ଘଟଗାଁ : କେନ୍ଦୁଝର ଜିଲ୍ଲାର ଅଧିଷ୍ଠାତ୍ରୀ ଦେବୀ ଘଟଗାଁ ତାରିଣୀଙ୍କ ଦର୍ଶନ ପାଇଁ କୋହଳ ହେଲା କୋରୋନା ନିୟମ । ଆସନ୍ତା ୦୩ ମାର୍ଚ୍ଚ ଠାରୁ ସମସ୍ତ ଭକ୍ତ ମାଙ୍କୁ ଦର୍ଶନ କରିପାରବେ ।ପୂର୍ବରୁ ୧୦ ବର୍ଷରୁ କମ୍ ବୟସର ଛୋଟ ଶିଶୁ ଓ ୬୫ ବର୍ଷରୁ ଉର୍ଦ୍ଧ ବୟସ୍କ ବୃଦ୍ଧ ବୃଦ୍ଧା ମାନେ ମାଙ୍କ ଦର୍ଶନ ପାଇବାରୁ ବଂଚିତ ରହୁଥିଲେ । ତେବେ ଜିଲ୍ଲାପ୍ରଶାସନ ଓ ମନ୍ଦିର ଟ୍ରଷ୍ଟ ମଧ୍ୟରେ ଆଲୋଚନା ପରେ ନିୟମ କୋହଳ କରାଯାଇଛି । ଆଜି ଠାରୁ ଶିଶୁଙ୍କ ସମେତ ସମସ୍ତେ ମାଙ୍କ ଦର୍ଶନ କରିପାରିବେ । ତା ସହିତ ମାଙ୍କ ନିକଟରେ ଭକ୍ତ ମାନେ ମାଙ୍କ ନିକଟରେ ଭୋଗ ମଧ୍ୟ ଲଗେଇ ପାରିବେ ବୋଲି ନିଷ୍ପତି ନିଆଯାଇଛି। କିନ୍ତୁ ସମସ୍ତ ଭକ୍ତଙ୍କ ପାଇଁ ମାସ୍କ ପରିଧାନ ବାଧ୍ୟତାମୂଳକ କରାଯାଇଛି। ତେବେ ଏନେଇ ଆଜି ପ୍ରେସମିଟ୍ ଯୋଗେ ସୂଚନା ଦେଇଛି ମନ୍ଦିର ଟ୍ରଷ୍ଟବୋଡ଼। ଏହି ପ୍ରେସମିଟରେ ମନ୍ଦିର ଟ୍ରଷ୍ଟବୋର୍ଡ ସଭାପତି ରାଜେନ୍ଦ୍ର କୁମାର ପଟ୍ଟନାୟକ, ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ସଞ୍ଜୀବ ମହାପାତ୍ର,ଟ୍ରଷ୍ଟବୋର୍ଡ ସଦସ୍ୟ ଆନନ୍ଦ ଚନ୍ଦ୍ର ସିଂ, ଦୟାନିଧି ମହାନ୍ତ ସମେତ ଘଟଗାଁ ପ୍ରେସ କ୍ଲବର ସମସ୍ତ ସଦସ୍ୟ ଉପସ୍ଥିତ ଥିଲେ।
