କାହିଁକି ମା ଲକ୍ଷ୍ମୀ ଗୋଟିଏ ସ୍ଥାନରେ ସ୍ଥିର ହୋଇ ରୁହନ୍ତି ନାହିଁ

ଆଲୋକର ପର୍ବ ଦୀପାବଳୀ ହିନ୍ଦୁ ଧର୍ମର ଗୋଟିଏ ମୁଖ୍ୟ ପର୍ବ, ଏହି ପର୍ବ କାର୍ତିକମାସ ଅମାବାସ୍ୟା ତିଥିରେ ପାଳନ ହୋଇଥାଏ l ଯାହାକି ଚଳିତ ମାସ ୩୧ ତାରିଖରେ ପାଳିତ ହେବାକୁ ଯାଉଛି l ଦୀପାବଳୀ ପୂର୍ବରୁ ଲୋକେ ଲକ୍ଷ୍ମୀ ପୂଜନ ର ପ୍ରସ୍ତୁତି ଆରମ୍ଭ କରି ଦେଇ ଥାଆନ୍ତି l ହିନ୍ଦୁ ଧର୍ମରେ ଲକ୍ଷ୍ମୀଙ୍କୁ ଧନ, ବୈଭବ, ସୁଖ ଓ ସମୃଦ୍ଧିର ଦେବୀ ବୋଲି କୁହାଯାଇ ଥାଏ l ସେଥିପାଇଁ ପ୍ରତ୍ୟେକ ବ୍ୟକ୍ତି ଚାହିଁ ଥାଆନ୍ତି ମାତା ଲକ୍ଷ୍ମୀଙ୍କ କୃପା ତାଙ୍କ ଉପରେ ରହିଥାଉ l ଶାସ୍ତ୍ର ଅନୁସାରେ ମାତା ଲକ୍ଷ୍ମୀଙ୍କୁ ଚଂଚଳା କୁହାଯାଏ , ସେ ଗୋଟିଏ ସ୍ଥାନରେ ସ୍ଥିର ହୋଇ ରହି ନଥାଆନ୍ତି l

– ଧର୍ମ ଶାସ୍ତ୍ର ଅନୁସାରେ ମା ଲକ୍ଷ୍ମୀ ଙ୍କ ସ୍ଵଭାଵ ଖୁବ ଚଂଚଳ, ଏହି କାରଣରୁ ସେ ଗୋଟିଏ ସ୍ଥାନରେ ସ୍ଥିର ହୋଇ ରୁହନ୍ତି ନାହିଁ l ଆସନ୍ତୁ ଜାଣିବା ମା ଲକ୍ଷ୍ମୀ କାହିଁକି ସ୍ଵଭାଵ ରେ ଚଂଚଳା ଅଟନ୍ତି l

– ପୌରାଣିକ କଥା ଅନୁସାରେ ନାରଦ ଏହି ପ୍ରଶ୍ନ ବ୍ରହ୍ମାଙ୍କୁ ପଚାରି ଥିଲେ, ଯେ ମାତା ଲକ୍ଷ୍ମୀ କାହିଁକି ଗୋଟିଏ ସ୍ଥାନରେ ସ୍ଥିର ହୋଇ ରୁହନ୍ତି ନାହିଁ l ଏହାର ଉତ୍ତରରେ ବ୍ରହ୍ମା କହିଥିଲେ ଯଦି ଲକ୍ଷ୍ମୀ ଗୋଟିଏ ସ୍ଥାନରେ ସ୍ଥିର ହୋଇ ରହିଯିବେ ତେବେ ବ୍ୟକ୍ତିର ଗର୍ବ ଓ ଅଭିମାନ ବଢି ଯାଇଥାଏ l ଏବଂ ବ୍ୟକ୍ତି କୁକର୍ମ କରିବାକୁ ଲାଗିଥାଏ l ଭକ୍ତ କୁ ତାର ପରିଶ୍ରମ ଫଳରେ ଧନ ଓ ଐଶ୍ୱର୍ଯ୍ୟ ଲାଭ ହେଉ ସେଥପାଇଁ ଲକ୍ଷ୍ମୀଙ୍କୁ ଚଂଚଳା ମନା କରାଯାଇଛି l

– ମା ଲକ୍ଷ୍ମୀ ସାଗର ମନ୍ଥନ ରୁ ଆବିର୍ଭାବ ହୋଇଥିଲେ, ଜଳ ଯେପରି ଗୋଟିଏ ସ୍ଥାନରେ ସ୍ଥିର ହୋଇ ରୁହେ ନାହିଁ ସେହିଭଳି ମାତା ଲକ୍ଷ୍ମୀ ମଧ୍ୟ ଗୋଟିଏ ସ୍ଥାନରେ ସ୍ଥିର ହୋଇ ରୁହନ୍ତି ନାହିଁ l ଯଦି କୌଣସି ବ୍ୟକ୍ତି ଚାହୁଁଚି ମାତା ଲକ୍ଷ୍ମୀଙ୍କ କୃପା ସର୍ବଦା ତାର ପରିବାର ଉପରେ ରହିଥାଉ ତେବେ ସେ ବିଧି ବିଧାନ ଭାବରେ ତାଙ୍କ ପୂଜା କରିବା ଜରୁରୀ l ଘରକୁ ସର୍ବଦା ସଫା ସୁତୁରା ରଖିବା ଆବଶ୍ୟକ l ଧନର ସଦୁପଯୋଗ କରିବା ଜରୁରୀ l