପ୍ରଭାରୀ ପ୍ରଣବ ପ୍ରକାଶ ଦାସ, ଘଷିପୁରା ନିର୍ବାଚନ ମଣ୍ଡଳୀର ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରଫେସର ବଦ୍ରିନାରାୟଣ ପାତ୍ର, ଜିଲ୍ଲା ଯୁବ ବିଜେଡି ସଭାପତି ରାକେଶ କୁମାର ରାମ, ଉପସଭାପତି ଏକ କେ ଇମରାନ ପ୍ରମୁଖ ଉପସ୍ଥିତ ଥିଲେ।
