ଧର୍ମଶାଳା : ସୁଦୁର ସୁରତରରେ ଏକ ସଡକ ଦୁର୍ଘଟଣାରେ ନିଜର ଦୁଇ ଗୋଡ ହରାଇଥିବା ଧର୍ମଶାଳା ବ୍ଲକ କୁମାରୀ ଗ୍ରାମର ଯୁବକର ପରିବାରକୁ ପ୍ରଶାସନ ପକ୍ଷରୁ ଆର୍ଥିକ ସହାୟତା ପ୍ରଦାନ କରାଯାଇଛି । କୁମାରୀ ଗ୍ରାମର ସୁଦର୍ଶନ ଗୁଇଁଙ୍କ ପଡପୁଅ ସୁଦର୍ଶନ ଗୁଇଁ(୩୦) ନିଜ ପରିବାର ପ୍ରତିପୋଷଣ ପାଇଁ ଦେଡ ବର୍ଷ ହେଲା ଗୁଜୁରାଟ ରାଜ୍ୟର ସୁରତ ସହରକୁ ଯାଇ ସେଠାରେଏକ ଲୁଗା କଳରେ କାମ କରୁଥିଲେ । ମହାମାରୀ କରୋନାରେ ଦେଶ ବ୍ୟାପି ଲକ ଡାଉନ ଆରମଯବହୋଇଥିବା ବେଳେ ସେ ଘରକୁ ନଆସି ସେଠାରେ ରହିଯାଇଥିଲେ । ପରବର୍ତି ସମୟରେ ଲୁଗାକଳରେ କାମ ଆରମ୍ଭ ହେବା ପରେ ସେ ନିଜ କାମରେ ଯୋଗ ଦେଇଥିଲେ ।
ପ୍ରତ୍ୟେକ ଦିନ ପରି ଗତ ୨୮ ତାରିଖରେ ସେ କାମ ସାରି ନିଜ ବସାକୁ ଫେରୁଥିବା ବେଳେ ଏକ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ଫଳରେ ସେ ଗୁରୁତର ଅବସ୍ତାରେ ସେଠାରେ ପଡିରହିଥିଲେ । ସ୍ଥାନୀୟ ଲୋକମାନେ ତାଙ୍କୁ ନେଇ ଡାକ୍ତରଖାନାରେ ଭର୍ତି କରିଥିଲେ । ଏହି ଦୁର୍ଘଟଣାରେ ତାଙ୍କ ୨ଟି ଗୋଡରେ ଗଭିର ଆଘାତ ଲାଗିଥିବାରୁ ଡାକ୍ତର ବାଦୟ ହୋଇ ୨ଟି ଗୋଡକୁ କାଟି ଦେଇଥିଲେ । ନିଜର ଗୋଡ ଦୁଇଟି ହରାଇ ସେଠାରେ ଅସହାୟ ଅବସ୍ଥାରେ ରହିଥିବା ବେଳେ ଘରକୁ ଫେରିବା ଲାଗି ନିଜ ବାପା ଓ ମାଙ୍କୁ ଫୋନ ଯୋଗେ କହିଛନ୍ତି । ହେଲେ ତାର ପରିବାର ଗରିବ ଶ୍ରେଣୀର ହୋଇତôବାରୁ ସୁଦୁର ସୁରାତରୁ ପୁଅକୁ ଘରକୁ ଆଣିବାକୁ ସକ୍ଷମ ହୋଇପାରୁ ନାହାନ୍ତି ।
ଏହି ଦୁର୍ଘଟଣା ଜୁନ ମାସ ୨୮ତାରିଖ ରାତିରେ ଘଟିଥିଲା । କିନ୍ତୁ ପରିବାର ଲୋକେ ପୁଅର ଦୁର୍ଘଟଣା ଖବର ବହୁ ବିଳମ୍ବରେ ପାଇଥିଲେ । ବିଭିନ୍ନ ଗଣାମାଧ୍ୟମରେ ଏହି ଖବର ପ୍ରଶାରଣ ହେବା ପରେ ଜିଲ୍ଲାପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଥିଲା । ଏହି ପରିବାରକୁ ସହାୟତା କରିବା ଲାଗି ଆଜି ଯାଜପୁର ଏଡିଏମ ଅକ୍ଷୟ କୁମାର ମଲିକ, ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳ ଓ ଧର୍ମଶାଳା ତହସିଲଦାର ସରୋଜ କୁମାର ପଣ୍ଡା କୁମାରୀ ସ୍ଥିତ ତାଙ୍କ ଘରେ ପହଁଚି ସମବେଦନ ଜଣାଇବା ସହିତ ଜିଲ୍ଲା ରେଡକ୍ରସ ପାଂଠିରୁ ୧୦ ହଜାର ଟଙ୍କା ପ୍ରଦାନ କରିଛନ୍ତି । ସେହିପରି ସୁରତରୁ ସୁଦର୍ଶନକୁ କିଭଳି ସୁରତରୁ ଫେରାଇ ଅଣାଯାଇ ପାରିବ ସେଥିଲାଗି ବ୍ୟବସ୍ଥା କରାଯିବ ବୋଲି ଏଡିଏମ ଶ୍ରୀ ମଲିକ କହିଛନ୍ତି ।
