ଡାଲମିଆ ସିମେଣ୍ଟ ଭାରତ ରାଜଗାଙ୍ଗପୁରରେ ଏକାଧିକ କାର୍ଯ୍ୟକ୍ରମ ସହିତ ମହିଳା ଦିବସ ପାଳନ କରୁଛି
ରାଜଗାଙ୍ଗପୁର ପ୍ଲାଣ୍ଟ ଲିଙ୍ଗଗତ ସମାନତା ଉପରେ ଦୃଷ୍ଟିନିବଦ୍ଧ କରୁଛି ଏବଂ ମହିଳା ନେତୃତ୍ୱକାରୀ ଟିମ୍ ‘ଫାୟାର୍ବାର୍ଡସ୍ @ଆର୍ଜିପି’ ଶୁଭାରମ୍ଭ କରିଛି
ଭାରତର ଅନ୍ୟତମ ସର୍ବବୃହତ ସିମେଣ୍ଟ ଉତ୍ପାଦନକାରୀ ଡାଲମିଆ ସିମେଣ୍ଟ (ଭାରତ) ଲିମିଟେଡ (ଡିସିବିଏଲ୍) କମ୍ପାନୀର ରାଜଗାଙ୍ଗପୁର ପ୍ରକଳ୍ପ ଏବଂ ଏହାର ପରିପାର୍ଶ୍ଵିକ ଜନସମୁଦାୟଙ୍କ ମଧ୍ୟରେ ବହୁବିଧ ପ୍ରୟାସ ଜରିଆରେ ଏକ ସମାବେଶୀ ପରିବେଶକୁ ଉତ୍ସାହିତ କରିବା, ଏକ ଅବାଧ ଓ ବିବିଧତା ସଂପନ୍ନ କାର୍ଯ୍ୟବଳକୁ ପୃଷ୍ଠପୋଷକତା ଯୋଗାଇଦେବା ତଥା ଲିଙ୍ଗଗତ ସମାନତାକୁ ପ୍ରୋତ୍ସାହିତ କରିବା ନିମନ୍ତେ ନିଜର ଅଗ୍ରାଧିକାରତାକୁ ଦୋହରାଉଛି ।
କମ୍ପାନି ରାଜଗାଙ୍ଗପୁର କାରଖାନାର ମହିଳା ସଶକ୍ତିକରଣ ପ୍ରୟାସ ସମୂହକୁ ଆଗେଇନେବା ସକାଶେ ନିକଟରେ ଇଞ୍ଜିନିୟରିଂ, କ୍ୱାଲିଟି ଆସ୍ୟୁରାନ୍ସ, ଆକାଉଣ୍ଟ୍ସ, ମାନବ ସମ୍ବଳ, ଖଣି, ସିଏସ୍ଆର ଓ ପୁନର୍ବାସ ଓ ଥଇଥାନ (ଆରଆଣ୍ଡ୍ଆର) ଆଦି ସମସ୍ତ ବିଭାଗରେ କାର୍ଯ୍ୟରତ ଓ ବିଭିନ୍ନ ଭୂମିକା ନିର୍ବାହ କରୁଥିବା ମହିଳା ବୃତ୍ତିଧାରୀଙ୍କୁ ନେଇ ଏକ ଦଳ ଗଠନ କରିଛି । ଏହି ଦଳକୁ ‘ଫାୟାର୍ବାର୍ଡସ୍ @ଆର୍ଜିପି’ ବୋଲି କୁହାଯାଉଛି ଏବଂ ଏହା ଏକ ଅଭିବୃଦ୍ଧି ଭିତ୍ତିକ ନୈତିକତାକୁ ସୁନିଶ୍ଚିତ କରିବା ଦିଗରେ ଡିସିବିଏଲ୍ର ପ୍ରତିବଦ୍ଧତାକୁ ପରିପ୍ରକାଶ କରୁଛି ।
“‘ଫାୟାର୍ବାର୍ଡସ୍ @ଆର୍ଜିପି’ ପଛରେ ମୁଖ୍ୟ ଚିନ୍ତାଧାରା ହେଉଛି ସମସ୍ତ ମହିଳାଙ୍କର ସାମର୍ଥ୍ୟ, ପାରଦର୍ଶିତା ଏବଂ ଦୀପ୍ତିମାନ ଆକାଂକ୍ଷା ରହିଛି, ଯାହା ‘ଫାୟାର’ ଶବ୍ଦ ଦ୍ୱାରା ପ୍ରତିଭାତ ହେଉଛି । ‘ବାର୍ଡ’ ଶବ୍ଦଟି ଏହା ଉଲ୍ଲେଖ କରୁଛି ଯେ ସେମାନେ ଆଗକୁ ବଢିବା ଡାଲମିଆ ସିମେଣ୍ଟର ନୀଳ ଆକାଶରେ ଉକ୍ରର୍ଷ ହାସଲ କରିବା ନିମନ୍ତେ ମୁକ୍ତ ଅଟନ୍ତି,” ବୋଲି ଶ୍ରୀ ଚେତନ ଶ୍ରୀବାସ୍ତବ, ଏକ୍ଜିକୁ୍ୟଟିଭ ଡାଇରେକ୍ଟର ଏବଂ ୟୁନିଟ ହେଡ୍, ଡିସିବିଏଲ୍ ରାଜଗାଙ୍ଗପୁର କହିଛନ୍ତି ।
ମହିଳା ଦିବସରେ ଏହି ଦଳର କାର୍ଯ୍ୟକ୍ରମଗୁଡିକୁ ନେଇ ଖୁସି ମନାଇବା ଅବସରରେ ‘ଫାୟାର୍ବାର୍ଡସ୍ @ଆର୍ଜିପି’ର ସମସ୍ତ ସାଥୀଙ୍କୁ ସେମାନଙ୍କ ନିଜସ୍ୱ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ୟୁନିଟ୍ ହେଡ ଏବଂ ବରିଷ୍ଠ ପଦାଧିକାରୀବୃନ୍ଦ ସମ୍ବର୍ଦ୍ଧିତ କରିବା ପରେ ନୈଶ୍ୟଭୋଜି ଆୟୋଜିତ ହୋଇଥିଲା ।
“ଏକ ସମାବେଶୀ ଏବଂ ବିବିଧ କାର୍ଯ୍ୟବଳକୁ ସଶକ୍ତ କରିବାରେ ଆମେ ବିଶ୍ୱାସ ରଖୁଛୁ ଏବଂ ଆମର କର୍ମଚାରୀ, ଆମର ସହଭାଗୀ ଅଥବା ଆମର ଗୋଷ୍ଠୀ ସମୁଦାୟ ହୁଅନ୍ତୁ, ରାଜଗାଙ୍ଗପୁରର ସମସ୍ତ ଜନସାଧାରଣ ଏହି ପ୍ରୟାସଗୁଡିକରୁ ଯେଭଳି ସୁଫଳ ପାଇବେ ତାହା ସୁନିଶ୍ଚିତ କରିବାକୁ ଆମ ପ୍ରୟାସକୁ ତ୍ୱରାନ୍ୱିତ କରୁଛୁ,” ବୋଲି ଶ୍ରୀ ଚେତନ ଶ୍ରୀବାସ୍ତବ କହିଛନ୍ତି । “ଆମର ବହୁବିଧ ପ୍ରୟାସଗୁଡିକ ଜରିଆରେ ଆମେ ଦୃଢ ନିଶ୍ଚିତ ଯେ ଆମେ ଆମର ପ୍ରକଳ୍ପ ଏବଂ ଜନପଦଗୁଡିକୁ ସମସ୍ତଙ୍କ ପାଇଁ, ବିଶେଷକରି ମହିଳାଙ୍କ ନିମନ୍ତେ କାର୍ଯ୍ୟ କରିବା ଏବଂ ବାସ କରିବା ସକାଶେ ଅଧିକ ଉତ୍ତମ ଏବଂ ନିରାପଦ କରି ଗଢିତୋଳିବାକୁ ସମର୍ଥ ହେବୁ । ଆମେ ଏହି ୟୁନିଟ୍କୁ ମହିଳାଙ୍କ ପାଇଁ ସର୍ବାଧିକ ଉପଯୋଗୀ ୟୁନିଟ୍ ଭାବରେ ଗଢିତୋଳିବା ଲକ୍ଷ୍ୟ ରଖିଛୁ । ଆମର କାର୍ଯ୍ୟ ପଦ୍ଧତି ଏବଂ ଦୀର୍ଘସ୍ଥାୟୀ ବ୍ୟବସାୟ ଧାରା ସହିତ ସାଲିସ ନକରି ଲିଙ୍ଗଗତ ସମାନତାକୁ ଅଗ୍ରାଧିକାରତା ପ୍ରଦାନ କରିବାରେ ଆମ ଚତୁର୍ପାଶ୍ୱର୍ରେ ବାସ କରୁଥିବା ପ୍ରତ୍ୟେକଙ୍କର ସହଯୋଗ ଆମେ କାମନା କରୁଛୁ ।”
ଡିସିବିଏଲ୍ ମଧ୍ୟ ପ୍ରଥମ ଥର ପାଇଁ ଜଣେ ମହିଳା ଚିକିତ୍ସା ଅଧିକାରୀ (ଏମ୍ଓ)କୁ ନିଯୁକ୍ତି ପ୍ରଦାନ କରିଛି ଏବଂ ଏହାଦ୍ୱାରା ରାଜଗାଙ୍ଗପୁର ସହରାଞ୍ଚଳ ଏବଂ କମ୍ପାନୀର କାର୍ଯ୍ୟବଳର ପ୍ରାୟ ୩୦୦୦ ମହିଳା ଉପକୃତ ହୋଇପାରିବେ ।
କାର୍ଯ୍ୟକ୍ରମ ଆୟୋଜିତ ଦିବସରେ କର୍ମଜୀବୀ ମହିଳାମାନଙ୍କ ପାଇଁ କାରଖାନା ପରିସରରେ ଏକ ଶିଶୁ ଗୃହ ମଧ୍ୟ ଖୋଲାଯାଇଥିଲା ଏବଂ ଶ୍ରୀମତୀ ସୁଶୀଳା ଭଟ୍ଟାଚାର୍ଯ୍ୟ, ହାଉସ୍ କିପିଙ୍ଗ କର୍ମଚାରୀ, ଫିତା କାଟି ଏହି ଗୃହକୁ ଉଦ୍ଘାଟନ କରିଥିଲେ । ଏହି ସୁବିଧା ମହିଳା ଲୋକଶକ୍ତି ଏବଂ ସେମାନଙ୍କ ଶିଶୁଙ୍କୁ ସମର୍ଥନ ସହଯୋଗ ଯୋଗାଇଦେବ ।
୫୧ତମ ଜାତୀୟ ସୁରକ୍ଷା ମାସ ପାଳନ ଉତ୍ସବ ୨୦୨୨ ମାର୍ଚ୍ଚ ୪ ତାରିଖରେ ଉଦ୍ଘାଟିତ ହେବା ଅବସରରେ ମହିଳା ସଶକ୍ତିକରଣ ନିମନ୍ତେ ସମୁଦାୟ ମାସଟିକୁ ଉତ୍ସର୍ଗ କରି ସିମେଣ୍ଟ ମିଲ୍ ବିଭାଗରେ କାର୍ଯ୍ୟ କରୁଥିବା କୁମାରୀ ବିରାଜିନୀ ଏକ୍କା ଗର୍ବର ସହିତ ଭାରତୀୟ ଜାତୀୟ ସୁରକ୍ଷା ଦିବସ ପତାକା ଉତ୍ତୋଳନ କରି ସୁରକ୍ଷାର ଶପଥ ପାଠ କରିଥିଲେ ଏବଂ ତାହାପରେ କାରଖାନା ମୁଖ୍ୟଙ୍କ ଠାରୁ ନେଇ ଉପସ୍ଥିତ କର୍ମଚାରୀଙ୍କ ପର୍ଯ୍ୟନ୍ତ ସମସ୍ତେ ସୁରକ୍ଷା ଶପଥ ପାଠ କରିଥିଲେ ।
କାରଖାନାଠାରେ ଏକ ସ୍ୱତନ୍ତ୍ର ମହିଳା କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଥିଲା ଏବଂ ଏଥିରେ ତୃଣମୂଳ ସ୍ତରରୁ ନେଇ ବରିଷ୍ଠ ପଦାଧିକାରୀଙ୍କ ପର୍ଯ୍ୟନ୍ତ ମହିଳା ବୃତ୍ତିଧାରୀ ଏବଂ ପରିବାର ସଦସ୍ୟଙ୍କୁ ମିଶାଇ ୪ଟି ଦଳରେ ୪୪ ଜଣ ଅଂଶଗ୍ରହଣ କରିଥିଲେ । ଏହି ଦୁଇଦିନିଆ ଟୁର୍ଣ୍ଟାମେଣ୍ଟରେ ମହିଳାଙ୍କ ଫିଟ୍ନେସ, ଆବଶ୍ୟକ ବିଶ୍ରାମ ଏବଂ ମାନସିକ ସ୍ତରକୁ ହାଲୁକା କରିବା ଉପରେ ଦୃଷ୍ଟିନିବଦ୍ଧ କରାଯାଇଥିଲା । କଲୋନି ପରିସରରେ ଥିବା ଷ୍ଟାଡିୟମରେ ମ୍ୟାଚ୍ଗୁଡିକ ଖେଳାଯାଇଥିଲା ଏବଂ ଆଖପାଖର ଜନସାଧାରଣ ଏହାକୁ ଦେଖି ପ୍ରଶଂସା କରିଥିଲେ ।
ଅନ୍ୟାନ୍ୟ ପ୍ରୟାସଗୁଡିକ ମଧ୍ୟରେ କାର୍ଯ୍ୟସ୍ଥଳରେ ଯୌନ ଉତ୍ପୀଡନ ନିରାକରଣ (ପିଓଏସ୍ଏଚ୍) ନିମନ୍ତେ କାରଖାନାର ବିଭିନ୍ନ ସ୍ଥାନରେ ପୋଷ୍ଟର ଲଗାଇ ଏବଂ ମହିଳାଙ୍କ ନିରାପତ୍ତା ନିମନ୍ତେ ଉପଲବ୍ଧ ଡିଜିଟାଲ୍ ଆପ୍ ସମ୍ପର୍କରେ ସେମାନଙ୍କୁ ପରିଚିତ କରାଇ ସଚେତନତା ସୃଷ୍ଟି କରାଯାଇଥିଲା । ଏଥିସହିତ ମହିଳା ଓ ବାଳିକାଙ୍କ ପାଇଁ ଡାଲମିଆ ବିଦ୍ୟା ମନ୍ଦିର (ଡିଭିଏମ୍)ଠାରେ ଖୁବଶୀଘ୍ର ଆତ୍ମରକ୍ଷା ତାଲିମ ପ୍ରଦାନ ଆରମ୍ଭ କରାଯିବ । କାରଖାନାରେ ଥିବା ମହିଳାଙ୍କ ପାଇଁ ଉଦ୍ଦିଷ୍ଟ ସମସ୍ତ ଶୌଚାଳୟରେ ସାନିଟାରୀ ଡିସ୍ପେନସିଂ ମେସିନ ଏବଂ ସାନିଟାରୀ ଇନ୍ସିନେରେଟର ସ୍ଥାପନ ଯୋଜନା କରାଯାଉଛି । ରାଜଗାଙ୍ଗପୁର ସହର ଝଗରପୁର ସ୍ଥିତ ଡାଲମିଆ ପ୍ରାଇଭେଟ ଆଇ ଟି ଆଇର ମଧ୍ୟ ମହିଳା ଦିବସ ପାଳନ କରାଯାଇଛି l
ମହିଳା ଦିବସ ପାଳନ ନିମନ୍ତେ ରାଜଗାଙ୍ଗପୁର ଏବଂ ଏହାର ପରିପାର୍ଶ୍ଵିକ ଅଞ୍ଚଳ ତଥା ଲାଞ୍ଜିବେର୍ଣ୍ଣାରେ ଡିସିବିଏଲ୍ ରାଜଗାଙ୍ଗପୁର କାରଖାନା ପକ୍ଷରୁ ପରିକଳ୍ପନା କରାଯାଇଥିବା ବହୁବିଧା ସିଏସ୍ଆର ପଦକ୍ଷେପଗୁଡିକ ମଧ୍ୟରେ ରହିଛି:
• ପଡୋଶୀ ଜନସାଧାରଣଙ୍କୁ ନେଇ ମହିଳାଙ୍କ ପାଇଁ କ୍ରୀଡା କାର୍ଯ୍ୟକ୍ରମ- ଲାଞ୍ଜିବେର୍ଣ୍ଣା ଖଣି ପରିପାର୍ଶ୍ଵିକ ଅଞ୍ଚଳରେ ବାସ କରୁଥିବା ମହିଳା ଓ ବାଳିକାଙ୍କ ମଧ୍ୟରେ ଅନ୍ତର୍ନିହିତ ପ୍ରତିଭାକୁ ଲୋକଲୋଚନକୁ ଆଣିବା ।
• ଲାଞ୍ଜିବେର୍ଣ୍ଣା ଖଣି ଅଞ୍ଚଳର ମହିଳା ଏସଏଚ୍ଜି ସଦସ୍ୟା ଏବଂ କିଶୋରୀଙ୍କ ମଧ୍ୟରେ ରଙ୍ଗୋଲି, ଗୀତ ଏବଂ ରନ୍ଧନ ପ୍ରତିଯୋଗିତା ମଧ୍ୟ ଆୟୋଜିତ ହୋଇଥିଲା ।
• ସାଂସ୍କୃତିକ କାର୍ଯ୍ୟକ୍ରମ, ଏସଏଚ୍ଜି ଷ୍ଟଲ, ଶ୍ରେଷ୍ଠ ଏସଏଚ୍ଜି ଉଦ୍ୟୋଗୀମାନଙ୍କ ଦ୍ୱାରା ସେମାନଙ୍କର ଅନୁଭୂତି ପ୍ରକାଶ କରିବା ଆଦି ଆୟୋଜନ ଯୋଜନା କରାଯାଇଛି ।
• ମହିଳା ଦିବସ ପାଳନ ଅବସରରେ ଶାନ୍ତି ଅନାଥାଶ୍ରମ, ରାଣୀବନ୍ଧଠାରେ ମହିଳାଙ୍କ ଅଧିକାର ସମ୍ପର୍କରେ ସଚେତନତାମୂଳକ ଅଧିବେଶନ ଏବଂ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
• ଏସ୍ଡି ମହିଳା ମହାବିଦ୍ୟାଳୟରେ ସାନିଟାରୀ ନାପ୍କିନ ଡିସ୍ପୋଜାଲ ମେସିନ ସ୍ଥାପନ ଏବଂ ଉଦ୍ଘାଟନ
• ଜୀବିକା ଉପାର୍ଜନ କୁଶଳତା ତାଲିମ କାର୍ଯ୍ୟକ୍ରମର ଅଂଶସ୍ୱରୂପ ସ୍ଥାନୀୟ ମହିଳାମାନଙ୍କୁ ନୂଆ ନୂଆ କୌଶଳ ଶିଖିବାକୁ ଉତ୍ସାହିତ କରାଯାଉଛି । ନିକଟରେ ଲାଞ୍ଜିବେର୍ଣ୍ଣା ଖଣି ଅଞ୍ଚଳରେ ଆରମ୍ଭ କରାଯାଇଥିବା ଡିଆଇକେଏସଏଚ୍ଏ (ଦିକ୍ଷା) କେନ୍ଦ୍ରରେ ଯୋଗଦେଇଥିବା ମୋଟ ଶିକ୍ଷାନବୀଶଙ୍କ ମଧ୍ୟରେ ୭୦% ମହିଳା ରହିଛନ୍ତି ଏବଂ ସେମାନେ ବିଭିନ୍ନ କ୍ଷେତ୍ରରେ ତାଲିମ ନେଉଛନ୍ତି ।
