ବାଲେଶ୍ୱର-୦୪/୦୯ : ଟାଟା ପାୱାର ଓ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପିନର୍ଦନ ଓଡ଼ିଶା ଡିଷ୍ଟି୍ରବୁ୍ୟସନ ଲିମିଟେଡ୍ (ଟିପିଏନ୍ଓଡିଏଲ୍) ଏହାର କର୍ପୋରେଟ ସାମାଜିକ ଦାୟିତ୍ୱବଧର ଅଂଶ ସ୍ୱରୂପ ଓଡ଼ିଶାର କେନ୍ଦୁଝର, ମୟୁରଭଞ୍ଜ, ବାଲେଶ୍ୱର, ଭଦ୍ରକ ଓ ଯାଜପୁର ଜିଲ୍ଲାରେ ସ୍ଥାନୀୟ ବାସିନ୍ଦାଙ୍କୁ ମୌଳିକ ସ୍ୱାସ୍ଥ୍ୟସେବା ପ୍ରଦାନ କରିବାକୁ ପ୍ରତିବଦ୍ଧ ରହିଛି । ଏହି ୫ଟି ଜିଲ୍ଲାରେ ଟିପିଏନ୍ଓଡିଏଲ୍ ପକ୍ଷରୁ ୪ଟି ଭ୍ରାମ୍ୟମାଣ ସ୍ୱାସ୍ଥ୍ୟ ଡିସ୍ପେନ୍ସେରି (ଏମ୍ଏଚ୍ଡି) ମୁତୟନ କରାଯାଇଛି । ନିୟମିତ ବ୍ୟବଧାନରେ ସ୍ଥାନୀୟ ଲାଇନ୍ମେନ ଓ ସମ୍ପୃକ୍ତ ବିଦୁ୍ୟତ ଡିଭିଜନର ଜୁନିୟର ଇଞ୍ଜିନିୟରଙ୍କ ସହଯୋଗରେ ଦୁର୍ଗମ ଗ୍ରାମୀଣ ଅଞ୍ଚଳରେ ସ୍ୱାସ୍ଥ୍ୟ ଶିବିର ଆୟୋଜନ କରାଯାଉଛି । ପ୍ରତିସ୍ଥାନରେ ଶିବିର ଆୟୋଜନ ତାରିଖ ବିଷୟରେ ସମୁଦାୟର ଲୋକମାନଙ୍କୁ ପୂର୍ବରୁ ଅବଗତ କରାଯାଉଛି । ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର କିମ୍ବା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନଥିବା ଅଞ୍ଚଳରେ ଲୋକମାନଙ୍କୁ ମାଗଣା ଚିକିତ୍ସା ପରାମର୍ଶ ଓ ଔଷଧ ପ୍ରଦାନ କରିବା ଲାଗି କମ୍ପାନୀ ପକ୍ଷରୁ ଏହି ଶିବିରଗୁଡ଼ିକରେ ଜଣେ ଯୋଗ୍ୟ ଏମ୍ବିବିଏସ୍ ଡାକ୍ତର, ଫାର୍ମାସିଷ୍ଟ ଓ ନର୍ସ ମୁତୟନ କରାଯାଇଛି । ଡାକ୍ତର ଓ ତାଙ୍କ ଟିମ୍ ପକ୍ଷରୁ ଥଣ୍ଡା, କଫ,ଜ୍ୱର, ମୁଣ୍ଡବିନ୍ଧା, ଡ଼େଙ୍ଗୁ, ମେଲେରିଆ ଓ ଅନ୍ୟାନ୍ୟ ରୋଗପାଇଁ ଚିକିତ୍ସା ପ୍ରଦାନ କରାଯାଉଛି । ଏହି ମେଡ଼ିକାଲ ଟିମ୍ ପକ୍ଷରୁ ୫ଟି ଜିଲ୍ଲାରେ ପ୍ରତିଷେଧ ମୂଳକ ରୋଗ ସମ୍ପର୍କରେ ସ୍ୱାସ୍ଥ୍ୟ ସଚେତନତା ଅଭିଯାନ ମଧ୍ୟ ଆୟୋଜନ କରାଯାଉଛି । ଜଟିଳ ରୋଗକୁ ପ୍ରତିରୋଧ କରିବାର ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକରେ ୪ହଜାରରୁ ଅଧିକ ସମୁଦାୟର ସଦସ୍ୟମାନଙ୍କୁ ସଚେତନ କରାଯାଉଛି । ଟିପିଏନ୍ଓଡିଏଲ୍ ପକ୍ଷରୁ ୧୦୫୦ରୁ ଅଧିକ ସ୍ୱାସ୍ଥ୍ୟଶିବିର ଆୟୋଜନ କରାଯିବା ସହ ୯୬ ହଜାର ରୋଗୀଙ୍କୁ ଚିକିତ୍ସା ସୁବିଧା ଓ ମାଗଣା ଔଷଧ ପ୍ରଦାନ କରାଯାଇଛି । ମିଳିତଭାବେ ଏହି କାର୍ଯ୍ୟକ୍ରମ ଦ୍ୱାରା ଏକଲକ୍ଷ ୩୬ ହଜାର ଗ୍ରାମୀଣ ବାସିନ୍ଦା ଉପକୃତ ହୋଇଛନ୍ତି । ବହୁବିଧ ସିଏସ୍ଆର୍ କାର୍ଯ୍ୟକ୍ରମ ଅଧିନରେ ଗ୍ରାମୀଣ ଲୋକଙ୍କ ଜୀବନ ଓ ସାମାଜର ସାମଗ୍ରିକ ଉନ୍ନତୀ ଉପରେ ଟିପିଏନ୍ଓଡିଏଲ୍ର ବିଶ୍ୱାସ ଥିବାବେଳେ ସେ ଦିଗରେ କମ୍ପାନୀ ମଧ୍ୟ କାର୍ଯ୍ୟ କରୁଛି । ଏସମ୍ପର୍କରେ ଟିପିଏନ୍ଓଡିଏଲ୍ର ସିଇଓ ଭାସ୍କର ସରକାର କହିଛନ୍ତି ଯେ ଆମ ପାରିପାଶ୍ୱର୍ିକ ଅଞ୍ଚଳରେ ସମୁଦାୟର ଉନ୍ନତ ସ୍ୱାସ୍ଥ୍ୟ ଓ କଲ୍ୟାଣର ପ୍ରସାର କରିବା ଉପରେ ଆମେ ସର୍ବଦା ଗୁରୁତ୍ୱ ଦେଉଛୁ । ଟାଟା ସଂସ୍ଥାର ନୀତି ଆଦର୍ଶ ଅନୁସାରେ ଧନ୍ଦାମୂଳକ ତାଲିମ, ଜୀବନଜୀବିକା ପଦକ୍ଷେପ, ନିଯୁକ୍ତି ସୃଷ୍ଟି , ମହିଳା ସଶକ୍ତି କରଣ,ମେଡିକାଲ ସୁବିଧା ଏବଂ ଗରିବ ଓ ଅନଗ୍ରସର ପିଲାମାନଙ୍କ ଶିକ୍ଷା କ୍ଷେତ୍ରରେ ଆମର ସିଏସ୍ଆର୍ କାର୍ଯ୍ୟକ୍ରମ ଜରିଆରେ ଉତର ଓଡ଼ିଶାର ଲୋକମାନଙ୍କ ଜୀବନକୁ ବଦଳାଇବା ଦିଗରେ ଆମେ ସର୍ବଦା କାର୍ଯ୍ୟ କରୁଛୁ
