ନୂଆପଡା-୧୫/୯ ସକାଳ ଖବର (ସୁରେନ୍ଦ୍ର ପ୍ରସାଦ ତିୱାରି) ଦାଦାଵଟି ନ ଦେଵାରୁ ଜଣେ ମହିଳାଙ୍କୁ ଗୁଳିକରି ହତ୍ଯା। ଗୁଳି ଚଳାଇବା ପରେ ଅଭିଯୁକ୍ତ ଫେରାର ହୋଇଯାଇଛି। ଏଭଳି ଅଘଟଣ ଘଟିଛି ଗତ ରାତ୍ରୀ ପ୍ରାୟ ଏଗାରଟା ସମୟ ରେ ନୂଆପଡ଼ା ଜିଲ୍ଲା କୋମନା ଥାନା ଠୁଟିବର ଗାଁରେ। ସୂଚନା ଅନୁଯାୟୀ, କୋମନା ଥାନା ଠୁଟିଵର ଗାଁର ଶରତ ଚନ୍ଦ୍ର ସାହୁ (୬୪) ଓ ତାଙ୍କ ସ୍ତ୍ରୀ କୁମୁଦିନୀ ଶଵର (୪୬) ଘରେ ଶୋଇଥିବା ବେଳେ ହଠାତ୍ କେହି ଜଣେ କବାଟ ବାଡ଼େଇଥିଲା। ସେମାନେ କବାଟ ଖୋଲିବାରୁ ଦେଖିଲେ ସେହି ଗ୍ରାମର ନୀଳାମ୍ବର ସୁନା ଏକ ପିସ୍ତଲ ଧରି ଠିଆ ହୋଇଛି। ନୀଳାମ୍ବର ଶରତ ଚନ୍ଦ୍ର ସାହୁଙ୍କୁ ୧୦ ହଜାର ଟଙ୍କା ଦାଦାଵଟି ମାଗିଥିଲା। ଶରତ ମନା କରିବାରୁ ତାଙ୍କୁ ଟାର୍ଗେଟ୍ କରି ଗୁଳି ଚଳାଇବା ବେଳେ ସ୍ତ୍ରୀ କୁମୁଦିନୀ ସ୍ବାମୀଙ୍କୁ ରକ୍ଷା କରିବାକୁ ସାମ୍ନାକୁ ଆସିଥିଲେ। ଫଳରେ ଗୁଳିମାଡ଼ରେ ଘଟଣାସ୍ଥଳରେ କୁମୁଦିନୀ ଟଳିପଡି ଥିଲେ ।ଏହାପରେ ନୀଳାମ୍ବର ସୁନା କେଉଁଆଡ଼େ ଚମ୍ପଟ ମାରିଥିଲା। ଖବର ପାଇ କୋମନା ଥାନା ପୁଲିସ ଘଟଣାସ୍ଥଳରେ ପହଞ୍ଚି କୁମୁଦିନୀଙ୍କ ମୃତଦେହ ଉଦ୍ଧାର କରି କୋମନା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇଥିଲେ। ସୁଚନା ଥାଉ କି ଏହା ପୂର୍ବରୁ ବଲାଙ୍ଗିର ଜିଲ୍ଲା ଲାଠୋର ଅଞ୍ଚଲାରେ ଏକ ହତ୍ୟା କାଣ୍ଡ ଘଟାଇ ଜେଲ ଯାଇ ଆସିଥିବା ଶରତ ସାହୁ ପ୍ରକାଶ କରିଛନ୍ତି। କୋମନା ପୋଲିସ ଘଟଣାର ତଦନ୍ତ କରିବା ସହ ଫେରାର ନୀଳାମ୍ବର ସୁନାକୁ ଧରିବା ଲାଗି ତନାଘନା ଚଳାଇଛି।
