Odisha news

ନିର୍ମାଣଧୀନ ପୋଲରେ ତାଳିପକା କାମ, ସ୍ଥାୟୀତ୍ୱ ଉପରେ ପ୍ରଶ୍ନ

0

ଚଣ୍ଡିଖୋଲ : ଧର୍ମଶାଳା ବ୍ଲକ ରାଇଛନ୍ଦା ପଂଚାୟତ ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥର ଠାରୁ ଭାୟା କନ୍ତପଡା ଦେଇ ତୋଟାସାହି ପର୍ଯ୍ୟନ୍ତ ଯାଇଥିବା ଗ୍ରାମ୍ୟ ଉନ୍ନୟନ ରାସ୍ତାର ଗଙ୍ଗୁଆ ନାଳ ଉପରେ ସଂପ୍ରତି ଏକ ପୋଲ ନିର୍ମାଣ ହୋଇଛି । ଏହି ନିର୍ମାଣ ବେଳେ ଜଏଣ୍ଟ ସ୍ଥାନରେ କଂକ୍ରିଟରେ ଫାଟ ସୃଷ୍ଟି ହୋଇଥିବା ନେଇ ସମ୍ବାଦରେ ଖବର ପ୍ରକାଶନ ପରେ ଠିକାଦାରଙ୍କ ପକ୍ଷରୁ ସିମେଂଟ ପ୍ଲାଷ୍ଟର କରାଯାଇ ଏହାକୁ ଲୁଚାଇବାକୁ ଚେଷ୍ଟା କରାଯାଇଥିବାର ଦେଖାଯାଇଛି ।

ସଂପୃକ୍ତ ପୋଲ ନିର୍ମାଣ ବେଳେ ସୂଚନା ଫଳକ ଲାଗି ନଥିବାରୁ ପୋଲରେ କେଉଁ ବିଭାଗ ଦ୍ୱାରା କେତେଟଙ୍କା ବ୍ୟୟ ଅଟକଳରେ ପୋଲ ନିର୍ମାଣ ହୋଇଛି ତଥା ଏହାର ଠିକାଦାର କିଏ ବୋଲି ସାଧାରଣ ଲୋକେ ଜାଣିପାରୁ ନାହାନ୍ତି । ତେବେ ପୋଲ ଫାଟି ଆଁ କରିଥିବା ସମୟରେ ଗ୍ରାମ୍ୟ ଉନ୍ନୟନ ବିଭାଗର ସହକାରୀ ଯନ୍ତ୍ରୀ ସୈାମ୍ୟରଂଜନ ଦ୍ୱିବେଦୀଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ସେ କ୍ଷେତ୍ର ପରିଦର୍ଶନ କରିବାକୁ କହି ଆସିନଥିବାର ଜଣାଯାଇଛି । ତେବେ ନିର୍ମାଣ ବେଳେ ଏହି ପୋଲର ଜଏଣ୍ଟ ପଏଣ୍ଟରେ ଫାଟ ସୃଷ୍ଟି ହୋଇଥିବାରୁ ଏହାର ସ୍ଥାୟୀତ୍ୱ ଉପରେ ପ୍ରଶ୍ନ ଉଠାଇଛନ୍ତି ସାଧାରଣ ଲୋକେ । ଏହି ନିମ୍ନ ମାନର ପୋଲ ନିର୍ମାଣର ଉଚ୍ଚ ସ୍ତରୀୟ ତଦନ୍ତ କରିବା ପାଇଁ ଅଂଚଳବାସୀଙ୍କ ପକ୍ଷରୁ ଦାବି ହୋଇଛି ।

Leave A Reply