ବେତନଟୀ : ଗତକାଲି ରାତ୍ରୀରେ ବେତନଟୀ ପୋଲିସକୁ ଏକ ବଡ ସଫଳତା ମିଳିଛି । ବେତନଟୀ ଏସଡିପିଓ ଲଳିତ କୁମାର ପଟ୍ଟନାୟକଙ୍କ ଅଧ୍ୟକ୍ଷତାରେ ବେତନଟୀ ଥାନା ଆଇଆଇସି ଅଶୋକ କୁମାର ନାୟକ, ଏସଆଇ ବିନୟ ରଞ୍ଜନ ପରିଡା, ଏସଆଇ ବିପି ନନ୍ଦ, ଏସଆଇ ଲକ୍ଷ୍ମୀ ମାଝୀ, କୃଷ୍ଣଚନ୍ଦ୍ରପୁର ଫାଣ୍ଡି ଅଧିକାରୀ ଚନ୍ଦ୍ରକାନ୍ତ ରଣଜିତ ଓ ପୋଲିସ କର୍ମଚାରୀ ମାନେ ନୟାପୁରୋସ୍ତମ ପୁରରେ ଚଢ଼ାଉ କରି ଥିଲେ । ଏହି ଚଢ଼ାଉରେ ସ୍ୱର୍ଗତଃ କାହ୍ନୁ ମାରାଣ୍ଡିଙ୍କ ପୁଅ ଧର ମାରାଣ୍ଡି (୬୦)କୁ ଗିରଫ କରା ଯାଇଛି ।
ଏହି ବ୍ୟକ୍ତିଙ୍କ ନିକଟରୁ ୧୯ଟି ମୋଟର ଟ୍ୟୁବ ଓ ତିନୋଟି ପ୍ଲାଷ୍ଟିକ କଣ୍ଟେନରରେ ୨୦୦୦ ଲିଟର ଦେଶୀ ମଦ ଜବତ କରା ଯାଇଛି । କୃଷ୍ଣଚନ୍ଦ୍ରପୁର ଫାଣ୍ଡି ଅଧିକାରୀ ଚନ୍ଦ୍ରକାନ୍ତ ରଣଜିତଙ୍କ ଲିଖିତ ଅଭିଯୋଗ ମୂଳେ ବେତନଟୀ ଥାନାରେ ଦଫା ୨୬୯, ୨୭୨, ୨୭୩, ୩୪ ଭାରତୀୟ ପିଙ୍ଗଳ କୋର୍ଡ, ୫୨(କ) ଓଡିଶା ଅବକାରୀ ଆଇନ ମୂଳେ ମାମଲା ନମ୍ବର ୧୬୪/୨୦୨୦ ରୁଜୁ ହୋଇ ଏସଆଇ ବିପି ନନ୍ଦ ତଦନ୍ତ କରୁଛନ୍ତି ।
