ମୟୂରଭଞ୍ଜ : ମୟୂରଭଞ୍ଜ ଜିଲ୍ଲା ଯଶିପୁର ଥାନା ଅନ୍ତର୍ଗତ ଜାଉଁରିପୋଷି ଠାରେ ଗତ କାଲି ୨ ତାରିଖ ଦିନ ଜିକେଏସ୍ କ୍ଲବ ପକ୍ଷରୁ ଫୁଟବଲ ଟୁର୍ଣ୍ଣାମେଣ୍ଟ୍ ଚାଲିଥିବା ବେଳେ , ଅନ୍ୟ ଏକ ପାର୍ଶ୍ବ ରେ କେତେକ ଲୋକ ଭିଡ ଜମାଇ ଜୁଆ ଖେଳ କରୁଥିବା ଜଣାପଡିଥିଲା । ଏ ସଂପର୍କରେ ଖବର ପାଇ ଯଶିପୁର ଥାନା ର ଆଇ,ଆଇ,ସି, ରଂଜନ କୁମାର ସେଠୀ ସଦଳବଳେ ସେଠାରେ ପହଞ୍ଚି ଜୁଆ ଆଡ୍ଡା ଉପରେ ଚଢାଉ କରିଥିଲେ । ଏହି ସମୟରେ ୫୦ ରୁ ଅଧିକ ଲୋକ ଅତର୍କିତ ଭାବେ ପୋଲିସ ଉପରକୁ ପଥର ମାଡ କରିଥିଲେ ।
ଫଳରେ ସେଠାକୁ ଯାଇଥିବା ସମସ୍ତ ପୋଲିସ୍ କର୍ମଚାରୀ ଖଣ୍ଡିଆ ଖାବରା ହୋଇଥିଲେ । ଏହି ଘଟଣାରେ ସମ୍ପୃକ୍ତ ୪ଜଣ ଙ୍କୁ ସଙ୍ଗେ ସଙ୍ଗେ ପୋଲିସ କାବୁ କରିନେଇଥିବା ବେଳେ ଶୁକ୍ରବାର ରାତି ଅନ୍ୟ ୫ ଜଣ ଙ୍କୁ ଗିରଫ କରିଥିଲା । ଜୁଆ ଆଡ୍ଡା ସ୍ଥଳ ରୁ ଜୁଆଖେଳ ସାମଗ୍ରୀ, ୨ ହଜାର ଟଙ୍କା ଓ ୩ ଟି ମୋବାଇଲ୍ କୁ ପୋଲିସ୍ ଜବତ କରିଛି ଏହି ଘଟଣା କୁ ନେଇ ଯଶିପୁର ଥାନା କେଶ୍ ନମ୍ବର ୧୩୪/୨୦୨୦ ରେ ମକଦ୍ଦମା ରୁଜୁ କରି ସମସ୍ତ ଅଭିଯୁକ୍ତ ଓ ପୋଲିସ୍ କର୍ମଚାରୀ ଙ୍କ ର ଯଶିପୁର ଡାକ୍ତରଖାନାରେ ଡାକ୍ତରୀ ପରୀକ୍ଷା କରାଯାଇଛି । ଏହି ଘଟଣା ରେ ଏସ୍ ଆଇ ପାର୍ବତୀ ମଲ୍ଲିକ ତଦନ୍ତ ଜାରି ରଖିଛନ୍ତି । ଗିରଫ ୯ ଜଣ ଙ୍କୁ ପୋଲିସ୍ ଆଜି କୋୖର୍ଟ ଚାଲାଣ କରିଥିବା ଜଣାପଡିଛି
