ଆଜିଠୁ ୫-ଟି ଅଧ୍ୟକ୍ଷଙ୍କ ଦୁଇଦିନିଆ ଗଞ୍ଜାମ ଜିଲ୍ଲା ଗସ୍ତ, ବିଭିନ୍ନ ଉର୍ଣ୍ଣୟନମୂଳକ କାର୍ଯ୍ୟର କରିବେ ସମୀକ୍ଷା

ବ୍ରହ୍ମପୁର ( ଅମରେନ୍ଦ୍ର କୁମାର ପଟ୍ଟନାୟକ, ସକାଳ ଖବର ) ଆଜି ଗଞ୍ଜାମ ଜିଲ୍ଲା ଗସ୍ତରେ ଆସିବେ ୫- ଟି ଓ ନବୀନ ଓଡିଶା ଅଧ୍ୟକ୍ଷ ଭି କାର୍ତ୍ତିକେନ ପାଣ୍ଡିଆନ ଆଜି ଓ ଆସନ୍ତା କାଲି ଜିଲ୍ଲାର ବିଭିନ୍ନ ଅଂଚଳ ଗସ୍ତକରି ୫- ଟି ଉପକ୍ରମ ଉପକ୍ରମ ଅଧୀନରେ ଜାରୀ ରହିଥିବା ବିଭିନ୍ନ ଉର୍ଣ୍ଣୟନ ମୂଳକ କାର୍ଯ୍ୟର ସମୀକ୍ଷା କରିବେ ମିଳିଥିବା ସୂଚନା ଅନୁସାରେ 5-ଟି ଓ ନବୀନ ଓଡିଶା ଅଧ୍ୟକ୍ଷ ଆଜି ଅପରାହ୍ନରେ ପ୍ରଥମେ ହିଞ୍ଜିଳି ବ୍ଲକରୁ ତାଙ୍କର ଗସ୍ତ ଓ ସମୀକ୍ଷା ଆରମ୍ଭ କରିବେ, ସେ ପୋଚିଲିମା ଜୁନିଅର କଲେଜରେ ୫- ଟି ଅଧୀନରେ ରୂପାନ୍ତରଣ କାର୍ଯ୍ୟକ୍ରମର ସମୀକ୍ଷା କରି ଛାତ୍ରଛାତ୍ରୀ ମାନଙ୍କ ସହ ଆଲୋଚନା କରିବା ସମ୍ଭାବନା ରହିଛି, ହିଞ୍ଜିଳିରେ ସେ ବିଜୁବାବୁ ଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ଶେରଗଡ଼ ମଧ୍ୟ ଯିବା କାର୍ଯ୍ୟକ୍ରମ ରହିଛି, ଶେରଗଡ଼ରେ ସେ ରୁରାଲ ଇଣ୍ଡଷ୍ଟ୍ରିଆଲ ପାର୍କ ପରିଦର୍ଶନ କରିବା ପରେ ଚାଷୀ ଓ ହିତାଧିକାରୀଙ୍କ ସହ ଆଲୋଚନା କରିବେ, ଏହାପରେ ପାଣ୍ଡିଆନ ବ୍ରହ୍ମପୁର ଆସି ମା ବୁଢ଼ୀ ଠାକୁରାଣୀ ମନ୍ଦିର ପରିଦର୍ଶନ କରିବେ, ମା ଙ୍କ ଦର୍ଶନ କରି ମନ୍ଦିରର ରୂପାନ୍ତକରଣ କାର୍ଯ୍ୟର ସମୀକ୍ଷା କରିବେ, ଆସନ୍ତା କାଲି ୫-ଟି ଓ ନବୀନ ଓଡିଶା ଅଧ୍ୟକ୍ଷ ଏମକେସିଜି ମେଡିକାଲର ଉର୍ନୟନ କାର୍ଯ୍ୟ ଓ ରିଂ ରୋଡ଼ କାର୍ଯ୍ୟର ସମୀକ୍ଷା କରିବେ, ତା ପରେ ଆସିକା ଗସ୍ତରେ ଯିବେ, ସେଠାରେ ମା ଖମ୍ବେଶ୍ବରୀ ମନ୍ଦିର ପରିଦର୍ଶନ ସାରି ଭଞ୍ଜନଗର ଗସ୍ତ କରିବେ, ଭଞ୍ଜନଗର ରୁ କୁଲାଡ଼ ଯିବେ ସେଠାରେ ଜଗନ୍ନାଥ ମଦିର ଓ ମା ବ୍ୟାଘ୍ରଦେବୀ ମନ୍ଦିର ପରିଦର୍ଶନ କରିଵା ପରେ ହେଲିକେପ୍ଟର ଯୋଗେ ଭୁବନେଶ୍ୱର ଫେରିଯିବା କାର୍ଯ୍ୟକ୍ରମ ରହିଛି,୫-ଟି ଅଧ୍ୟକ୍ଷଙ୍କ ଗସ୍ତ ଦୃଷ୍ଟିରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି, ଗଞ୍ଜାମ କଲେକ୍ଟର ଦିବ୍ୟଜ୍ୟୋତି ପରିଡା, ଗଞ୍ଜାମ ଜିଲ୍ଲା ପୋଲିସ ଆରକ୍ଷୀ ଅଧ୍ୟକ୍ଷକ ଜଗମୋହନ ମିନା, ବ୍ରହ୍ମପୁର ପୋଲିସ ଆରକ୍ଷୀ ଅଧ୍ୟକ୍ଷକ ବିବେକ ଶ୍ରବଣ ଏମ ସମସ୍ତ କାର୍ଯ୍ୟର ତଦାରଖ କରୁଛନ୍ତି.