ବେତନଟୀ : ବୈଶିଙ୍ଗା ଥାନା ଅଧିନ ୧୮ନଂ ଜାତୀୟ ରାଜପଥର ଗଜଗତିଆ ଛକ ନିକଟରେ ଆଜି ପୂର୍ବାହ୍ନରେ ଏକ ଯାତ୍ରା ପାଟି ଟ୍ରକ ଧକ୍କାରେ ଜଣେ ସାଇକେଲ ଆରୋହୀ ର ମୃତ୍ୟୁ ହୋଇ ଯାଇଥିବା ଜଣା ଯାଇଛି। ଘଟଣାରୁ ପ୍ରକାଶ ବଡ଼ସାହି ଥାନା ଅନ୍ତର୍ଗତ ଘୁଷୁରିଆ ଗ୍ରାମ ର ରତିକାନ୍ତ ନାଥଙ୍କ ପୁତ୍ର ରାମଚନ୍ଦ୍ରନାଥ (୩୮) ଏକ ସାଇକେଲ ଯୋଗେ ନିଜ ଶଶୁର ଘର ରୁପସା କୁ ଯାଉଥିବା ସମୟରେ ୧୮ନଂ ଜାତୀୟ ରାଜପଥ ର ଗଡଗଡିଆ ଠାରେ ଅମୃତ ମହଲ ନାମକ ଯାତ୍ରା ପାଟିର ନଂ ଓଆର. o୧C.୬୫୯୫ ଟ୍ରକଟି ପଛ ପଟୁ ଧକ୍କା ଦେଇ ମୃତକ ର ଉପରେ ଓଲଟି ପଡିଥିଲା। ସଙ୍ଗେ ବୈଶିଙ୍ଗା ପୁଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କରିଥିଲେ ମଧ୍ୟ ରାମଚନ୍ଦ୍ରର ମୃତ୍ୟୁ ହୋଇ ଯାଇଥିଲା, ଟ୍ରକ୍ ରେ ଥିବା ଯାତ୍ରା ପାର୍ଟିର ଅନ୍ୟ ପାଞ୍ଚଜଣଙ୍କୁ ବେତନଟୀ ଡାକ୍ତରଖାନା ନେଇ ଚିକିତ୍ସା କରାଇଥିଲେ।ସେ ପାଞ୍ଚଜଣ ହେଲେ ଗୋପୀ କୃଷ୍ଣ ମଣ୍ଡଳ, ତପନ ସାମନ୍ତରାୟ, ବିଶ୍ଵଜିତ୍ ଦାସ, ଶିବ ସୁନ୍ଦର ଜେନା, ଓ ରାଉତ ପୂର୍ତ୍ତି ବୋଲି ଜଣାଯାଇଛି। ବୈଶିଙ୍ଗା ଫୁଲିସ ଏକ ମାମଲା ରୁଜୁ କରିବା ସହିତ ମୃତଶରୀରକୁ ବ୍ୟବଚ୍ଛେଦ ପାଇଁ ପଠାଯାଇଥିବା ଜଣାଯାଇଛି।
