ବୁଗୁଡ଼ା : ତା ୨୫/୦୩/୨୨ : ବୁଗୁଡ଼ା ଥାନା ଅନ୍ତର୍ଗତ ବିରଞ୍ଚିପୁର ଗ୍ରାମରେ ବାଇକ ଧକ୍କାରେ ଜନୈକ ନାଟ ମ୍ୟାନେଜର ଗୁରୁତର ଆହତ ହୋଇଛନ୍ତି l ଆହତ ମ୍ୟାନେଜର ଜଣକ ହେଲେ ଆସ୍କା ଥାନା ପଢାଳ ଜୟପୁର ଗ୍ରାମର ମହାଭାରତ ନାଟ ମ୍ୟାନେଜର ଶଙ୍କର ପାତ୍ର l ଆଜି ବିରଞ୍ଚିପୁର ଗ୍ରାମରେ ନାଟ ହେଉ ଥିବାରୁ ଜୟପୁର ଗ୍ରାମର ମହାଭାରତ ନାଟ ପାର୍ଟି ଆସିଥିଲେ l
ଆଜି ସନ୍ଧ୍ୟା ପ୍ରାୟ ସାଢେ ୮ଟାରେ ମ୍ୟାନେଜର ଶଙ୍କର ଗ୍ରାମ ନିକଟ ପୋଖରୀରେ ଶୌଚ ହୋଇ ଫେରୁଥିବା ବେଳେ ଗୋଟିଏ ବାଇକରେ ୩ ଯୁବକ ପ୍ରବଳ ମଦ୍ୟପାନ କରି ବୁଗୁଡ଼ାରୁ ବିରଞ୍ଚିପୁରକୁ ଦ୍ରୁତ ଗତିରେ ଯାଉଥିବା ବେଳେ ଶଙ୍କରଙ୍କୁ ପଛ ପଟୁ ଧକ୍କା ଦେବା ଫଳରେ ଶଙ୍କରଙ୍କ ଡାହାଣ ଗୋଡ଼ ଭାଙ୍ଗି ଯିବା ସହ ମୁଣ୍ଡରେ ଆଘାତ ଲାଗିଥିଲା l ବାଇକ ମଝିରେ ବସିଥିବା ଜଗନ୍ନାଥପ୍ରସାଦ ଥାନା ଅନ୍ତର୍ଗତ ପଟ୍ଟାଧର ଗ୍ରାମର କେଶବ ନାୟକ ଆହତ ହୋଇଥିବା ବେଳେ ଅନ୍ୟ ୨ ଜଣ ଦୁର୍ଘଟଣା ସ୍ଥଳରୁ ଫେରାର ହୋଇଯାଇଥିଲେ l
ଖବର ପାଇ ବୁଗୁଡ଼ା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ବୁଗୁଡ଼ା ମେଡିକାଲରେ ଭର୍ତ୍ତି କରିଥିଲେ l ପୋଲିସ ଘଟଣା ସ୍ଥଳରେ ପହଞ୍ଚି ବାଇକ( ନଂ-ଓଡି୩୨ଏଫ୍ ୨୨୭୪)) ଜବତ କରିବା ସହ କେଶବକୁ ଅଟକ ରଖିଥିବା ଜଣାପଡିଛି l
