ସାକ୍ଷୀଗୋପାଳ : ଶିକ୍ଷା ବର୍ଷ ମାଟ୍ରିକ ପରୀକ୍ଷାରେ ସତ୍ୟବାଦୀ ବ୍ଲକ ସ୍ତରରୁ ଏକାଡେମୀକ ସ୍ତରରେ ୧୦୧, ଓ ବେଷ୍ଟ ଲିଡରସିପ ଭାବେ ୪୮ , ଏକାଡେମୀକ ଜିଲ୍ଲା ସ୍ତରରୁ ୮ ଜଣ ଛାତ୍ରଛାତ୍ରୀ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପାଇବା ନିମନ୍ତେ ଯୋଗ୍ୟ ବିବେଚିତ ହୋଇଛନ୍ତି । ଏହା ବ୍ୟତୀତ ସତ୍ୟବାଦୀର ତିନୋଟି ହାଇସ୍କୁଲ ଯଥା ବଳପୁର ହାଇସ୍କୁଲ , ଜାଗେଶ୍ୱରୀ ବିଦ୍ୟାପୀଠ ଓ ବିରଗୋବିନ୍ଦପୁର ହାଇସ୍କୁଲ ସମେତ ତିନୋଟି ପ୍ରାଥମିକ ବିଦ୍ୟାଳୟ ଯଥା ପରାହାଟ ପ୍ରାଥମିକ ବିଦ୍ୟାଳୟ ,ନହଳା ପ୍ରାଥମିକ ଓ ପୁରୁଣା ସୋମେଶ୍ୱର ପୁର ଉଚ୍ଚ ବିଦ୍ୟାଳୟକୁ ଶ୍ରେଷ୍ଠ ବିଦ୍ୟାଳୟ ଭାବେ ପୁରସ୍କାର ଦିଆଯିବ । ସତ୍ୟବାଦୀ ହାଇ ସ୍କୁଲର ଶିକ୍ଷୟତ୍ରୀ ତପସ୍ୱିନୀ ତ୍ରିପାଠୀ , ଭଲ ଆଲୁମୁନି କମିଟି ଭାବେ ତୃତୀୟା ଦେଵ ହାଇସ୍କୁଲ ଆଲୁମୁନି କମିଟି ଓ ଭଲ ଅଭିଭାବକ କମିଟି ଭାବେ ବଳପୁର ହାଇସ୍କୁଲ ଅଭିଭାବକ କମିଟି ମୁଖ୍ୟମନ୍ତ୍ରୀ ପୁରସ୍କାର ପାଇବା ପାଇଁ ଯୋଗ୍ୟ ବିବେଚିତ ହୋଇଛନ୍ତି।
ଏଥିପାଇଁ ସତ୍ୟବାଦୀ ବ୍ଲକ ଶିକ୍ଷା ଅଧିକାରୀ ଭବମ ପ୍ରଧାନଙ୍କ ତତ୍ତ୍ୱାବଧାନରେ ଆସନ୍ତା କାଲି ଅର୍ଥାତ ରବିବାର ଦିନ ସତ୍ୟବାଦୀ ହାଇସ୍କୁଲରୁ ୪ ଗୋଟି ବସ ଦ୍ୱାରା ଛାତ୍ର ଛାତ୍ରୀ ପୁରୀ ଭୋଳନାଥ ବିଦ୍ୟାପୀଠକୁ ସକାଳ ୮ ଘଟିକା ସମୟରେ ଯିବେ । ଛାତ୍ରଛାତ୍ରୀ ଙ୍କୁ ଶୃଙ୍ଖଳିତ ଭାବରେ ନେବା ଆଣିବା ପାଇଁ ଗାଇଡ ଶିକ୍ଷକଙ୍କ ସହ ପ୍ରଧାନ ଶିକ୍ଷକ ଓ ପ୍ରଧାନ ଶିକ୍ଷୟତ୍ରୀ ଯିବେ । ଛାତ୍ରଛାତ୍ରୀଙ୍କ ଏହି କୃତିତ୍ୱ ପାଇଁ ବ୍ଲକ ଶିକ୍ଷା ଅଧିକାରୀ ଭବମ ପ୍ରଧାନ ସମସ୍ତଙ୍କୁ ଶୁଭେତ୍ସା ଜଣାଇଛନ୍ତି l
